السلام عليكم
هذا اللي حصلتلك هو من معلومات عن طلبك >> اللي يهمك راي الناس
هذي بعض تجارب اللي تعالجوا عندهم كل وحدة تقول شي عاد ما ادري اتونسي بالقراءة
وقرري وربي يسهل امرك
انا رحت عند زينب ابو طالب
لكن المواعيد معها زحمه <<<ونقول معليش كل المستشفيات
مستحيل تعطيك رقم جوالها مع ضروره الاتصال معها مباشر من اجل الحبوب والابر
وزياده تقول المستشفي اتصلي ويحولونك على لكن (((يموت الحبيب ما جاء الطبيب)))
لكن مستحيل يحولونك مباشر تتصلين اليوم بعد يومين تدق الدكتوره وش عندك
كانك ((تشحذينها ))
وهي في الدور السابع ومصعد تنتظرين ربع ساعه واكثرعشان يجي لك وبعد مليان
السلام عليكم ورحمه الله وبركاته...
اذا تبي عشان العقم بالدور السابع وافضل دكتور او اللي عملي طفل الانبوب هو الدكتور محمد بقنه سمعته جدا ممتازه...ونجحت العمليه بس اجهضت بالشهر الخامس
فيه الدكتور رامي حمزه جديد تقريبا بس كثير يمدحوونه واخف زحمه..
انا عن نفسي اخذت الابر والمراجعات في مركز علاج الطبي عند الدكتور محمد محمود لنه تعاملهم احسن ووقت التلقيح او العمليه يحوولوني على الحبيب ويشوفون لك افضل دكتور
واهم شي لازم نعرفه ان التووفيق من رب العالمين وحده واهم شي الاستخاار ليسخر الله الافضل لك ان شاء الله
الله يرزق الجميع
__________________
انا رحت لدكتور محمد بقنه اخذت ابر وماصار شي لكن الدكتور مرتاحه له ومواعيده بكل سهوله احصل عليها عندي
والحمل توفيق من الله وشي مكتوب
__________________
بقنه كثير امدحوه بس انا ابي حرمه من ترك شي لله ربي يعوضه بس هو افضل دكتور بالحبيب
ياقلبي انا سمعت عن زينب ابوطالب وهي مولده اختي وتعاملها مره حلووووووو بس سمعت المستشفى مره ممتازه من ناحية العقم وتاخر الحمل
انا اختي لها 8 سنين ما حملت وهي فيالكويت وجات تعالجت عند الحبيب عند الدكتوره شاكره والحمد الله ألحين في الشهر الاولوبالعكس دوامهم كان حلوا ومره مناااااااااااسب واخلاااقهم عاااااااليه واذا تبين تلغين الموعد دقي عليهم ويعطونك موعد مناااسب واذا تبين الدكتوره تكلمك وهالدكتوره ما رحنالها ودفعنا مبلغ وقدره الا لان ناااس كثير امدحوها وكمان جربوها وكل شيء بيد رب العباد والمكتوووب بتاخذونه
الله يثبت حمل أختي قولوااا آآآآآآآآآآآآآآآآآآآآآميييييييييييييييييييين
والله يرزقكم الذريه الصاااااااااااااااالحه عاااااااااااااااااااااجل غير آآآآآآآآآآآآآآآآجل ياااااااااااارب العالميييين
وتأكدوووا إن ما بعد الصبر الا الفرج
اهم شيء الصلاه في وقتها والاذكار وقراءة سورة البقره والمداومه عليها بإذن الله يفرج هم كل وحده فيكم ويعوضها خير ياااارب
يارب يارحيم تحملين بدون تدخل الاطباء يارب تفرحنا
انا سامعة عن الصفيان بمستشفى ذرية يمدحونه بس ماجربته
__________________
انا مرة سويت كوي للقرحه عندهم عند دكتورة اسمها فاتن العصفور وجيتها مره ثانيه عشان الدورة ماكانت منتظمة وسجلتلي على جلوكوفاج انا ماني مرتاحه معها الي تعالجت عندها تقول رايها
__________________
انا رحت عند زينت ابو طالب صراحة مرة كويسة وهادية وتاخذ وتعطي معاك وتعطيكي فرصة تسألين موب مستعجلة......ومواعيدها مرة سهلة وعلى طول تلاقينها وإذا ما في موعد بنفس اليوم تقدرين تروحين انتظار
__________________
اكيد بقنه مايكشف علي بس لو بتسوين اي نوع من الحقن هوبيكشف للحقن ويرفض احد يدخل معك
اهلين اختي شوفي انا رحت للدكتور توفيق جعفر السوداني ممتاااااااز وفاهم شغله جدااااااااا وذوق وقمة الاخلاق في التعامل( اصلا كنت ناوية اروح للدكتورة زينب ابو طالب بس كانت في اجازة طوييييييلة ) المهم طلب من زوجي تحليل وصار ظروف لنا تنقلنا بين الجبيل والرياض وماعاد رحت عنده والصراحة مواعيده بعييييييييييده جدا
قبل اسبوع رحت نفس المركز بس فضلت ادخل لطبيبة اقدر اتكلم معاها اكثر وحصلت الدكتورة زينب ابو طالب فرحت فرح شديييييد ولقيت مواعيدها سهلة جداا والصراحة رحت على الموعد كمان اتأخرت ربع ساعة علشان زحمة الطرق ودخلت على طول ولا اخروني ولا شي
