بنات أنا اللي فقدت ولدي والحمدلله وقفتوا معاي ودعيتولي وبعدها سافرنا أنا وزوجي اوروبا عشان نعمل أطفال أنابيب لان زوجي مقعد ( مقعد بسبب حادث سياره) طبعا كان الحادث بدايه زواجنا وبعدها بدينا رحله العلاج للأنجاب قصه طويله بس بختصرها سافرنا اوروبا ورجعنا البلاد وانا حامل الحمدلله بس بعد التعب والولادة فقدت حبيبي محمد اللي ملا علي فرحتي فقدته مرض مرض شديد وديته المستشفا وبعدها فالولد توفي حزنا أنا وزوجي حزن عميق يمكن جلست ابكي عليه شهرين متتابعين لين تعبت عيوني وأشم ملابسه وبعدها قررنا نروح العمره اول ماشفت الكعبه جلست ابكي وادعي ربي عشان يعوضني بالذريه السليمة ولما رجعنا الامارات كنت مرتاحه نفسيا كثير سبحان الله زوجي كان صابر اكثر مني يمكن لانه رجل بس كنت اشوف الحزن في عيونه بس بعدين اكتشفت انه كان يبكي لما يكون لوحده فقررت أني ماابكي لما اكون معاه وبعدها بكم شهر قررنا نسافر مره ثانيه لعمل أطفال أنابيب للمره الثانيه ولكن للأسف المحاوله الاول فشلت وقلت الحمدلله والمحاولة الثانيه فشلت بعد وقلت خلني اكتب موضوعي في المنتدي لعل وعسي دعوه وحده منكم مستجابه وهميا اقوم الليل واقرأ قران كثير وماشا الله المحاوله الثالثة حملت لان نحن مسافرين ع حساب الدوله ولنا بس ثلاث محاولات والحمدلله طلعت حامل بفضل الله الحمدلله قولوا ماشا الله. سمحولي حبيباتي نسيت اطمنكم لأني كنت تعبانه في حملي كثير واصابني تسمم من اكل المطاعم صار زوجي حبيبي هو اللي يطبخ لي في الشقه طبعا نسيت عقولكم لما حملت مارجعت الامارات لان مشاكل حملي منعتني وعملولي بعد ربط عنق الرحم من المشاكل اللي عانيتها المهم أنا الحين دخلت الشهر السابع ومنعوني من الحركه لان عندي ماي الجنين قليل شوي والله المستعان بس الحمدلله أنا فرمانه كثير لأني حاااااااامل وزوجي بعد فرحان ودوم يروح السوق يشتري اغراض البيبي الحمدلله ذهب الكثير ولم يبقي الا القليل أمانه ادعولي ربي يثبت حملي لحين موعد ولادته ويفرحنا أنا وأبوه بشوفته يارب اللهم احميه من العين والحسد اللهم ارزقه طول العمر والصحه والعافية يارب أمانه اللي تشوف موضوعي ادعيلي وسامحوني ع الأغلاط لأني اكتب من فوني للإله الا الله محمد رسول الله
مواقع النشر