الزواج برجل متزوج افيدوووني يابنات حواء طلبتكم

[maryoum]

السلام عليكم ورحمة الله وبركاته

يابنات بقولكم سالفتي انا بنت عمري 23 ومتقدملي رجل يعني ملتزم الى حد ما مقتدر ماليا لكن انه متزوج وعنده ولدين ويبي ياخد الثانيه علشان في تقصير من الاولى وللعلم انه مو من بلدي وقالي بناخد بيت في بلدكم فتره يعني لين سنه اجهز اموري وقول لزوجه الاولى ويتعدل الامر بعدين يجيبني على بلده....
بس انا صج خايفه والله يعني اقول لو يبي يقولها يقول من الاول هدا حقي انا بعد صح ولالا؟؟؟
ارجوكم ابي رايكم والله العظيم جد خايفه وموارفه شسوي الله يعين .. انا صليت صلاة الاستخاره والحمدلله والله يعين
منتظره جوابكم يابنات ...........؟؟؟؟؟؟؟؟؟

[{~جوود~}]

شوفي يالغلا الرجال اللي بيقول لزوجته عن زواجه بيقول من البداية ..

واللي بيراوغ سنه كامله ما ظنيت يقول لها .. وبعدين انتي سنك 23 يعني مو كبيره بالعمر

وتخافين ما يتقدم لك شاب ... طيب ليش ما تعطين نفسك فرصة يمكن يتقدم لك شاب لم يسبق له الزواج

لأن ان جيتي للحق الضره مره بتتعبين انتي وهي .. وغير كذا ما راح يقولها عن زواجه إلا بعد مرور سنه !!

بصراحة أخشى عليك أن يكون زواجكم سري سنوات طوال وتتعبين انتي في هضم كثير من حقوقك

لأن لا بد من العدل .. والأمر الثاني أخشى ان ينتهي بك الامر إلى الطلاق بعد إخفاء الزواج سنه أو سنتين أو ثلاث الله أعلم ..

بصراحة كرأي شخصي ما أنصحك بالزواج من متزوج وخصوصا ان سنك صغير .. وبالأول والأخير الإستخاره هي الحل الأمثل

[ندوش النفوش]

انت لسى صغيره لست بمجبره ان تعيشي مثل هدا العيشه
وتدخلين في مشاكل وخوف وقلق
ياعمري العمر قدامك ياخدك واحد يعيشك سنك وتتهنين معاه قدام الناس
مو بالدس والخش لو انت مكان هده المراه ترضين ؟؟؟؟ان زوجك يتزوج عليك بالسر ؟؟؟

[maryoum]

تسلمين اختي غلا هدا رايك وحترمه لكن اهو شنو يقول اسبابه حتى عشان اهله لانه بدوي وعندهم بالاهل صعبه ياخد وحده غريبه يعني لامن اهله ولا من بلده يقول بس بعد الزواج خلاص الي بيصير بيصير كيفهم ادا رفضو .....