فراخ مشويه ورز بالالوان ( من مطبخ أم أحمد ) صفر
اخواتي الكرام 000
كنت نزلت قبل كده طريقة شوي للفراخ في الرابط ده
الطريقـــــــــــه
* في الخلاط الكأس نضع : بصل + طماطم + زيت زيتون + خل + ليمونه كامله + كاتشب + مسطرده + ملح + فلفل + بابريكا + بهارات مشكله
**** والمره دي تقريبا عملتها بنفس الطريقه بس اضافت اللي التتبيله مايونيز + صلصه + زعتر
* نجيب الفراخ " الدجاج " ونقطعها ( عملت نصف فرخه قسمتها علي 4 لانها كانت كبيره ) وشرحتها بالسكينه الرفيعه علشان تتشرب من التتبيله .
* ننقع الفراخ في التتبيله مده لا تقل عن ساعه .
* نسخن مقلاة الشوي اوي ثم نضع فيها ملعقتين زيت واول مايسخن نضع الفراخ ما نقلبهاش إلا لما تبتدي تتحمر وتدخل في السوي " ممكن تهدي عليها النار شويه علشان تستوي بسرعه " .
* بعد ما تبتدي الفراخ تاخد لون نقلبها علي الناحيه التانيه ونزود في المقلاه جزء من التتبيله اللي كانت منقوعه فيها ولما تمتص السائل نضع تاني لحد ما تستوي الفراخ .
* وهنا بعد ما استوت 4/3 سواء .
* وبعدين سخنت الفرن وحطيتها فيها علشان تكمل سوي ( بتفضل طريه من الداخل ) وبعد ما استوت حطيتها في كيس بلاستيك وقفلته كويس جدا .
* وقدمت معاها رز الوان وطريقته :-
شوحت بصله وعود قرفه خشب و4 حبات قرنفل ( مسمار ) و 4 حبات حبهان ( هيل ) لحد ما البصل دبل وبعدين شوحت معاه الرز واضفتله الميا .
* سبته لحد ما استوي .
* وبعدين شيلت القرفه والقرنفل والحبهان ودوبت لون اصفر ولون احمر وحطيته علي وش الرز ( بدون تقليب ) وسيبته 5 دقايق علي النار وبعدين طفيت .
* سخنت فحمه وحطيتها علي وش الرز والفراخ وطفيتها بالزيت وغطيت بسرعه 5 دقايق .
* ويقدم بالف هنا وشفا ،،،
**********
**********
**********
**********
أختكم // أم أحمــــــــد
رد مع اقتباس
مواقع النشر