رواية محتاج حضنك لأجل ارتاح خذني ضمني وخلني انام في حضنك ياحبيبي
حواء
فيسبوك بيت حواء تويتر بيت حواء قوقل بلس بيت حواء يوتيوب بيت حواء انستقرام بيت حواء PIN:75cf5e85
BBM:75cf5e85


بحث في مواقع بيت حواء
شبكة بيت حواء   |   مطبخ حواء   |   مكتبة حواء   |   جمال حواء   |   الطب النبوي   |   بيتك   |   ألبوم الصور   |   الفتاوى الجامعة


مطبخ حواء نتيجة مسابقة ربيع المطبخ 1435....تهانينا
المنتديات مركز التحميل مشاركات اليوم المشاركات الجديدة أعلن معنا البحث التسجيل

لحظة لا ترميها,,تعالي وجدديها دورة تصمــيم ثيمــات الـحفلات نتائج الشهر الثالث كاملة من مسابقة البحث والتصحيح دورة إحتراف الفيس بوك مسابقة (القلم المبدع للشعر والخواطر) جوائز قيمة بانتظاركم التسجيل في دورة برنامج PhotoScape
جديد مواضيع القسم
صفحة 1 من 2 12 الأخيرةالأخيرة
النتائج 1 إلى 9 من 16
Like Tree9Likes

الموضوع: رواية محتاج حضنك لأجل ارتاح خذني ضمني وخلني انام في حضنك ياحبيبي


  1. #1
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك

    رواية محتاج حضنك لأجل ارتاح خذني ضمني وخلني انام في حضنك ياحبيبي




    السلام عليكم ورحمة الله وبركاته ..
    كيفكم ؟
    اليووم جبتلكمم روآيه منقوله********* ( آرجوك دآويني ) ,
    الروآيه مو كامله بس لما تحط الكاتبه بارت راح احط بارت هنا ..
    بس تخقققققققققققققققققققق الروآيه يلا برب بجيبلكم التعريف والبارتات #

    مــــــــــاريه معجبة بهذا.

    اذا اعجبك الموضوع و اردت نشره في المنتديات الاخرى فاستخدمي هذا الرابط:
    رواية محتاج حضنك لأجل ارتاح خذني ضمني وخلني انام في حضنك ياحبيبي
    http://forum.hawahome.com/t431804.html





    إذا وجدتي إعلانا مخالفا فضلا اضغطي هنا


  2. #2
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    بسم الله الرحمن الرحيم ..
    أقدم لكم روايتي الأولى والتي كتبتها من أعماق مخيلتي { محتاج حضنك لأجل أرتاح .. خذني ضمني وخلني أنام في حضنك ياحبيبي }
    كل ماهو موجود فيها من شخصيات وأحداث وصدف فقد كل ماكان في خيالي
    وليس فيها من أيّ حدث حقيقي فكل مآهو مكتوب خيال ولا أحلل النقل بدون ذكر إسمي عليها { ارجوك داويني } وأتمنى ان تعجبكم
    .. ملاحظه : الأشعآر منقوله من منتديآت أخرى
    راح نعررفكم بالشخصيات الموجوده بالروايه ..
    عائلة أبو فيصل
    أبو فيصل : رجل كبير عنده شركه كبيره طبعا بإدارة عياله ..
    أم فيصل : عمرها 39 سنه تحب عيالها مره وتدلعهم واجد عصبيه بس حبوبه وحساسه وتكره احد يرفع عليها صوته ..
    ولدهم فيصل : عمره 24 سنه يشتغل في شركة أبوه مع عيال عمه عيونه سوداء كحيله طويل واسمر وشعره اسود ناعم يوصل لرقبته دايم يخليه
    سبايكي ودايم كاشخ ومطيح نص بنات الديره ..
    بنتهم نجود: عمرها 18 سنه في ثاني ثانوي طيوبه وحبوبه فله وتسولف مع الكل بس اذا عصبت عصبت تتنرفز شوي بس ماتبين عيونها سوداء شعرها أسود حريري
    وشفايفها صغيره تطيح الطير من السما ..
    عائلة أبو محمد :
    أبو محمد : رجل يشتغل طبعاً في الشركه ومُديرها لأن أبو فيصل يعتمد عليه واجد في إدارة الشركه ..
    أم محمد : فللـه وكل مخلوق يحب يسولف معهاآ سواليفها ماتنمل حتى عيالها دايم معها
    ولدهم محمد : توه متخرج من الجامعه وأشتغل مع أبوه فالشركه عمره 23 طموح بس طالع على أمه أي احد يطقها سوآليف معه
    شعره بُني وناعم نذل شوي بس حبوب
    بناتهم التوأم أسيل ورسيل : طبعاً كلهم يتشابهون عمرهم 16 سنه راح أوصف أشكالهم شعرهم أشقر بس غآمق شوي مآيل للبني قصير ملامحهم حآده
    دايم كشخه وأسيل الدلع والمياعه كله فيها على عكس رسيل رجه وصرقعه عربجيه درجه أولى
    عائلة أبو مشاري :
    أبو مشاري : رجل كبير ناجح حبوب وحنون مع عيآله ورازهم ومكشخهم وعياله رافعين رآسه ورآس أمهم
    أم مشاري : نذله تقريباً وتحب البربره لآزم تعارض على كل صغيره وكبيره تنفعل بسرعه وتطلع وين ماتبي ..
    مشاري : دافور ماشاء الله عمره 24 سنه كبر فيصل ومايحب يتكلم عن أسراره إلا مع فيصل لونه حنطي وشعره أسود دايم على ورى وشفايفه صغيره وحلوه
    نوف : عمرها 21 سنه دلوعه بس مو مايعه مثل أسيل يعني دلعها ربّاني ..
    خالد : أخر العنقود في عايلة أبو مشاري عمره 15 سنه مراهق في ثالث متوسط
    وأخيراً وليس أخراً عائلة أبو وليد
    أبو وليد : مشتغل بالشركه وبس ماعليه من أحد من عياله ..
    أم وليد : دايم زعلانه وحزينه ودمعتها على خدها بس محد حاس فيها غير عيالها ..
    وليد : يحرص على أخوه وأخته وأمه ويشتغل بالشركه مع أبوه وهو الي يجيب اغراض للبيت عمره 25 سنه أسمر وعريض وعيونه سودا وسيعه وحلوه
    ريان : في 2 متوسط مايحب المسؤوليه كلش على أخوه وليد
    عبير : عمرها 22 سنه غامضه جداً وعصبيه وتتنرفز بسرعه بس فلـه .

    وأخيراً انتهينا من التعريف بالشخصيات
    انتظرو البارت الأول
    { ارجوك داويني }

    مــــــــــاريه معجبة بهذا.


