السلام عليكم ورحمة الله وبركاته
طبعا سميتها معاناة لأني تألمت بعدها فترة طويلة ..
طلبت مني الدكتورة اعلم أشعة الصبغة على الأنابيب علشان تتطمن على سلامة الأنابيب وإنها مفتوحة مافيها سدد .. طبعا أنا قرأت كثير عنها وانها تألم والبعض يقول ابدا ماتألم .. طبعا أنا سألت الدكتورة قالت لا ماتألم أبد ولا تطولين أصلا .. اطمأنيت لكلام الدكتورة وفي نفس الوقت خايفة لأني قرأت عن تجارب الأخوات .. لكن قلت أتفاءل وعساه خير ..
المهم دخلت القسم طبعا بدلت ملابسي بملابس الأشعة وطلبت مني أروح دورة المياة تكرمون .. وبعدين نمت على السرير وسألت الدكتورة هل تألم قالت لا شي بسيط بس وكلها 10 دقايق ماتآخذ وقت .. وبدأت طبعا الأشعة .. عبارة عن حقنة بها مادة الصبغة تقوم بحقنها داخل الرحم طبعا هي بس حقنت الصبغة سمعوني اللي بالمستشفى من الصراخ ألم مو طبيعي حرارة داخل البطن أول شي وأنا على ظهري قلت خلاص قالت بس نامي على الجهة اليمنى وحقنت الصبغة وصحت بكل ماأملك من صوت قلت خلاص وأنا أصيح قالت خلاص خلاص بس نامي على الجهة اليسرى وحقنت مرة ثانية .. طبعا الطرحة والنقاب وشعري حوسة على السرير كأنها عملية ولادة هههههههههه أمسك ايدين الممرضات من الألم ولا هم معطيني وجه .. خلصت الأشعة وطلبت مني الدكتورة أسامحها طبعا مارديت عليها وقتها لأني كنت تعبانه مرة .. طلعت البيت طول الطريق وفي البيت بس أبكي وجلست 3 أيام ينزل علي دم خفيف .. جلست فترة نفسيتي تعبانة مرة من الأشعة الألم نسيته لكن أتخيل شكلي وأنا على السرير وكيف الدنيا مكشوفة قدام الدكتورة والممرضات .. الله يرحمنا برحمته
ويعفو عنا .. طبعا أنا ماكتبت تجربتي أخوفكم لكن حتى يكون عند الأخت خلفية والمام بالموضوع ..
طبعا الدكتورة ماكتبت لي مضاد وقالت مايحتاج لأن الأدوات كلها معقمة لكن انتي أطلبي وبإصرار لأني أنا حاسة إن معي التهابات بعد الأشعة لكن ماسويت فحوصات غلى الآن ..
أسأل الله ان يرزقنا ذرية طيبة صالحة إنه سميع مجيب
وعذرا على الإطالة
رد مع اقتباس
مواقع النشر