فتة بالخل والثوم ممممممم ( مشاركة تشجيعية فى حضرى خروفك ومتعى ضيوفك )
كيفكم حبيباتى ان شاء الله تكونوا بخير
انا اليوم حبيت اشاركم طبق سهل وبسيط ومعروف
وهو الفتة بالخل والثوم دى من اساسيات العيد عندنا فى مصر هى وصنية الرقاق باللحمة المفرومة ان شاء الله غدا سوف انزل وصفة الرقاق
ياللا ندخل فى الموضوع
بسم الله نبدأ
المقادير حسب افراد الاسره
والمكونات ( خبز - لحم مسلوق مع المرقة ( وطبعا المرقة عليها ملح وفلفل وحبهان وورق لاورا )- ارز ابيض - ثوم - كزبره ناشفة - خل )
الطريقة
نحمر اللحم فى السمن
نحمر الثوم فى السمن مع الكزبرة
ولما يصفر نضيف الخل واول ما يغلى نشيله من على النار
و نحمص الخبز فى الفرن او نحمره فى السمن ( اطيب طبعا )
نضيف عليه مرقة اللحم
ثم الارز
ثم صلصة الخل والثوم ( ونترك قليلا منها جانبا )
ثم اللحم فوقها ونرش على اللحم باقى الخل والثوم
وبالهنا والشفا
محبتى واحترامى للجميع
رد مع اقتباس
معطف امان في ليالي العمر الباردة
مواقع النشر