  3. #3
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    .................... الــــــــــــــــجــــــــــــــــزء الأول ......................
    فصباح يوم مشرق وجوه جو الرياض ..
    أم فيصل تقوّم نجود للمدرسه
    أم فيصل : نجود قومي يله المدرسه ..
    نجود وغاطه في سابع نومه
    أم فيصل راحت تجيب المويه البارده
    وترجع وشوي إلا كبتها على نجود
    نجود مخترعه : آآآآآآي يمممممممه !!
    أم فيصل : قومي الساعه 7 الصباح إنتي متأخره !!
    نجود : أبي أغييب . . .
    أم فيصل : مافي غياب غيابك كثر هالأيام يله !!
    نجود : خلاص خلاص قمت اووفف
    تروح أم فيصل وتصحى نجود . . .
    أخذت شور سريع وتجهزت ونزلت تفطر مع أهلها ..
    نجود : فصول على أيش الكشخه ؟
    فيصل : ههه حرام أكشخ ؟
    نجود : لا بس مب من العادات
    فيصل : ليش طايح من عينك ؟
    نجود " بأستهبال " : لا شلتك هههه
    فيصل : هاهاهاي ماتضحك ..
    أبو فيصل : يله ياعيالي كل واحد على دوامه تأخرتو عاد ..
    فيصل ونجود : حاضر يبه
    طبعاً راحت نجود لمدرستها وفيصل للشركه
    عند نجود في المدرسه ..
    نجود : هاااي
    ساره : هايااااااات وينك امس غايبه
    نجود : ماكان لي خلق دوام
    ساره : وشخبارك ؟
    نجود : بخير .. تصدقين اليوم لاحظت على اخوي فيصل شيء !
    ساره " بشوق " : وشو ؟
    نجود : كاشخ وطالع وهو مستانس مدري وش عنده
    ساره : طيب عادي كل الناس تكشخ
    نجود : لالا اليوم غير العاده يفطر ويطلع بسرعه اليوم ههه مدري وش فيه
    ساره : تتوقعين شايف له شوفه ؟
    نجود : لالاماتوقع
    ساره : انا متأكده وتقولين ماقالت سويّر
    طبعا مرت الحصص كلها بسواليف وضحك وحش في المعلمات هههه
    في الشركة عند فيصل . .
    فيصل : أخيراً خلصت الأورآق
    دخل عليه مشاري
    مشاري : السلام عليكم
    فيصل : وعليكم السلام حياك ..
    مشاري : ماشاء الله امداك خلصت
    فيصل : قل مشالله لايطلعولي غيرهم
    مشاري : ههههه .. كيف الأهل
    فيصل : حمدلله بخير والله انتم كيفكم
    مشاري : حمدلله كلنا بخير وصحه وسلامه
    فيصل : شرايك نطلع الخميس مع العيال للبر ؟
    مشاري : فكره بس تهقى الشياب بيوافقون
    فيصل : أبد كل واحد يقنع ابوه ويحمسه
    مشاري : واذا ماوافق ابوي ؟
    فيصل : أبشر انا اقنعه
    مشاري : كفو والله كفو
    وكملو شغل .....
    بيت أبو محمد ..
    أسيل : رسيل اليوم ليش مارحتي المدرسه ولا كالعاده لعبتي على بابا المسكين ؟
    رسيل : شايفتني على السرير متمدده تقولين لعبتي على ابوي !!
    أسيل : تمثيل كالعاده
    رسيل " كنك عارفه " : لا ابد مايحس بالنار الا واطيها
    أسيل : اقول رسيل بقولك خبر بمليووون
    رسيل : انا عارفه ماعندك ماعند جدتي
    أسيل : لا ججد .. اليوم محمد جاي عند ماما يقول ان فيصل متصل عليه نروح البر !!
    رسيل " وعلامات الإرتباك بدت تظهر " : فيصل ؟ متى اتصل ومن بييروح ومن قاله ومتى ؟
    أسيل : وجع بس كل هذي أسئله ..
    رسيل " بدون وعي " : كيف فيصل وشخباره وأخبار الشركه معاه ؟
    أسيل : هي هي رسيل إنتي معي ؟
    رسيل " وبدت تركز على الي تقوله " : ايه وش كنا نقول ؟
    أسيل : ليكوون ... هالفيصل ماخذ عقلك
    رسيل " بحيا " : اقول عيب خلي هالكلام عنك
    أسيل : ايه نشوف ..
    قطع عليهم دخلة أمهم ...
    أم محمد : بنات يوم الخميس راح نطلع مع عمكم خالد وعمكم سليمان وعمكم عبدالله وعمكم علي
    رسيل وأسيل : إن شاااء الله يمه
    رسيل : اسيل تعرفين وش بسوي يوم البر ؟
    أسيل : لا تقولين .......
    رسيل : أيه ياي فله بس قولي ان شالله يوافقون
    أسيل : يااااي فله ان شالله يوافقون بعد عشان اشوف نوف أخته اشتقتلها
    رسيل : عشان تشوفين نوف ولا عشان تشوفين حبيب القلب
    أسيل : اوششش عن الكلام الفاضي
    رسيل : ههههه استحت
    يوم الخميس " يوم البر "
    وصلو الأهل لبر الثمامه < لازم خخخ
    وفرشو فرشاتهم ووقفو السيارات سيارتين للحريم وسيارتين للرجال طبعا في فاصل بين الحريم والرجال
    نزلو البنات ومعهم عفشهم
    رسيل معها حب ( فصفص )
    وقاعده تقشم
    أم مشاري : من اول ماوصلنا يارسيل وانتي تقشمين فهالحب وش عندك عليه
    رسيل : السموحه ياخالتي بسس اموت فهالحب خصوصا فهذي الأجواء
    أسيل : بس يكفي تقشيم فشلتينا عند أم مشاري
    رسيل : وش معنى ذيك المره يوم قالت أم فيصل يكفي ماقلتي كذا ولا عشان حبيب القلب ههههااي
    أسيل : أووووص لاتسمعك .. إلا تعالي قلتي لمحمد يجهز خبري خبرك ؟
    رسيل : هههههااي لاتخافين كل شي يمشي على حسب الخطه
    أسيل : أي خطه عايشه الدور وبقوه بس اسمعي انا ماراح اركب بس بناظرك اخاف على أنوثتي
    رسيل : ماقدر انا يالأنوثه اقول بتركبين معي يعني بتركبين بالطيب بالغصب بتركبين
    أسيل : مستحييييييييييييييييل
    رسيل : وانا اقول بتركبيييييييييين
    نوف : هلا والله بأسيل ورسيل
    أسيل : أهليييين وشخبارك وشخبار الأهل " تقصد مشاري "
    نوف : حمدلله بخير انتم شخباركم ؟
    رسيل : والله بخيير وبصحه وسلامه بشوفتك . . .
    نوف : أقول بنات مافكرتو ناخذ دبابات ترا جد طفشت من سوالف العجايز ..
    رسيل " وهي تقشم حب " : اصلا انا توني قايلته لأسيل تقول ماراح اركب اخاف على انوثتي
    نوف : اتركيها عنك اهم شي نوسع صدورنا طفشانين اعوذ بالله
    رسيل : روحي شاوري البنات ولا تنسين تقولين لأخوك مشاري
    نوف : أبشري .. وراحت تكلمه عالبيبي وأسيل لاصقه بنوف تبي تشوف وش يقول
    نجود : هااااااي
    البنات : هاياااات
    نجود : وينكم يالسحبه
    رسيل : أنتي الي وينك
    نجود : أنتظر احد يناديني
    أسيل : الصراحه ماتعودنا نعزم احد
    نجود : خلاص مشيتها لكم
    رسيل : كيفك وكيف عمي ؟
    نجود : حمدلله بخيييير انتي كيفك
    رسيل : حمدلله تمام ..
    نجود : دوم
    رسيل : مادريتي اليوم بناخذ دبابات =}
    نجود : أيه زاد أبتسامتكم شاقه الوجه
    مشاري " يتنحنح " : كح كح يَ ولد
    يطلعون البنات متغطيات ..
    نوف : أخيراً تراكم طولتو
    مشاري : احمدو ربكم بعد ولا المفروض بنات مايركبون دبابات
    أسيل : سمعتووو
    رسيل ونوف ونجود يطالعونها بنظرات لاتحسد عليها
    عبير : ليكون نسيتوني ولا مو من ضمن العايله ؟
    نجود : لو بيدنا ننساك
    رسيل : خيير حدكم ع تتوأم روحي
    عبير : يَ لبييييه سمعتو
    أسيل : لاتصدقين نفسك بس
    فيصل : هاا نجود تركبين
    نجود : أكييد ولا بعد أقعد بلحالي
    فيصل : أنتبهي على نفسك
    رسيل ظلت تطالع فيصل وتتأمل فيه
    فيصل " يطالع رسيل .. وش هالجمال يا الله خصوصا العيون والشفايف تذبح كل شي فيها جذاب "
    رسيل " تطالع فيصل .. جميل بمعنى الكلمه ورجوله مابعدها رجوله له هيبته يذبح هالرجال "
    قطع عليهم صوت جوال فيصل ..
    > المتصل ريم
    فيصل تردد يرد ولا لا
    محمد : فيصل رد شفيك متردد
    فيصل : لا هذا واحد من الربع يبيني بموضوع ومالي خلق اتكلم معه فيه
    محمد : طيب رد شوف وش يبي
    فيصل : ان شالله بعدين برد عليه لاتخاف
    محمد : براحتك
    ركبو البنات الدبابات
    رسيل ونجود في دباب واحد لأن الدبابات مخلصه
    نوف وأسيل مع بعض
    عبير بدباب لها بلحالها
    والعيال طبعا لكل واحد دباب
    >>>>>>>>>>>>>>>>>>>>>>
    <<<<<<<<<<<<<<<<<<<<<
    أنتهى البارت .. توقعاتكم ~

