السلام عليكم
ياخواتي احنى شغالتنا جت فى رمضان وبعد شهر صدناها وهي ترمي الزبالة مدخلة عامل من الشارع للحوش شافهم اخوي ولحقه لكن شرد قبل لايمسكه اخوي وبكذا مانقدر نطلب الشرطه لان مافي دليل والجاني هرب وخذناها ورجعناها للمكتب لكن المكتب رفض يبدلها لنا لانه يقول مامعكم دليل وماجبتو الشرطة وهي مارفضت العمل وللاسف ضاع حقنا المهم اهلي كلمو (جـــدي )وقال انتم كذا خسرتم ولاتتوقعون بتجيكم شغاله شريفه كلهم كذا الا من رحم ربي لكن رجعو شغالتكم وراقبوها ورجعوها اهلي واحنى كارهينها والمصيبه انها عجوز عمرها فوق 40 سنه
وانا الحين اراقبها طول الوقت ولا اسمح لها تحتك مع العيال او اي رجال فى البيت واحنى حموله ماشاء الله فى البيت والعيال فيه اخواني وعمامي وعيالهم المهم امس امي شافتها تكنس عند المجلس باليل مع ان مافي شي تكنسه وكانو العيال اغلبهم طالعين ومافيه الا واحد من العيال فى المجلس مطفي النور يقول انه يصلي وهذيك مسويه انها تكنس عند باب المجلس وارجع اقول مافي شي ينكنس فى هالوقت والارض نظيفه
امي مسكتها وبهذلتها وانا عاد من سالفتها الاولى وانا شايله عليها كملت عليها وصارخت في وجها وقلت لها اشوفك عند العيال او حتى تمرين عندهم ياويلك وجلست تبكي المصيبه ماتعرف
عربي بس الى فهمناه انها مضلومه ومادري ايش احنى بعد شكينا فى الولد شاب وطايش ومايخفى عليكم وامي ماخلت عليهم شي وراحت تهاوش وخبرت امه وجت امه وكملت عليه مع ان مافي دليل غير انها تكنس عند باب المجلس وهو فى المجلس وطفي النور وجلس يتحسبن ويقول والله انكم ظلمتوني حسبي الله عليكن وجلسو يدعي علينا كلنا
الحين احس انى ظلمناهم مادري انا على صح او على خطاء هي بصراحه صاحبة سوابق مع ان الشغاله فى المرة الاولي تقول انها مظلومه بعد وجلست تبكي !! كيف مضلومه ومدخله الرجال فى الحوش طيب فرضنا ان الرجال دخل البيت وحاول يعتدي عليها ليش ماصارخت؟!
مدري صراحه انا تعبت ومليت ومو هامني فى الموضوع الا انى خايفه اني اكون ضلمنى الولد وبعد هي اخاف انى ضلمنها مدري انا تعبت شورو علي ياخوات وش الحل
هالشغاله انا شاده عليها وماخليها تحرك الا وهي تحت المراقبه يعني ماتقدر تسوي شي ومع هذا امي شككتني تقول انتى ماتدرين
اووووف تعبت انا كل خوفي اني اكون ظالمتهم انا ماكلمت الولد ولا لى علاقه فيه لكن جلست اصارخ على الشغالة والولد جلس يدعي علينا بصراحه خايفه من دعوته مع اني ماسويت فيه شي كل الى سويته هاوشت الشغاله وقلت اشوفك تكلمين واحد من العيال او حتى تحتكين فيه ياويلك
ابي حل انا صح ولا غلط
مواقع النشر