بسم الله الرحمن الرحيم
الحمام بالخضار فكرة كانت على بالى قلت الحمام بيتعمل مشوى ومحشى وفى الرز ليه مش نعمله طاجن فى الفرن
جربت الطريقة فى جوز حمام والحمد لله كان طعم الحمام مع الخضار حلو ان شاء الله يعجبكم
ملحوظة
الخضار اختيارى حسب الرغبة
وصورى الجديده من غير اسم السايت بتاعى
اولا بناء على طلب الادارة
ثانيا علشان اخد مميز
خلاص كفاية كده ونبتدى ان شاء الله
1- بعد مانغسل الحمام كويس نفتحه من الضهر ونحطه فى طاجن او صينية على النار مع شوية زبده ومعاه الكبد والقوانص ونقلب لحد ما يكون لونه ذهبى ونشيله فى طبق
2- فى نفس المكان نحط بصل اخضر وفصين توم ونقلب
3- نحط فلفل الوان
4- انا حطيت كرنب شرايح ومكعبات طماطم
5- اضافة جزر مبشور
6- اضافة مكعبات بطاطس
7- نقلب شوية لحد ما الون يتغير ونحط ملح وفلفل وبهارات
8- نضيف الحمام
9- نغطى الطاجن بالفويل ويدخل الفرن
10- يقدم ساخنا ودى صور الطبق النهائية
احب اشكر لؤلؤة حبيبتى على كل اللى بتقدمه فى المنتدى وعلى افكارها ومواضيعها المميزة
وحبها للمنتدى وكل البنات
مستنية التميز والتقييم وشكرااااااااا ليكم حبايبي
مواقع النشر