    مــــــــــاريه معجبة بهذا.


  4. #4
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    ............ آلبـآرت الثـآآنــــــــــــــــي ...........
    رسيل تغني بصوت عالي : من عيوني من عيوني لو تبي عمري هديّـه
    تكمل عنها نججود : انا احبك حب جنوني حتى لو تقسى عليا
    جو أسيل ونوف عندهم بالدباب ..
    أسيل : قصري صوتك ترا الدنيا كلها سمعتك
    رسيل : انا جايه هنا عشان استانس واوسع صدري صح نجود
    نجود : صح
    نوف : بنات وين عبير ؟
    أسيل : توها كانت هنا
    رسيل : أنا بروح أدورها أختفت !
    نجود : يله
    وراحو يدورونها
    أسيل : نوف خلينا نقول لأهلها
    نوف : لالالا بعدين يقلبونها عزا وتخرب الطلعه
    أسيل : وإذا مالقيناها ؟
    نوف : فيها حلّال !
    عند الحريم ...
    أم فيصل : يا أم وليد ورى ماعد صرتو تزورونا وانقطتعو عنا مده طويله وراه شعندكم ؟
    أم وليد : والله يا أم فيصل مدري شقولك .. تعرفين مشاغل الدنيا " طبعا ماتقدر تقول إن زوجها ما يوديها ويجيبها "
    أم مشاري : ايه طيب على الأقل لو جوال كذا انقطعتو مره وحدهـ
    أم وليد : خليها على الله
    عند عبير ..
    عبير : بسم الله الرحمن الرحيم وين رحت انا .. وين اهلي شكلي بعدت عنهم خل ارجع بس
    وهي تمشي شافت 4 سيارات
    عبير : أكيد ذولي أهلي خل اروح هناك .. وتسرع بالدباب إلا حاولت توقف الفرامل ماقدرت
    عبير تحاول توقف الفرامل مايوقف الدباب .. قعدت تصرخ بأعلى صوتها
    عبير : يمااااااااااااااااااااااااااااااه بموت بصدم بصدمم يمااااااااه
    اللا وشوي تقابلها صخره كبيرهـ
    تحاول تلف بس ماتقدر
    وهي ماشيه بسرعه وتصدم بالصخره بقوّه << أحح
    عند الشباب ..
    وليد كان يتمشى بلحاله في البر بدون دباب
    كان يفكر بأبوه ليش يسوي كذا تاركهم ولا يعطيهم فلوس ولا يحن عليهم ولا ولا .. قطع عليه صوت جواله يتصل
    > المتصل سعود
    وليد : ألو .. هلا سعود شخبارك
    سعود : حمدلله بخير .. وليد صدق او لا تصدق لو انك معنا بس !
    وليد : وشو قول سمعني
    سعود : انا والعيال لقينا بنت ميته مدري مغمي عليها المهم لقيناها مع دباب
    وليد : وشو ؟ وانتم وينكم فيه ؟
    سعود : لو تشوف شكثر صالح متأثر من الدم الي ينزف منها المسكينه .. احنا في بر الثمامه
    وليد : وش ؟ شهالصدفه احنا في بر الثمامه قولي وينكم فيه وانا طاير لكم !
    سعود : أقولك في بنت ميته تقول شهالصدفه ..
    وليد : طيب يله مع السلامه
    سعود : مع السلامه
    إلا شوي يرن جوال وليد مره ثانيه
    > المتصل الغاليه
    وليد : ألو هلا يمه
    أم وليد " وهي تبكي " : وليد أختك ياوليد أختك ضاايعه
    وليد : وش ؟ عبير ضايعه ؟ تستهبلون !
    أم وليد : البنات يقولون انهم مايدرون وين راحت كانت عندهم من شوي
    وليد " بخوف " : طيب طيب انا جايكم
    الشياب قامو يدورون عبير كل العايله قامت تدور عليها الا وشافو تجمع عند صخره
    نجود " بخوف " : نوف انا خايفه على عبير شوفي هناك ناس كثير متجمعين تتعالي نشوف
    نوف : خلي احد يروح معنا
    رسيل : وين بتروحون خلكم هنا لاتضيعون انتم بعد
    نوف : بنروح نشوف وش فيه هناك عند التجمع
    رسيل : أجل انا وأسيل بنروح
    نجود : بخلي فيصل يروح معنا
    أسيل : يله قوليله
    نجود قالت لأخوها فيصل يروح معهم هناك عشان يشوفون وش فيه
    وليد وصل عندهم
    وليد يكلم محمد : وين اختي وين اختيييي ابي اختي وين عبيرررر
    محمد : وليد أهدا تعال معنا عند العالم الي هناك واقفين
    وليد : ابي اختي مابي اروح هناك
    فيصل : وليد أهدا اختك مافيها الا العافيه .. تعال معنا
    يوم راحو عند التجمع ..
    لقو الناس كلها متجمعين على عبير
    وليد من الصدمه والقهر ماقدر يتحرك
    رسيل : مستحيييييييل
    نجود تضم رسيل وتبكي
    وليد راح عند عبير : عبير عبير أصحي انا اخوك وليد عبير تكفين ردي لاتخليني وضمها بقوّه
    >>>>>>>>>>>>>>>>>>>>>>>>>>>>>>>>>>>>>>>>>>>>>>>> >> >>>>>
    <<<<<<<<<<<<<<<<<<<<<<<<<<<<<<<<<<<<<<<<<<<<<<<< << <<<<<
    أنتهى الباآرت .. تتوقعاتكم =)

    مــــــــــاريه معجبة بهذا.


