للأمانة الوصفة مش وصفتى دى وصفة المبدعة فروحة الامارات وده تطبيقى ليها
المقاديير
=====
4 كاسات دقيق
2 معلقة كبيرة خميرة فورية
1 علبة زبادى كبيرة 170 جرام
1/4 معلقة صغيرة ملح
1 معلقة كبيرة بيكينج بودر
1 كوب ماء دافئ
1/2 كوب زيت
4 معلقة كبيرة حليب بودر
2 معلقة كبيرة سكر
2 باكيت دريم ويب
الطريقة
=====
اولا فى اناء اخلطى معا الدقيق والملح والبيكينج بودر
ثانيا اخلطى باقى المقادير الاخرى فى الخلاط
اخلطى جيدا حتى تتكون رغوة او فقاعات
بعد كده ضيفي الخليط السابق الى خليط الدقيق واعجني كويس
بعد كده انقلي العجين فى طبق مدهون خفيف بالزيت وغطيها واتركيها لتخمر لمدة ساعة او لحد ماتتضاعف حجمها معاكى معايا اخدت اكتر من ساعة
مقاديير الحشوة
========
100 جرام زبدة
2 1/2 معلقة كبيرة سكر بني
2 معلقة كبيرة قرفة
1 معلقة كبيرة كاكاو
اخلطى كل المقاديير مع بعض ماعدا الزبدة
افردى العجينة كويس وساوى اطرافها وادهنيها بالزبدة كويس
وزعى خليط السكر والقرفة كويس
لفيها روول وقطعيها بالسكين او الخيط
رصيها فى صينية مدهونة بالزبدة مع الضغط على الوحدات قليلا
تدخل فى فرن سابقى التسخين حرارته 180 درجة حتى الاستواء
وخدى بالك عشان مش بياخد وقت تابعيه كل شوية اثناء الخبيز شمه ريحته اللى تجنن
اخرجيه من الفرن واضغطى على الوحدات قليلا
زينيه باى صوص تحبيه انا هنا زينته بصوص الكراميل
وبجد بجد مفيش احلى ولا اطعم من السينابون ده احلى من السينابون الجاهز والله جربوه وادعو لفروحة
مواقع النشر