السلام عليكم
قبل يومين عملت على العشا عرايس طبعا لأنه عشاء وما بيحتاج كتير أكل عملت العرايس لحالها بدون مقبلات
وطبعا أنا وزوجي بس
والعرايس عنا في غزة بنعملها شوي بتختلف
المقادير:
خبز صغير " معروف عنا باسم خبز"بيتا"
بندورة مقطعة شرايح
بصل مقطع شرايح
فلفل حار مقطع طولي
لحمة مفرومة وعليها بصل وبقدونس يعني "كفتة"
الطريقة:
بنتبل الكفتة بالملح والفلفل الأسود وتوابل اللحمة
بنفتح الخبز وبنحط طبقة كفتة على الرغيف بعدين بنحطها على الشواية أو الفحم لعند ما تقرب تستوي الكفتة وبنضع شرائح البندورة والبصل والفلفل ونرجعها تاني على الشواية وبس تتحمر شوي بنحط الوجه العلوي للرغيف
طبعا بتقدم بجانبها البطاطا المقلية
سامحوني ما صورت الطبق عند التقديم لأنه على طول أكلناها
مواقع النشر