  5. #5
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    ............... البـــــــــــآرت الثــــــــــآلــــــــــــث .............
    عايلة ابو وليد راحو للمستشفى
    اما الباقي كل واحد رجع على بيته ..
    الدكاتره دخلو عبير للغرفه عشانن يسسون فحوصات عليها ويعرفون وش حالتها
    طلع الدكتور : انتم اهل المريضه عبير عبدالله ؟
    ام وليد : ايه .. ها بشرنا وش صار ؟
    الدكتور : للأسف المريضه فيها رضوض وكسر في اليد يعني راح تبقى عندنا عالأقل أسبوع كامل
    ابو وليد : انا مليت برجع البيت
    ام وليد " بعصبيه " : ابو وليد بنتك فيها رضوض وكسر فيدها وانت ولا همك ؟؟
    ابو وليد : طيب انا وشدخلني اذا هي رضت تركب دباب مثل العيال وصار فيها الي صار ؟
    ام وليد : مو انت أبوها .. ليش انت ماعندك احساس .. متى بتحس فينا
    ابو وليد : منيره والي يرحم والديك هذا قضاء الله وقدره وانا مالي شغل ولا اقدر اعترض على الي ربي كاتبه
    ام وليد " بقهر " : ما اقول الا حسبي الله ونعم الوكيل عليك .. حسبي الله ونعم الوكيل
    ابو وليد هالكلمه هزت مشاعره وخلته يحس انه عنده بنت وعاايله بس ينكر هذا الشي بنفسه عشان مايضعف نفسه
    قدام زوجته الي تترجاه انه يحس فيهم لو مره وحده .. أبو وليد متخلف عقلياً عشان كذا قاعد ينكر هالشيء قدام زوجته
    ويحسب انه لما سوا فيها كذا يعني انه يفرض رجولته وهيبته عليها وبعض الأحيان يضربها بس ماتعلم احد وكل هذا وساكته عن حقوقها ماطلبت الا انه يشوف عياله ويبني مستقبلهم معها لان هي عجّزت ومعد فيها شده لأي شي
    ابو وليد يروح وهو مو مستوعب الموقف ..
    ام وليد تتنهد : دكتور اقدر اشوف بنتي
    الدكتور : بس رجاءُ بدون ازعاج
    ام وليد : متى راح تصحى ؟
    الدكتور : يمكن بكره
    ام وليد : طيب والي يعافيك اقدر انام عندها ؟
    الدكتور : طيب
    راحت دخلت ام وليد عند عبير
    ام وليد " بنفسهأ " : وين وليد ماشفته
    في بيت أبو محمد ..
    رسيل : أسيل انا خايفة على عبير
    أسيل : أصلا كله بسبتك انتي .. انتي الي جبتي هالفكره ولو ماخططتي لكذا ماصار في عبير كذا
    رسيل : أسكتي والي يرحم والديك لا تذكريني وبعدين لاتحطينها فيني الي يبي يركب يركب والي مايبي بكيفه
    وانا ماتحمل مسؤوليات الي يصير فيهم حتى ولو هذا مكتوب وقضاء الله وقدره يعني مستحيل احد يعترض على امر الله
    أسيل : طيب طيب خلاص سويتي محاضره ياطارق الحبيب
    فجأهـ ... يفتح عليهم باب غرفتهم اخوهم محمد بقوّه ..
    محمد " بصراخ " : أسيل !!!!
    أسيل خافت : هاه شفيك
    رسيل : محمد شفيك تصارخ على أسيل خير شسالفه
    محمد : أنتم الي فهموني وش السالفه
    وقرّب لعند أسيل وشد شعرها بقوه : قسم بالله اذا ماتكلمتي لأسيّح دمك
    أسيل " تتعور " : آي محمد اتركني وشسويت اتركني فهممني
    رسيل " بخوف " : محمد وش تخربط وبعدين اترك اختي مارضى عليها
    محمد مطيّر عيونه " وبصراخ " : أنتي أوص لأقبرك معها
    ورجع يكلم أسيل : منهو هذا الي اسمه احمد وطالعه معه على كيفك وتدورين فالشوارع !!؟؟
    فهمييني يالله فهمييني اسمعك
    رسيل " بصدمه " : هاه ؟ أختي متعرفه على واحد ؟ ماصدق !!
    دخل عليهم أبوهم ناصر ...
    ابو محمد : وش السالفه وش هالصراخ والمخابط ؟
    محمد : يبه بنتك .. بنتك الي انخدعت فيها تطلع مع واحد
    ابو محمد بصدمه : بنتي ؟ أي وحده فيهم !!!!
    محمد : أسيل يبه الي تدلعها شوف وش سوت
    أسيل " ببكاء " : قسم بالله يبه ماسوي انا كذا ودايما مع رسيل حرام عليكم لاتظلموني
    رسيل : صح يا يبه اسيل دايم معي وماعندها هالحركات وماشوفها تطلع
    محمد : يعني فالليل ماتطلعين ؟
    أسيل " بعصبيه " : من قااااالك ؟ ابفهم من لاعب عليكك ويضحك عليك ؟!!
    محمد : مالك شغل بالي علمني
    ابو محمد : بــــس وقفتو قلبي بتجيني جلطة
    .... في الدور التحتي ....
    ام محمد استغربت ان ابو محمد تأخر مَا جا
    راحت رقت فوق عندهم تشوف وش السالفة لقتهم يصارخون ويتهاوشون
    ام محمد : بس خير ان شالله شفيكم
    أسيل راحت ضمت امها وبنبرة حزن وبكى : يمه اهلي يظلموني ويشكون ببنتهم الي ربوها احسن تربيه
    ام محمد " بصوت كله حنان " : أسيل يمه شفيك تبكين وش السالفة
    أسيل : سألي محمد ... سألي أبوي
    ام محمد اخذت بننتها وراحت غرفة ابو محمد وام محمد وسكرت عليهم وقفلت الباب ..
    محمد : أبو وججهههها مسويه مظلومه
    رسيل طفحت وبعصبيه وصوت عالي : محمد ! يكفي عاد رسيل ماعندها هالحركات وماتعرف واحد اسمه احمد
    ومستحيل اصلا اشك فيها انها تحب واحد من دون علمي
    محمد : وناوين تسوونها ان شالله
    رسيل : شكله انت الي ناوي على بنت
    محمد خاف عصب وراح مسك رسيل من اذنها : وش قلتي ؟
    رسيل لاحظت الخوف عليه : سلامتك
    ورماها وراح
    ابو محمد وصلته رسالة
    > مِن أم محمد
    { السلام عليكم .. أبو محمد انا وبنتي أسيل راح ننام بالغرفه لوحدنا انت دبرلك مكان }
    ابو محمد انقهر وراح
    رسيل " بنفسها " والله يامحمد لاعرف وش سبب خوفك يوم قلت انك تحب بنت .. انا الي راح اكشفك
    قطع عليها تفكيرها صوت جوالها
    المتصل > توأم روحي نجّو
    رسيل : ألو هلا والله
    نجود : اهلين رسيل قولي لاهلك تجين عندنا الحين
    رسيل : اسألي عن حالي أول شي مو كذا
    نجود : توني شايفتك
    رسيل : يا ليت بس اصبري مو الحين الجو عندنا متكهرب شوي
    نجود : سلامات وش صاير
    رسيل : ليش في احد مريض هنا عشان تقولين سلامات
    نجود : طيب شصاير ؟
    وحكتلها السالفة
    نجود : يوووه وتتوقعين اسيل ممكن تسويها ؟
    رسيل : من جدك انتي ؟ بس تبين الصدق .. لاحظت ان محمد يوم قلتله انه هو يحب عصب وخاف
    نجود : اتوقع عندهـ شيء اجل ليه خاف ؟
    رسيل : خلاص بعدين اكلمك في احد جا يلا باي
    ننجود : باي
    في بيت أبو ممشاري ..
    نوف ككانت تتفرج مٌسلسل مكسيكي على امبيسي 2 وكان مؤثر مره
    الا ونزل مشاري عليها ..
    نوف : حيا الله من جانا .. وين رايح ؟ اشوفك كاشخ
    مشاري : والله ياطويلة العمر انا رايح مع فيصل بنوسع صدورنا ونتعشى هناك احسن من قعدتك على هالمسلسل الهندي
    نوف : أصلا هذا مكسيكي وبعدين شسمه لاتنسى تجيبلي عشا معك
    مشاري : تحلمين عندك التلفون دقي واطلبي وبعدين انا بتأخر يعني مَ راح اقدر الحق عليهم
    نوف : طيب هف
    رَن جوال نوف
    المتصل > نجودوهـ
    نجود : الو هلا والله وغلا شخبارك شعلومك عساك تزقحين الحين تعاليلنا بتجي رسيل ويمكن أسيل لاتنسين تقولين
    لاخوك مشاري يجيبك الحين عشان بنقعد سهره حلوه وبنتفرج على فلم ننهاية العالم الي بيجيبونه امبيسي 2 الساعه 11:30 يلا باي
    نوف مب قادره ترد : وقفي لاتسكرين حشى كل هذي بربره
    وسكرت نجود
    نوف : وجع وشذي البرباره .. وراحت لحقت مشاري بسرعه قبل لايطلع
    نوف : مشاري مشاري وقف ودني لبيت عمي سليمان
    وراحت لقت فيصل نست انها طلعت لباب الشارع ورجعت بسرعه وحمر وجهها لانها شافت فيصل
    فيصل مع مشاري : مشاري ليش ماتخلي اختك تجي بيتنا نجود عازمة كل بنات عمي واكيد اتصلت عليها
    مشاري : اصبر بروح اشوف وش تبي واناديها على الطريق
    رجع مشاري : نعم هاه وش تبين وصل صوتك لولد عمك ماتستحين انتي
    نوف : أسفه مشاري ماكنت ادري بس نجود عازمتني
    مشاري : اصلا توني كنت بناديك لان فيصل قالي ان اخته عازمتك
    نوف : طيب اصبر انتظرني بروح البس عبايتي وبجي
    مشاري : بسرعه لاتتأخرين ولا مشيت عنك
    نوف : طيب .. وراحت ركض تبدل ملابسها وتلبس عبايتها وجت
    وركبت ورى مشاري ومشاري قدام جمب فيصل وفيصل الي يسوق
    وشغل السياره وراح
    كل شوي يطالع في نوف
    نوف بنفسها : وش يبي هذا يطالع فيني .. ليكون معجب .. بس والله يطير العقل
    وطول الوقت كذا لين وصلو لبيت عمهم سليمان
    ــــــــــــــــــــــــــــــــــــــــــــــــــ ـــــــــــــــــــــــــــــــــ
    أنتهى البآرت ..
    توقعـــــآتـــــكم ~



