قصة ولادتك؟

[الدولية]

هلا والله خواتي كيف حالكم وش أخباركم
اليوم أنا جبت لكم فكرة حلوة مرة وهي كل وحده كانت حامل وولدت تحكين لنا قصة ولادتها وشعورها في ذاك اليوم واذا لقيت منكم تجاوب راح ابدأ أنا وأقولكم على قصة ولادت أحلى بنوتة (ريمو)

[بنت الجتوب]

حياك الله اختي الحبيبة

ياليت بما انك صاحبه الفكره انك تحكي قصة ولادتك لأحلى بنوتة (ريمو)

وان شاء الله البنات ما يقصرو

[كلمة صدق]

اضم صوتي لصوت الاخت

نريد نسمع قصة ولاتك اختي

[الدولية]

مشكوووووور والله يعطكم الف عافيه على التجاوب معي طبعا أنا حملت بعد سنتين زواج وكنت طول الفتر ه هذي أعالج نبغى حمل تعرفون مجتمعنا العربي اذا الوحدة ماحملت بعد شهر او شهرين قعدو يسألونك ويدعون لك وعشان كذا أقول لخواتي اللي ماحملوا لحد الحين لايأثر فيكم الكلام ويرزقكم رب السموات والأرض وبالنسبة لي ماخليت علاج الا وجربته (تلقيح صناعي ، كلوميد وغيره ........................ بالإضافة للطب الشعبي و ماجاب نتيجة تدرون وش سويت؟

تذكرت الأية الكريمة في سورة نوح( فقلت استغفروا ربكم إنه كان غفار ، يرسل السماء عليكم مدرر، ويمددكم بأموال وبنين..........)

أنا كنت استغفر الله كثير وغير كذا نصحتني وحده من زميلتي أنا اقر في موية كل سورة البقرة واشرب منها قبل أنام بعد الدورة وقت التبويض وسبحان الله الشهر اللي بعده حملت ببنوته .


طبعا لما وصلت التاسع وكنت اراجع عند دكتورة / شاكرة بمركز الحبيب قالت لي أنك راح تولدين طبيعي وشافت بطني وكان من رحمة الله أنها كانت تبي تسافر فقالت ابغى احولك عند اي دكتورة المهم اخترت أنا دكتورة /سلمى ولما رحت عنده وشافت بطني قالت بطنك مرتفع وانت بالأسبوع الأول من التاسع وسوت لي أشعة ولقت أن بنوتي مرتكزه في حلقي ماتبغى تنزل (شايفه نفسها) المهم قالت لي : اذا جاء الأسبوع الجاي والعمة ماتحركت بسوي لك قيصرية وكان موعدي يوم السبت

يوم الثلاثاء اللي قبل الموعد الجاي قمت أصلي الفجر الا حسيت أنه في شي نزل معي (الله يكرمكم ) اثرها مويات الرأس جلست لحد ماقام زوجي للدوام رحت للمستشفى ولقيت الدكتورة هناك توها خالصة من وحدة ولما شافتني قالت أنت توك ماكملتي التاسع المهم قالت للممرضة جهزوا غرفة العمليات ويوم سمعتها وتجيني النفافيض واقعد كل شوي ادق على زوجي تعال خذ الشنطة وبعد خمس دقائق تعال خذ الصندل

يوم اتجهوا فيني لغرفة العمليات ماجاء في بالي الإ الموت لأنهم مغطيني بالشرشف ويمشون فيني بالممرات وكل شوي ارفع الشرشف ادور زوجي وهو يمشي وراي

دخلت غرفة العمليات الله يكفينا شرها وقعدت انتفض اكثر واكثر وضاق صدري اني ماقلت للوالدة وهم قاعدين يحوسون ويدهرون تقولين جالسة في مطبخ بعدها حطو لي البنج ورحت فيها ويوم طلعت وصحيت والقى زوجي عندي وجابوا لي صورة (ريمو) لكن قلت هاتوها لي وشفت وقرة عيني فيها.


وفي النهاية الله يتمم على كل وحدة حامل ويرزق اللي ماحملت (قولوا آمممممممممممممممممممين)