الله يجزيكم خير يا امهات ساعدوني

[ام ميمة]

السلام عليكم ورحمة الله وبركاته
انا والدة صار لي 13 يوم يبت بنوتة زي العسل
وهاي ثاني ولاده
بس بعد الولادة طلعت لي لحمة زايدة عزكم الله بفتحة الشرج وكانت كل ماتطلع ادخلها
واقعد فماي دافي مايل للحرارة مع ملح
لحد ماحسيت ان حجمها صغر وايد لحد ماختفت تقريبا وكنت ماقدر اقعععد عدل منها او انااام من زووود الالم حتى بنتي فديتها ماقدر اهتم فيها وايد
بس الله يكرمكم احس الحين بعد كل حمااام بالم ونفس الجرح من داخل وصار يالمني صوب العصعص
بس الالم اخف من الالام اللي كنت احس فيهاا قبل فالبداية


ونصحتني ربيعتي اني استخدم الخواجوا مع المرة وزيت الزيتون
منو جربتها ونفعتها
ومنو مرت بنفس حالتي


ومشكورين مقدما حبايبي

[فيوزة الحلوة]

يا عسل الله يشفيك بس أنصحك تراجعي الدكتورة والله يكتب لك اللي فيه الخير

[صحن تبوله]

عادي حبيبتي ذي زي البواسير تجي مع الولاده وتزول باذن الله

[أم أنومي]

استمري على الموية الحارة ربع ساعة وممكن تستعملي الخواخو جوا بعد الماء الحار أو تستعملي مرهم مضاد حيوي على المكان وبالنسبة لألم العصعص أظن هذا طبيعي بعد الوزلادة بس تحتاجين أنك ما تجلسين كثير ولا تجلسين إلا للرضاعة أو للضرورة فقط ، واشربي حلبة مغلي يوميا إلى أن تخلصي من الأاربعين عشان الحلبة تقوي ظهرك وأرحامك وعظامك
وكلي سلطات واشربي ماي لايقل عن 12 كاس لأنك نفاس مهم جدا لتفادي الامساك الي يحصل بعد الولادة وكلي ملوخية تلين البطن وعلى الريق اشربي كاس حليب دافيء محلى بالسكر ينظف البطن ويحرك الامعاء مع قطعة خبزة

اهتمي غاليتي بالرضاعة الطبيعية ولا تعطي طفلك صناعي اطلاقا لأنه يضعف مناعة الطفل ضد الامراض
والطفل لا يحتاج إلى الماء مادام أنه يشرب طبيعي منك لأن 90% من حليب الأم هو ماء ، لذلك مهم أن تشربي كمية كافية من الماء
وعشان يجي لطفلك حليب مشبع كلي غداء وعشاء وبينهافي العصر أو المغرب بروتين كافي وهو موجود في البيض ، اللحم ، الدجاج ، السمك ، الربيان ، الفول ، العدس ، زبدة الفول السوداني ، التونة ......الخ
نظمي وقت الرضاعة وخليها كل ساعتين
وسلامتك عزيزتي وما تشوفين شر
ومبارك عليك المولود