السلام عليكم ورحمة الله وبركاته
انا جديده فى المنتدى ولكن قريت اكتر من مره عن اخوات كان عندهم مشاكل وبفضل الله اتحلت بأراء الكثير من الأخوات
انا اتخرجت من الكلية وكان عندى 20 سنه حياتى كانت مغلقه للبنات وبس وكنت فخوره بأخلاقى واهلى وكل شىء دخلت عالم النت واتعرفت على اخ ساعدنى فى الدعوه الى الله وبدأنا نعمل جروب وحاجات جميله مع الوقت حصلت قصة حب استمرت 7 سنين خلالهم اتقدملى ناس كتير مره منهم اتخطبت فعلا وبعدت لكن الحمد لله الخطوبه اتفشكلت ورجعت هو كانت ظروفه صعبه شويه الكلية فضل فيها 4 سنين اضافية وبعدها تعب علشان يلاقى شغل وتركنا بعض ولما حاول يرجع ربنا ماقدر الرجوع ...القصه تعبتنى وخصوصآ لما عرفت انه اتزوج وبقى ماشاء الله عنده بنت ربنا يباركله فيها وزوجته كلمتنى لانها لقت رقمى على موبيله واكتشفت انه كان حكيلها كل شىء عنى والأهم انه هو حاول انى اكون الزوجه التانيه وانا رفضت وغيرت رقمى وبعدت اتصدمت كتير وفى نفس الوقت كل لما يتقدملى واحد لو عجبنى ربنا مايقدر ولو عجبته مايعجبنى او يطلع فى شىء بخيل او عصبى اوووووو انتهت القصه بحالة اكتآب عندى دخلتنى برنامج عجيب لقيت اعلانه على الفيس بوك هو برنامج كارتونى imvu شات صوتى ولكى عروسه بتلبسيها فهمت البرنامج انه بيدخله الناس للمارسة الزنا الا من رحم ربى عن طريقه ان الكارتون بيتزوج وووو لما اكتشفت كده وقبل مااحذف البرنامج وصلتنى دعوه من واحد مصرى انه عامل جروب فى البرنامج علشان ينقذ الناس الى بتدخل البرنامج من غير فهم ولتحسين صوره العرب فى البرنامج عجبتنى الفكره كتير وبدأ الجروب وطبيعى اتعودت عليه وحبنى وحبيته بس مع الوقت اكتشفت ان كله زى بعض هو كان بيمارس نفس الأمر صوت وصوره على الاسكايبى وقررت انى اخرجه من حياتى ولكن هو اقسملى انه مش هيكررها وكلم اهله عنى واهله كلمونى فى التليفون ولده وخالته وعمه ناس كتير وبقى كل هدفه وتفكيره ازاى يرتبط بيا بس هو مطلق وماعنده مصدر رزق قاعد فى البيت وعنده بنت احينآ كنت بساعده فى الفلوس الى بيدفعها للنت وفضل فتره كبيره مقاطع اهله وكان عنده محل وقفله بس انا حاسه رغم انى بقيت فى سن 29 انى عقلى عقل طفله كل حلمها انها تحب وتتحب الى هيقرا القصه ممكن يحس انى غبيه بس انا ضايعه بجد انا بعدت عن ربنا اوى الصلاه تقريبآ قطعتها هو اقنعنى ان الشغل فى البرنامج الى احنا فيه هو الى هيزوجنا من شغل بيع كريدت وتصميمات واتعلمت كل شىء علشان اكون زى ماهو بيحب انا متعلقه بيه رغم انى عارفه ان الأمر غلط بس فعلا بحبه وجننته من الغيره والشك لان احساسى ديمآ انه بيخون لانه خان كتير اوى فى نفس الوقت دلوقتى متقدملى واحد اهلى مصريين عليه طيب واخلاقه كويسه بس حاسه انه بدون شحصيه مابيعرف يتصرف ومش حاباه شكلآ انه يكون زوجى رغم ان ممكن هيكون فى نفس مستوى شكل الى بحبه بس انا مش شايفه ده كازوج امى ببتمنى تشوف عيالى وقالتلى وفقى عليه حتى لو عشانى بس انا خايفه انا بحب واحد ( فاشل - وبتاع ستات - وبياخد فلوس منى رغم انى اتعلمت ان الأمر ده صعب ان راجل يرضاه على نفسه - بيقنعنى هو وصحابه ان الأمفيو ده شغل والكلام مع البنات حريه شخصيه ) بس احساسى انه هو راجل هيحمينى وانا بحبه هو مابيصليش بس حاسه انه لما نرتبط هيكون افضل ومش بيصوم لانه مريض بالقرحه او الأختيار التانى انى ارضى اهلى واتخطب واتجوز بعد العيد من انسان بيتمنى ليا الرضا بس مش حاسه برجولته انا مخونه كتير وضايعه بجد
مواقع النشر