السلام عليكم جميعا...
كيفكم ان شاء الله بصحه وسعاده تامه...
امس سويت ع العشا دجاج اكياس بالفرن بس على طرقتي الخاصه
وراح نبدا بسم الله...
المقادير:-
نص دجاجه.
ربع كاسة صلصة الصويا.
نص كاسه مويه.
3 ملاعق صغيره ملح ليمون.
فلفل اسود مطحون+ملح.
بطاطس على حسب حاجتك مقطعه دوائر.
بصله مقطع دوائر.
ملاحظه:يمكنك الاستغناء عن كاسة المويه والملح الليمون بعصر نص كاسة عصير ليمونه.
الطريقه:-
نذوب الملح ليمون بص كاسة المويه, ونخلط معها صلصة الصويا, والبهارات (طبعا جميعها تخلط بكاسه واحده).
او نخلط صلصة الصويا مع نص كاسة العصير ليمون والبهارات.
وبعدين نتبل الدجاجه بالخلطه ونحطها بالثلاجه لمدة 3 الا 8 ساعات
وكل ماطالت المده كل ماكان طعمها احلى
المهم نحطها بكيس الفرن طبعا مو اي كيس فيه اكياس الفرن تلاقوها بالسوبر ماركتات او اي بقاله.
وسامحوني ماصورته كنت مستعجله بموت جوع خخخخخ.
طبعا ممكن تستغنو عن الخضروات وتخلوها ساده بس مع البصل يكفي. انا احبه مع البطاطس بس.
المهم نشغل الفرن من تحت على درجة حراره 160 او 170 لمدة ساعه ,
بعدين نطفي الفرن من تحت ونشغله من فوق لمدة نص ساعه او ربع ساعه حتى يحمر الدجاجه.
وهنا بعد ماستوت تقدرو تقدموه مع خبز او رز مسلوق او حتى مكرونه مسلوقه وبالعافيه عليكم...
مواقع النشر