عندي مشكلتين يا الامهات الخبرات ساعدوني :(

**MaRaM N** · 19-10-2012, 05:04 AM

السلام عليكم ....

ان شاء الله انكم بأتم صحه وسعاده...

انا الله يسلمكم ولدت تقريبا لي اسبوع...

بس عندي مشكلتين...

الاولى:
بديت احزن على ابني البكر عمره سنتين وشهر بالضبط, حسيت نفسيته بدت تتغير ويسير هادئ.
كان اول صوته مالي البيت ولعبه, الان سار يلعب بسياراته لحاله مو زي اول يلعب بصوت وحركه.
اخاف انه من بعد اخته نفسيته تتغير ويسير مستوحد.
مع اني والله ما اعطي البنت الجديده اي اهتمام اخليها مع جدتها طول الوقت وما اطالع فيها الا وقت غيار الحفاظه الله يكرمكم...

هل تعتقدون ان ولدي نفسيته بتتغير للاسوء؟؟
وش الحل عشان يرجع زي اول ؟؟؟

المشكله الثانيه:
ولدي ينام على الساعه 1 الليل وخايفه الحين يسير نظام البنت غير بالنوم, كيف اوفق بين نوم الاثنين ؟؟
يعني اعرف انو بدري توها اسبوع بس متى يبدا النوم اقدر انا اتحكم فيه؟؟
وايش افضل طريقه عشان اغير نظام نومها؟؟؟

لانها تنام النهار ولما يجي الساعه 2 الليل تكون مروقه ومصحصحه وتبدا تزن كثير

اعرف طولت عليكم بس ساعدوني الله يوفقكم

**شقومة** · 19-10-2012, 03:24 PM

اول شي الحمدلله على سلامتك..
بالنسبة لابنك انتي حاولي ما تخلي اي شي يتغير بحياته عشان لا يحس ان اخته هي السبب وخليه يشاركك لما تكوني تروشيها او جلسيها بحضنك ولعبي معاه خليها كانها تكلمه فاهمه زي لما نلعب بالعرايس الحركة دي مررة قوت علاقة ولدي باخوه

ودائما تذكري البيبي الجديد مو محتاج منك غير اكل ونوم ونظاافة لو لك مزاج للعب او الكلام خليه للكبير

وانتبهي تحاولي تقنعيه انه احسن من اخته تعاملي عاادي صدقيني هي فترة وبيتعود على وجود اخته بس لا تحسي انه مظلووم ومن الكلام دى لانه راح يحس بالشي دى من خلال تصرفاتك فهمتي عليه
انا الحمدلله معايا 3 اطفال وما عانيت نهاائي من مشاكل الغيرة

بالنسبة لنوم بنتك لسى بدري تضبطيه بس تقدري تخليها تتعود انا وقت نومنا خلاص اطفي الانوار ويصير هدوووووء ومن الصباح حتى لو ابني نايم افتح الشباك واشغل التلفزيون وهو تلقائيا تعود على نظامنا بس بعض الاطفال متعبين شوي يبغو صبر لحد ما يتعودو

ان شاء الله اكون افدتك بشي وربي يخليهم لك