  6. #6
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    بـــــــــاك مـع البـارت الرآبع =)
    وصلو لبيت عمهم سليمان نزلت نوف ودخلت بيتهم وسلمت على نجود
    نجود : ياااي وش هالكشخه
    نوف : نجيّد وين البنات ؟
    نجود : ايه توني متصله على رسيل تقول بتشوف الوضع وبتحاول تجي
    نوف : يعني يمكن يجون ويمكن لآ ؟
    نجود : ايه
    نوف : طيب ماتحسين اننا طولنا وحنا واقفين عند باب حوشكم ؟
    نجود : يووه اسفه ادخلي حياك الله
    ودخلو ...
    عند فيصل ومشاري .,
    يتصل جوال فيصل
    المتصل > ريم
    فيصل بصوت خفيف : افف
    مشاري : وشفيك تتأفأف ؟ " بخبث " ولا عشان صديقك الي ماتبي ترد عليه
    فيصل خاف : هاه , لا هذا موب صديقي
    قاطعه مشاري : اجل صديقتك ؟
    فيصل فيه ضحكه وفيه خوف : ههه لالا مو قصدي اقصد ذا شسمه واحد كنت متسلف منه كم ريال ويبيني ارجعله
    وان شالله برجعله قريب
    مشاري : اييه , طيب رد شوف وش يبي
    فيصل رد ,
    ريم : الووووووووووو , ليش ماترد علي لي يومين اتصل عليك ماترد وموبايلك مفتوح ليش
    كذا التطنيش
    فيصل "ترقيع" : اا ," يطالع مشاري " ايه والله ان شالله كم يوم وبرجعلك الفلوس
    مشاري بنفسه يضحك : مايعرف يرقع ههه,المشكله يحسبني ماادري عن سوالفه
    ريم : اي فلوس واي خرابيط وش تخربط انت !؟ , تراني مليت من عيشتي ابي اشوفك اشتقت لك
    فيصل : ممكن اسكر السماعه ؟
    مشاري بنفسه : وش هالأدب الي نزل عليك مره وحده ههه
    ريم : جرحتني فصول , الله معك سكر السماعه , ولعلمك انا لي كرامتي واعتبر مابينا شي فاهم !
    وتسكر السماعه
    مشاري يكلم فيصل : افااا بنت تسكر السماعه بوجهك ههههه
    فيصل : ...........
    في بيت العم ناصر ,
    رسيل نزلت لغرفة امها ,
    تسمع صوت باب الحوش ينفتح ..
    رسيل : منو جاي هالحزه ,
    وراحت تستكشف وتمشي بشويش وبصمت
    فجأه ,,,, شآفت واحد داخل بيتهم
    رسيل خافت وطيرت عيونها : حراااااااااااااميييي
    : أص لاتفضحينا الله يفضحك .. اسكتي
    رسيل : خير ان شالله من انت وكيف دخلت بيتنا
    : اقولك اسكتي يا ........ أسيل
    رسيل "بصدمه" : انا مو أسيل !
    : يازينك بس .. تذكرين منو انا ؟
    رسيل : هيه انت خير انا لازم اروح اقوم أهلي , قاعد تشوف بنات خلق الله ماتستحي انت ماتستحي
    : اسيل ياقلبي وقفي
    رسيل "بصدمه .. منو هذا .. ووش يبي بأسيل .. ووش علاقته فيها"
    رسيل : والله اذا ماطلعت برا بيتنا لاجمع امة محمد عليك
    : لا بس انا جاي اقولك .. اذا مارجعتيلي يا اسيل ترى بأفضحك قدام اهلك ,
    شوي ولا جات أسيل عند رسيل وهذا المجهول
    أسيل "بصدمه" : ياااااااكبرها عند الله .. رسيل منو هذا .. تعرفينه ؟ منو هذا
    رسيل :أسيل قصري صوتك شوي وبقولك السالفه
    : مستنسخه نفسك ولا انا ماشوف؟
    راحت أسيل تنادي امها : يمااه يماه في حرامي ف بيتنا يمه
    جت امهم ركض : وش فيك يمه وراك تصارخين
    أسيل: يمه في حررامي ف بيتناآ
    انحاش هذا المجهول ,
    رسيل : ياحرامي وقف وين رايح
    اسيل خذت اختها وراحت غرفتهم ,
    أسيل : ممكن تفهميني من هذا الي تكلمينه
    رسيل : أنتي الي لازم تعلميني من هذا الي يحسبني انتي
    اسيل : انتي .. انتي وش تخربطين وش تتكلمين
    رسيل : زين الي محمد نايم ولا كان فجر البيت بكبره
    دخلت عليهم امهم : اسيل وين الحرامي الي تتكلمين عنه .. بيتنا مافيه الا العافيه
    اسيل : هاه ,, لالا يمكن كنت سامعه صوت الجيران احسبه حرامي
    امهم : طمنتيني اجل انا رايحه انام
    رسيل وأسيل : نوم العوافي يمه
    يرن جوال رسيل
    > المتصل نوف
    نوف : الو رسيّل وينك ان شالله ماجيتي , ولا حضرتك نسيتينا ولهيتي
    رسيل : يوووووه والله نسيت بس بحاول اجي لازم اقولك اشياء صارت اليوم
    اسيل تهمس لرسيل يعني لاتقولينلها الي صار قبل شوي
    نوف : ايه على خير لاتتأخرون ولا بالجزمه اوصلها لكم بيتكم
    رسيل : ههههه طيب انشوف اذا في احد يوصلنا
    نوف : طيب تعالو بتكسي
    رسيل : تخيلي عاد كان من جد اليوم الي بعده تصلين علينا صلاة الميت
    نوف : ههههه المهم اليوم لازم لازم تجون
    رسيل : طيب
    وسكرت ..
    اسيل : وش تبي نوف ؟
    رسيل : تبينا نجي بيت عمي سليمان
    اسيل : ومن بيوصلنآ ياهانم ؟
    رسيل : نشوف ابوي
    اسيل : بروح اقولهـ واقول لأمي بعد ~.~
    بــــــعــــــد موافقـة الأهـل ابوهم وصلهم لبيت عمهم سليمان
    رسيل تفكر بالي صارلها اليوم بالبيت ..
    وأسيل بعد
    وصلو وسلمو على بعض
    نجود : يووه عبير لها فقده القعده معاها غير
    نوف : من جد ماقدرنا نتحمل
    رسيل : ياعمري ياعبير لو ماكانت ذي خطتي كان ماصارلك الي صار
    اسيل : لا ياقلبي لاتلومين عمرك
    جا خالد
    نوف : هذا اخوي خلودي =)
    خالد : خير شايفتني بزر عشان تقولين خلودي
    اسيل : ياربي على العسبيين هع
    خالد : اسم على مسمى اسيل دلوعه مره شوي وتسيلين هههههه
    اسيل : مقدر على خفة الدم هههه , كم عمرك ياخلوود
    خالد : ف ثالث متوسط بروح الثانوي شفتي انا كبير موب مثلك
    ملآحظه : خالد اشباهه اشباه واحد صغير وعقليته ماكنه بثالث متوسط عشان كذا البنات يحبون يسولفون معه
    نوف : تراك فليتها ياخالد روح كمل لعب مع ريانوه
    خالد : طيب طيب
    رسيل : ايه جبت لكم شيبسات وكاكاوات وعلك اسنان هع
    نجود : حلو يلا الحين نجهز البسطه
    نوف : ليش حنا جايبين بضايع وفارشين فرشه وقايلين الحبه بريال ؟
    اسيل : ههههههههههه
    الكل راح للمطبخ
    نجود : بصلح لكم حلا سهل وسريع وطعمه ولا احلى
    نوف : نجود صايره سنعه مو من عاداتك
    نجود : ايه انا اذا روقت لازم اصير سنعه .. انفخو علي
    رسيل تتفل على نجود : تف تف بسم الله عليك لاقوة الا بالله
    نجود : وععع قلت انفخي ماقلت تفلي الله يقرف بليسك
    البنات ضحكو : ههههههههههههههههه
    اسيل : انا بروح اضبط الجو .. صارت الساعه 10 وباقي ساعه على الفلم
    على مانخلص لينه جاي ,
    نجود : طيب نظفي زين مو اي كلام
    اسيل : يعني اول مره انظف ؟ حسستيني مانظفت ولا مره بحياتي
    نوف : روحي بس لايفوتنا الفلمم وححنا نسولف
    وراحت
    رسيل : وانا شسوي ؟
    نوف : انتي الله يسلمك ويعافيك خذي الشيبسات والكاكاوات والمشروبات بالثلاجه
    رسيل : وانتي ؟
    نوف : انا بساعد نجيّد =)
    رسيل : واذا دخل علينا فيصل
    نجود : فيصل م راح يجي الا متأخر لأنه طالع مع مشاري مدري وين رايحين
    رسيل : طيب يلا بروح اساعد اسيل
    وراحت ,
    نجود ونوف يصلحون الحلا ...
    دخلت عليهم ام فيصل : حيا الله من جانا ..
    نوف : الله يحييك خالتي
    ام فيصل : وش هالسنع .. وش هالحلا الي مصلحته نجود
    نوف "غارت" : خالتي وانا قاعده اساعدها يعني كني مو معاها بالمطبخ
    ام فيصل : لا والله كلكم سنعات وانتي يانوف حسبة بنتي
    نجود : يمه يعني نوف اختي ؟ ههههه
    ام فيصل : نجود يمه نامي مبكر عشان من بكره الصباح بنروح مع عمك نزور عبير فالمستشفى
    نجود : حاضر يمه
    >>>>>>>>>>>>>>>>>>>>>>>>>>>>>>>>>>>>>>>>>>>>>>>> >>
    انتهى البارت ,,
    يارب عجبكم [ آرجوك دآويني ]



