ام زوجي كل سنه تصيف معنا

[مااروع الحرية]

بنات من توفى زوجها وهي تصيف معنا وهي عندها اولاد غير زوجي ودي مره اصيف انا وزوجي وعيالي بروحنا فوق اني ساكنه معها بنفس البيت طبعا قبل مايتوفى زوجها كنت بروحي يعني مايصيرانفرد مع زوجي وعيالي شوفوا لي حل تكفون:

[سرو ام ميزو]

بحكم انها معاكي بالبيت صعبة شويه تتركيها وتروحي

بعدين والله تسلي ام الزوج >>لا تكرهيني بس دا رايي

متابعه معاكي اشوف ردود الاخوات

موفقه

[بلا كثرة حكي]

سبحان الله

تقولين ام زوجي < ثم تقولين اولادي < وتقولين ودك تصيفي مع زوجك لوحدك

الله واكبر هي مثلك كان عندها زوج وعيال ومن ضمنهم زوجك ولا انا غلطانه ؛ كانت تحلم

بهذا اليوم الي تشوف نفسها فيه مع اولادها بلا استثناء وتلتمس برهم واهتمامهم

بها وعطفهم عليها والاستمتاع بالجلوس معهم في اي مكان

ويوم جا وقت الحصاد تتذمرين منها ومن جلستها المباركة بينكم ؛ المفروض انك تفرحين وانك

تساعدين زوجك على برها

وتحسنين اليها ,لانك الان في مدرسة كبيره المعلمة والموجهة بها انتي والطلبة ابناءك

وام زوجك هي والماده العلميه التي سوف تطبق عليك مستقبلا طريقة معاملتك لها

<ان كانت المعاملة خيرا جنيت خيرا وان كانت غير ذلك جنيت الثمره على حسب معاملتك

لها<انتبهي فانتي بخطر عظيم وستذكرين كلامي عند ما تعاشرين زوجات ابناءك

اوصيك بالاحسان والعدل فان الله يحب المحسنين . واحسني معاملتها ابتغاء مرضاة الله


لتنالي اجري الدنيا والاخره

ولا تنسي انها احد الذين اخبر رسولنا الكريم بان دعواتهم مستجابه { ومنهم الوالدان

اذا دعوا للولد او دعوا عليه }

اكسبي في هذه الحياة الجميل وتحلي بالصبر

الله يثبتك ويصلح احوالك ويرزقك رحمة من بين يديك وبر اولادك وصلاح زوجك الذي هو ولد

هذه الام المسكينه .

[مااروع الحرية]

طيب ياناس شوية عدل هي عندها بنات وكلهم منفردين مع ازواجهم بالسكن والسفر وكل شي يعني اللي يبونه بناتها يبونه بنات الناس وهي مو مره ولامرتين سافرت معنا صار لها 15 سنه تسافر مع العلم انه حرمه كبيره وتعبانه وهالنوع من السفريات البعيدة والشاقه ماتناسبها تتعبنا وتتعب نفسها وانا والله عشان عيالي يبون يغيرون مكان يبون برى
كل سنه كذا داخلي خارجي معنا وهي عندها عيال غير زوجي يعني المفروض تعدل شوي وانا والله بالعكس شيلتها على راسي واذا كبرت ان شاء الله راح اعدل بين عيالي وانا امي عندها عيال وماسوت معاهم كذا بالعكس تبي سعادتهم اخوي الكبير يوم جاء يروح ماليزيا قالها روحي معنا رفضت قالت لاياوليدي روحوا الله يهنيكم انا حدي مكه يعني من جد حطوا نفسكم مكاني وجاوبوا