السلام عليكم ورحمة الله وبركاته
كاب كنافه ان شاء الله تعجبكم وطبعا كل من ضاقها من عندي بدون ما اغرر في نفسي عجبته يقول كانها ايسكريم واحب اسويها لما نبي نوزع على الأهل والجيران لنها تشرف صراحه
المهم بعد هالمقدمه اتفضلو المقادير والطريقه
ركزوو زين في الخطوات لأن هي الاهم من المقادير
نبتدتي اول في تحضير القشطه للحشو بطعم الايسكريم
نعمل القشطه بوضع 3 كاسات ماء +9 ملاعق حليب بودره +فانيليا سائله وان لم يوجد عادي بودره
3 ملاعق سكر ونخلطهم بعدها نضيف 5 ملاعق نشاء ونحركهم على النار الين يبدا يثخن شوي نضيف علبة قشطه حجم 170 جم
ونحركها ونخليها على جنب تبرد شوي
ونجهز كريمة خفق علبة صغيرها ونخفقها مع ملعقة سكر بودره وملقة حليب بودره
او ممكن خفق كيس دريم ويب مع علبة قشطه وبيالة حليب سائل بارد
اذا تكونت طبقه فوق الخليط الي سوينها نشيل هذي الطبقه ونضع الكريمه الي سوينها ونخفقهم مع بعض
بيصير قوامها مثل الكريمه نخليها في الثلاجه
ونبتدي نعمل كاب الكنافه
نحتاج الى باكيت من عجينة الكنافه وانا افضل السنبله عشانها بتكون متواصله وانا ابيها متواصله
ونفكها بدون مانقصها ونفركها بخليط من نصف كاس زبده مذابه او سمنه مذابه
مع نصف كاس زيت مع بعض ونفرك الكنافه بدون مانقطعها كذا
نقطع شوي بالحجم الي نبي ونرصها في صينية الكاب كيك
ونكون مسخنين الفرن على حرارة 400 فهرنهايت او 200 مئوي من تحت
نخليه الين يشقر من تحت انا تاخذ عندي من 7 الى 10 دقايق كل وحده وفرنها بعدها 2 دقيقه من فوق او الين تحمر ترى ماتخذ وقت فوق خليكي جنبها مو تحترق
الين نخلص الكميه كلها
انا عملت الي 24 كاب كنافه يعني 48 حبة نص
طبعا نقدر نسوي ذي الخطوه قبل كم يوم ومارح يتغير طمها يعني الين التقديم
والطريقه انك تجيبي حافظه وتحطي مناديل او كلينكس وتحفظيها بعيد عن اي رطوبه ووقت الي تبينها مقرمشه تحشيها وتسقيها شيره وتقديمها
لسهولة الشغل نضع ورق الكاب في صينية الكاب كيك ونحط الكنافه ونسقيها شيره
وبعدها نضع الحشو
ثم النصف الأخر ونسقيها شيره
نزينها بخطوط من باقي الحشوه ومكسرات
وتقدم بالهنا والعافيه
زوووووووم
ان شاءالله تعحبكم وتجربونها عشان انتون تحكمون
مواقع النشر