  7. #7
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    البأرت الخآمس ( 5 ) ..

    البنات عقب ماخلصو تضبيط وتنظيف وتصليح حلويات وجهزو البسطه وكل شيء ..
    نوف : يلا بنات بيبدأ الفلـم
    نجود : طيب اصبري وراك مستعجلة
    نوف : لا بس متحمسه
    جت أم نجود : وراكم بناتي قاعدين هنأ وش تسوون
    نجود : يمة قاعدين نطالع فلم
    أم نجود : طيب لاتزعجوني بروح انام بغرفتي تصبحون على خير
    البنات : وانتي من اهله
    وراحت أمها ..
    أسيل : يلا بنات نشغل الفلم
    رسيل "بحزن" : ي ليت عبير معنا والله كان لها جو خاص بالشلة
    أسيل : أي والله انك صادقة
    نجود : عن الأفلام الهندية يلا بنشغلل الفلم
    قامت أسيل ولعت أنوار هاديه وخفيفه يعني مظلمه شوي ورايقة
    وشغلو الفلم
    بدايتها الكل كان متحمس مع القصه وكان مؤثر وجا وقتها لقطة رعب
    نوف "بخوف" : بنات بليز طفو الفلم بحلم
    أسيل : من جد بنات خنطفيه يروّع
    نوف متغطيه بالفراش وخايفه
    وأسيل ترتجف وكل شوي تقول طفوه
    جت اللقطه وكانت مرعبه جداً واحد يطلع من بنته جن
    جا من وراهم اححد ..
    وقبل لايلتفتون
    خالد : بوووووووووووووه
    البنات كلهم صرخو مره وحده
    نجود : خالد ي السخيف كذا تخرعنا !
    خالد : سمعت صوتكم قلت اروح اشوف وش بهم ازعجونا اصواتكم واصلة الشارع ماخليتونا نلعب سوني زين كل شوي وحده مصارخة
    نوف : ألمره الجايه بضربك
    خالد ينحاش وهو يقول : خوفتيني
    نوف : تعال تعال ورمت عليه الجزمه " أكرمكم الله " بس ماجته
    خالد يضحك : ههههههههههههههههههههههه حرره

    ....
    عند فيصل ومشاري ..
    نزلو للبر وشافو اخوياهم وسلمو عليهم وقعدو يسولفون ويضحكون
    مشاري : يالوصخ رايح ترقّم بالسوق ههههههههههههههههه
    تركي : أي والله ولا وحده عطتني وجه كل شوي جايتني تقول قليل أدب ماتستحي بس فيه وحده عطتني وجه وقعدت اتغزل فيها طبعا انا صدقت السالفه وثم رجعت الرقم علي وقالت من زينك اخذ رقمك انت شايف وجهك
    عادل : صادقه البنت ماشفت خشتك هههههههههههههههههههههههه
    تركي : أحلى من وجهك ههع هع هع هع
    فيصل : ماشفت ذيك المرة كنت بالمول وكل البنات خاقين علي بس ماعطيتهم وجه
    مشاري : أحلى يالثقه مقدر انا خخخخخخخخ
    فيصل : أكيد ماتقدر :$

