بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
افرحوا يابنات وياستات لقينا حل عشان مانتحرمش من الفطير المشلتت اللى ملياااااان وغرقاااااااان سمنة
جربته وكان لذيذ ومايفرقش كتير عن ابو سمنة الا ان ابو سمنة دسم وده خفيف
المقادير:
2.5 كاس دقيق (عملت فطيرة واحدة صغيرة عشان لو فشلت)
0.5 ملعقة صغيرة ملح
1 ملعقة متوسطة سكر
ماء دافئ للعجن (حسب الحاجة)
للدهن للفرد:
زبادى يخلط مع ملعقة واحدة سمن او زبد
الطريقة:
**نخلط الدقيق والسكر والملح ونعجن مع اضافة الماء الدافئ تدريجيا ونعجن جيدا حتى تصبح عجينة ملساء لا تلتصق لكن لينة
**نتركها ترتاح 0.5 ساعة
**تقسم كرات (6 كرات) وتترك لترتاح 10 دقائق
**نفرد اول كرة جيدا ثم تحشى حلو او حادق او تترك سادة حسب الرغبة وتطبق من الاربع جهات على شكل مربع
**نفرد ثانى كرة وتدهن بالزبادى ونضع داخلها المربع الاول وتطبق من الاربع جهات على شكل مربع
وهكذا مع كل الكرات تفرد وتدهن جيدا ويوضع داخلها المربع اللى قبلها وتطبق
**خلصنا نسيبها مكانها ترتاح 0.5 ساعة
(مهم تركها ترتاح )
**تفرد بالنشابة (وليس باليد) قليلا وتنقل برفق للصينية (مادهنتهاش بما انها لايت استخدمت ورق زبد)
**نتركها ترتاح ونسخن الفرن
**تخبز فى الفرن حتى تحمر من الجهتين (انا قلبتها اما احمرت من تحت لان فرنى مسكين حالته صعبة)
**المفروض اول ماتطلع وهى ساخنة ندهن الوجه قشطة وتغطى بفويل لتظل طرية وجميلة (انا دهنت الوجه بالزبادى فقط وغطيتها بفويل وتترك 15 دقيقة او اكثر
**ممكن خبزها على صاج او طاسة ساخنة على البوتاجاز من فوق
معلش سامحونى ماصورتش كل الخطوات والفطيرة مش مظبطة شكلها فاروق الله يسامحه اول ماابتديت افرد ابتدى صراخ وهستيريا فبقيت اكروت حتى فيه صور كتير حضرته بسلامته طالع فيها بجنانه فمانزلتهاش عشان ماترتعبوش
ادعولى ربنا يهديه
وبالهنا والشفاااااااااااااااااا
مواقع النشر