والصراحة دكتور ة رااائعة ماشاء الله عليها مرة عجبتني وتكلمت معاي بكل ذوق واخلاق وطبت زوجي واتكلمت معاه ونبهته من التدخين وحذرته منه
المهم طلبت منها تعملي اشعة الصبغة وتحليل الاجسام المضادة وماعارضت بس قالت مالها داعي بس انا اصريت وسويت التحليل اما بالنسبة للصبغة ماعملتها لأن كنت منتهية من الدورة وصار جماع وهو المفروض مايصير وماصارت ( خيرة )
قالت تعمل لنا تلقيح صناعي مع انه زوجي تحاليله الحمد لله صارت طبيعية ولله الحمد
وموعدي معاها الشهر الجاي
وياااااااااااااارب ماتجي الدورة ويغنيني الله من فضله
ولا يحوجني لالطبيب ولا داية
__________________
بالبدايه السلام عليكم ورحمه الله وبركاته
مبروك على كل حامل واولهم انا
<<<<<<عادي حاول تستخف دمها الموهم
قصتي هذي ماتتخيلون كيف خلتني اخاف من الحمل وهي اني انا تزوجت و عل طول حملت وقلت لزوجي ابي اتابع عند الحبيب قالي طيب الموهم انا مدحولي دكتوره شاكررررره مره قل خلاص مابي غيرها
الموهم انا صرت اتابع عندها وبعدين اخترت اولد بالحمادي والحمد لله جت للحمادي بالليل ومااظلمها يمكن نص ساعه وكانت عندي ماتاخرت
الحمدلله ولدت وجبت ولدوخاطتني من جوا ومن برا على قولتها طلعت ورحت لبيت اهلي ومرت الايام ورحت لها مراجعه وانا 28يوم وقالتلي باقي خيط وفكته الموهم انا لما صارلي 30بديت اتقضا واطلع للسوق وانا امشي حسيت بنغزات استغربت ورحت لدكتوره ثانيه بس كويسه انفجعت يوم اكشفت علي قالتلي الدنيا مبهذله وكأنك مانخطتي وقالتي مين خيطك قالتلها شاكره قالت ماصدق انا اعرفها الدكتوره كويسه كيف تسوي كذا
انا ماهتميت بكلامها لاني بغيت اموت يوم سمعت الخبر لانها قالتلي لازم خياطه الجرح مفتوح طلعت منها ورحت لدكتوره ثانيه برضوا كويسه نفس الكلام قالتي لازم خياطه لان خياطك خرابيط ومشوهه المنطقه وملتحم من فوق جلد على جلد قلت لا مابي وطلعت لثالث دكتوره ونفس الكلام يعني كلهم انهبلوا ويقلون لازم خياطه وتخيلوا انفاس من اول وجديد يعني انا ماصدقت اخلص من النفاس لانهم قالولي لازم زي النفاس وزوجك مايجيك على الاقل شهر زوجي بغى ينهبل يقول خلاص وسويتها وتخيلوا وانا فاليوم35 ورجعت انفاس
الموهم هذيك ايام وعدت بس مانسيت الالم كان يموت ولا يقارن بالولاده طلعت الولاده يازينها
الزبده الحين انا حامل الحمد لله وتخيلوا بس حللت ولا عاد رحت اي دكتوره اشوف من كثر ماني خايفه ولا ادري وين اروح ابي وحده تكون زينه وخياطتها قويه عشان ماتنفك<<<<<<<<<<<<متعقده
انا ودي بالحبيب بس مستحيل شاكره ولا ادري وش اسوي
وعلى فكره لاحد يقولي من الحركه انا ماتحرك ابدا اصلا انا خوافه تخيلوا حتى الحمام اعزكم الله وانا واقفه اخاف اجلس
تكفوووووووووون ردوا علي لا تنشوني وين اروح
الف مبرووك اختي ...
والحبيب حلو والدكاتره فيه مرره كويسين بس اللى صار لك شي غريب ..
بس اذا كان ودك بالحبيب روحي عند دكتوره ثاانيه غير شاكره...
ماتشوفين شر ياقلبي
غرييييييييييببه شاكره كلن يمدحها وانا كنت اراجع عندها بس قبل ولادتي بسبوعين قالت انا باخذ اجازه روحي لدكتوره ثانيه تخيلي قعت اصييييييح بكريه ولاادري وين اروح
حولت لسنيه الصراااااااااااااااحه خطيييره هالانساانه الحمدلله ان شاكره خذت اجازه خخخخخخخخخ
انصحك فيها واستخيري قبل ياقلبي
يؤ
طيب اختي بس تولد عند شاكرة تمدحها مرة
وانا ناوية اولد عندها
والله خوفتيني
الله يعينك ..طيب ليش ماتروحين لدله مره يمدحونها ؟؟؟؟
زوجي مره رافض دله لانهم تسببوا لابو زوجي بخطاء طبي ودخل بجلطه
شوفي اي دكتوره تشتهر مره حطي عليها اكس
تصير ماتنفع وتشوف نفسها علشان الكل يبيها
يمنع وضع ارقام تبعآ لقوانين الممنتدى
ام ليان
الله يسهل امورك وتختارين اللي فيه خير
فامان الله
رد مع اقتباس
[/grade]
مواقع النشر