    للأسف كان في أحد يراقب 2 من هالشباب ومتوعدهم توعّد
    بس منهو ؟
    رجعو الشباب بيوتهم
    واسيل ورسيل قررو ينامون في بيت نجود لأنه بكره جمعه اجازه
    نرجع للبنات ......
    رسيل : نجود وين بنام فيه
    نجود : روحي نامي بغرفة الشغاله
    رسيل : لأه احلفي قولي قسم واصدقك !!
    نجود : لآلآ أمزح نامي معي افرشييلك فراش عالأرض انتي وأسيل ونامو
    نوف : طيب وانا ؟
    نجود : وانتي معهم .. بنات يلا خلونا ننام بكره عندنا زياره عند عبير ولا نسيتو ترا من الساعه 9 بنروح لها
    رسيل : ومين بيجي ياخذنا ؟
    نجود : فيصل يعني مين غيره
    رسيل : اهاا اوك
    عقب مافرشو الفراشات ونامو البنات
    كان في بنتين مانامو يفكرون بأشياء وأشياء صارت لهم ويبون حلول لهالحيره الي فيهم
    أسيل : رسيل .. رسيل نمتي ؟
    رسيل : بسم الله خرعتيني .. لا مانمت انتي مانمتي ؟
    أسيل : لا والله بس افكر
    رسيل : وش تفكرين به
    أسيل : مادري وش اقولك افكر بأشياء كثيير والي صارلنا بالبيت
    رسيل : اي والله تصدقين حتى اناا افكر بالي صارلنا .. مدري ليه احس اني خايفه وحاسه انو بيصير شي
    أسيل : لاتتشائمين كذا تفائلي بالخير بس تصدقين حتى انا احس ان في شي بالموضوع بس ماادري وشو .. اقول خلينا ننام بس بكرا ورانا زياره لعبير ,
    رسيل : ماقدر انام ي اختي .. أبطلع شوي ابروح المطبخ اشوفلي شي اكله
    أسيل : ماشبعتي يالدوبا وبعدين ترا البيت مو بيتك يعني لاتمونين بزياده
    نجود بقلق : أووف بنات مابعد نمتو وش فيكم تبربرون فوق راسي يلا نامو
    أسيل : شفتي أزعجنا البنت خلاص يلا نامي
    رسيل : ههف انا بروح وانتي خلك هنا نامي
    أسيل : أحسن بكيفك
    وطلعت رسيل للمطبخ تشوف لها شي تأكله ..
    وتسمع صوت شخص يدخل للبيت ,
    رسيل خافت يكون الي في بالها ( الي في بالها انه يكون احد يراقبها ويراقب وين تروح وين تجي والي زادها خوف اكثر انه قرّب للمطبخ .. )
    دخل المطبخ عليها بخطواته الثقيله ورزته وهو تعبان ومرهق ويبي يشرب مويه ,
    اخترع لما شاف المنظر الي قدامه ماصدق هذي بشر او ملاك
    رسيل الي كانت لآبسه بجامة ورديه كبيره عليها لأنها حقت نجود وطالعه كأنها طفله تمشي
    ومستحيه ومخترعه ماقدرت تسوي شي قلبها يخفق بقوه وبطنها صار يعورها وراسها صدع من الفشله
    رسيل بتردد ومنزلة راسها : أنا .. أنا .. أنا بس بس كـ .. كـ كنت بـ .. بجيب شي اكله والله
    وراحت ركض على طول من دون مايتكلم ولا كلمة
    فيصل وهو منبهر منها : الحين هذي من بنات عمي ؟ رسيل ولا أسيل ولآ نوف ؟ بس أكيد يارسيل يا أسيل لأن شعرها فاتح ؟! بس هي ليه في بيتنا هالحزه ومانامت بعد !! يالله بس جميله بمعنى الكلمة ألآ انا صدق ماستحي قاعد اطالع فيها نسيت نفسي .. بس بصراحه مالوم عمري كنها ملاك ,
    وانتبه لعمره .. : بسم الله اكلم نفسي انا صدق انجنيت
    وضحك وراح ,
    رسيل ألي فتحت الباب وصكته بقوه ومن القوه صحو البنات مخترعين
    رسيل : بسم الله الرحمن الرحيم وش فيكم تطالعوني كذا ... ترا والله ماخذت من ثلاجتكم شي والله .. جعل عيونكم تفقع خير وش فيكم؟
    أسيل : رسيل يالبايخه خرعتينا !
    نجود : ترا بابنا نبيه مابعد ملينا منه !
    نوف : احسبه احد من الأهل دخل علينا من قوة الرقعه جعلك الماغص !
    رسيل "ترقع" : لالا بس شفت قطوه في بيتكم وخفت وانحشت وكذا يعني هذيهي السالفه
    نجود : بيتنا مافيه قطاوه مافيه الا كل خير .. يمكن تقولين عقرب لأن ذيك المره كان في عقرب بهالغرفه
    نوف : يمممماه عقرب !! مابي مابي برجع بيتنا اخاااااف
    أسيل : أقول انثبري بس
    نجود بتعب : يالله بنات بكره ورانا زياره لعبير
    نوف : أي والله نعسانه
    رسيل : حتى انا جاني النوم " وبنفسها : والله ماجاني شي بس خل ارقع الموضوع لا يدرون عني "
    أسيل حست الي بأختها صايرلها شي وحست انها ترقع لأنه واضح عليها وتعرف اختها حق المعرفة
    أسيل : يلا ننام
    ونامو البنأت ..

    .
    .
    .

    أنتهى البأرت ي رب يعجبكم =)



