تيراميسو من اختراعي...بالصور
بسم الله الرحمن الرحيم
السلام عليكم ورحمة الله وبركاته..
اخترعت تيراميسو من عندي..
والسبب ان مقادير التيراميسو مش موجودة كلها عندي ذاك الوقت..
فسويته بالمتوفر..
وطلع طعمه لذيذ واعتمدت الطريقة لأنها سهله..
وقلت عاد الحين أسويها وأقدما للحبايب في بيت حواء..
المقادير..
شراب النسكافيه..
1.5 كوب حليب
فنجان سكر
4 ملاعق وسط نسكافيه
(ممكن تستبدلين الحليب بماء إذا حبيتي طعم النسكافيه مركز)
طبقة الحشوة الأولي..
5 حبات جبن كيري
2 كيس دريم ويب
2 علبة قشطة
1/2 كوب حليب
1\2 كوب من الجيلاتين (ظرف جيلاتين مذوب بكوب ماء ساخن )
طبقة الحشوة الثانية..
7حبات جبن كيري
2 كيس دريم ويب
2 علبة قشطة
1\2 كوب من شراب النسكافيه (تغميسة البسكويت)
1\2 كوب من الجيلاتين (المتبقي من الخلطة الأولى)
1 علبة صغيرة حليب مركز محلى(نستله)
- أول شي نحضر تغميسة البسكويت (شراب النسكافيه)..
نغلي الحليب مع السكر ثم نذوب فيهم النسكافيه ونترك الخليط يبرد شوي
- البسكويت المستخدم للتيراميسو معروف اللي هو (ليدي فنجرز)
- نغمس جهة وحده بس ومجرد غمسة لأنه إذا غطيتي كامل يشرب سائل كثير ويخرب التيراميسو..
إذا حبيتي ضعي بالملعقة بس على الجهة الثانية بس ما تكثري..
- نصف طبقة بسكويت في الصينية..
- تخلط مقادير الخلطة الأولى في الخلاط وتسكب على البسكويت ..
- نصف طبقة بسكويت ثانية بعد تغميسها بشراب النسكافيه..
- تخلط مقادير الخلطة الثانية في الخلاط وتسكب على البسكويت ..
- نتركه في الثلاجة حتى يتماسك جيدا..
- وقبل التقديم يرش السطح ببودرة الكاكاو..
وصحتين وعافية..
رد مع اقتباس
مواقع النشر