  8. #8
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    البارت السـأدس ( 6 ) ..
    صحت أول وحدة وهي نجود , الساعه 4 الفجر
    راحت صلت الفجر وراحت تقوم البنات
    نجود : بناااااااااااات يلا قومو
    محد عطاها وجه
    نجود : بنااااااااااات ترى والله لأقومكم بطريقتي الخاصة
    نوف : اف نجود وش تبغين خليني انام
    أسيل : عمن يعميك حلي عني
    رسيل : خخخخوشششششششششش << شخخار بنات
    نجود : طيب طيب
    واتجهت للمطبخ وفتحت الفريزر وجابت " ثلج " ورجعت لعندهم
    وكبته عليهم كلهم
    البنات مخترعين : واااااااااااااااااااااااااااااااه
    اسيل : ي ي ي السخييففه ثلج مره وحده
    رسيل : وجججعععع ثلج عااد !!
    نوف : حسبي الله على بليس لو كنتي مناديه خالتي كان ابرك
    نجود : عشان مره ثانيه تسمعون كلامي , يلا قومو تجهزو ولا بستخدم طريقه ثانيه ترى
    البنات : لالالا خلاص قمنا
    وقامو البنات ..
    اخذولهم شور ولبسو لبس بيت لما يجي الساعه 9 يغيرون ويطلعون
    نوف : بنات بروح اصلح لي كوفي من تبي معي
    رسيل : انا
    أسيل : انا
    نجود : وانا
    نوف : يمه بسم الله طيب
    وراحت نوف تصلح
    جا خالد ودخل للمطبخ ..
    خالد وهو ماسك خصره : خير وش عندك داخله مطبخنا
    نوف م ردت عليه كانت تفكر ,
    خالد : يابنت تراني اكلمك ولا ماتبين تردين علي عشانك زعلانه على ذيك المره ماقدرتي تضربيني ههه
    نوف سمعت اخر كلمه وتذكرت وراحت مسكته هذا انا مسكتك .. وش اسوي فييك ؟
    خالد يسوي نفسه بريء : لا بس قلت وش تسوين في مطبخنا يعني بتطبخين لنا فطور من يدك الحلوه وكذا ؟؟
    نوف : بعد صرت مغزلجي بعد
    فلت من نوف وراح وهو يضحك : هههههههههههههههههههههههههههههههههه
    نوف بقهر : اووف مردي بأضربك
    وكملت نوف تصليح ..
    عند فيصل ..
    ابو فيصل راح غرفة فيصل عشان يصحيه : فيصل ياوليدي يالله قوم الساعه 4 صليت الفجر ولا بعدك نايم ؟؟
    فيصل : خلاص بقوم يبه اصبر شوي
    ابو فيصل : كله تسهرون انتم الله يهديكم يالله قوم لأستخدم معك اسلوب ثاني
    فيصل : لالا خلاص قمت
    وقام فيصل وأخذ شور لأنو في غرفته حمّام "اكرمكم الله"
    رن جوال فيصل سمعه وهو داخل الحمّام"اكرمكم الله "
    فيصل بنفسه : مين يتصل هالوقت " وتتذكر وتأفأف " أكيد ريموه
    نجود مرت من عند غرفة فيصل كانت تبغى تصحيه ,
    نجود : فيصل جواله يتصل , لكن مين يتصل هالوقت هو صحى بس بشوف مين يتصل عليه هالحزه
    ودخلت غرفته بهدوء وشافت الأسم "ريم" استغربت من الأسم بس ماردت دورت ورقه وقلم ولقت وسجلت الرقم وطلعت من الغرفة بهدوء
    وراحت غرفتها سجلت الرقم بجوالها , راحت عند البننات خبرتهم ان فيصل بيطلع برا دخلتهم الغرفة بس ماعلمت احد
    عند ريم ..
    ريم : اوف فيصل ما يرد اكيد زعلان عشاني قلتله م بيني وبينه شي بس والله ماخليها رسيل هذي لأزم ادمرهم ماراح اخليهم
    اتصلت على شخص ..
    ريم : الوو هلا حمودي
    احمد : يالله صباح خير ها اش تبغي بعد
    ريم : احمد مممكن طلب ؟؟
    احمد : مو سوينا الي تبينه وخليت الولد يضارب اخته وماعطيتيني المبلغ ايش تبغين بعد ؟؟
    ريم : حمود خلاص عاد بعطيك المبلغ الي تبي بس ابي طلب بعد
    احمد : ايش ؟
    ريم : ابي تسحب الفرامل من سيارة فصصول ابي هالرسيل تموووت قههر
    احمد : نعم !! انتي صاحيه ولا مجنونه تبغيني اقتل الرجال .. مو حرام مو حرام عليك ؟ اهو وش ذنبه ؟
    ريم بغيره وبعصبيه : اكيد يحبها اكيد انا متأكده ان بينهم شي لاكن والله ماخليهم بسلام راح اعطيك خمسة ألاف وش رايك
    احمد : طيب عادي تزوديني 5 الاف زياده ي عسل
    ريم : مو كنها واجده ترا انا مو على بنك .. بليز حمودي مابيهم يكملون رسيل هذي اكرههها اكرهها لما شفتها معه
    وتحاكيه ومبسوطين مع بعض ماراح اتركها ماراح اتركها !!
    احمد : طيب خلاص 5 الاف اتفقنا وترى المره الجايه راح تكون 10 الاف اوكي ؟
    ريم : اوكي بس سوي الي اقولك عليه ولا تطول
    احمد : طيب بااي
    ريم : بااي
    عند البنات ..
    نجود بحيره : اتصل على الرقم مشغول !!
    نوف : مين الي مشغول ؟ ليكون تحبين بس
    نجود : وييييييين انا وين وانتي ويين , نوف بقولك سر بس ابيك تساعديني وماتعلمين لآ أسيل ولا رسيل ولا عبور حتى
    نوف بتركيز : اوككي قولي
    نجود : الصراحه انا تو مريت على اخوي فيصل ابي اشوف صحى ولالا وسمعت صوت جواله يرن بس مادريت منو
    يتصل هالحزه واخذته ولقيت الرقم مسجل بأسم "ريم" واخذت الرقم وسجلته عندي
    نوف بشهقه : من جد انتي تكلمين !!
    نجود : قصري صوتك لأقص لسانك لك , ايه من جد حتى اتصل لقيته مشغول
    نوف : اهااااااا احسبك تحبين واحد هع هع زين الي سجلتي الرقم عادي اخذه ؟
    نجود : على كيفك انتي ؟ تبين ينتشر السر خليني بعدين اتصل مو وقته الحين خلينا نجهز
    فيصل طلع وشغل السياره يخلي تحتمي
    راح فيصل مشي للكوفي القريب يشتريله قهوه تعدل مزاجه
    مشى احمد عند السياره وفك الكبوت < تعرفون وش الكبوت هذا الي قدام حق السياره يفتحونه الي فيه المكينه < اكيد فهمتو , المهم نكمل ,,, فتح الكبوت ودور الفرأمل لما لقاها وحاول يفكها يالله تنفك
    احمد : اوفف عيت تنفك
    ويسحب بقوه بقوه واخيرا انفكت بس السياره طلعت صوت طوط طوط طوط طوط
    وسكر الكبوت وانحاش احمد
    فيصل سمع صوت سيارته على طول راحلها راح ماشاف احد
    خاف بس سكت صوت السياره وفتح الكبوت يتطلع وش السالفه .. لاحظ انه في شي ناقص بس مو عارف وشو
    فيصل : يمه !! الفرامل وين راحح .. وين راح الفرامل اكيد في احدد بالسالفه مينن يمكن ابوي , بروح اسأله
    وراح وسأل ابوه
    ابو فيصل : ماخذت شي ي وليدي تعرف اني ماحب اتعبث بسيارات عيالي
    فيصل : اجل مينن
    ابو فيصل : تأكد يمكنك كنت ماخذه ونسيت وين حطيته
    فيصل بنفسه : انا متأكد انه في احد بالسالفه , وراح
    عند البنات ...
    ام نجود : يلا ي بنات خلصتوو ؟ الساعه صارت 6 ونص وانتم لسا م خلصتو
    نجود : يلا يما جهزنا وين فيصل
    ام نجود : بتصل عليه واتصلت على فيصل
    ام نجود : هلا فصصول وينك؟
    فيصل : يممه سيارتي خربت ورحت اوديها التشليح
    ام نجود بفجعه : يمه وليدي صارلك شي تأذيت ولا وشو ؟؟
    نجود خافت
    فيصل : لايمه مافيني الا العافيه بس الفرامل مو موجود رحت وديتها وبرجع لكم بدبر احد لكم يوديكم
    ام نجود : اشوا الحمدلله طيب وليدي دبرلنا بسرعه لاننا بنتأخر اذا على هالحاله
    نجود ارتاحت
    وسكرت السماعه
    نجود : يمه وشفيه فيصل
    ام نجود حكت لها السالفة
    رسيل : يووووووه ياربييه خليني بدق على محمد يودينا
    نجود : اتصلي عليه
    اتصلت رسيل على محمد : الوو هلا محمد , وقالتله يجي يوديهم
    وافق وجا عندهم
    طلعو وركبو السيارة ,
    كلهم ورى بس أسيل قدام جمب اخوها
    محمد يطالع نجود بالمرايه بس هي ماتطالعه,
    وصلو للمستشفى
    ......................
    عند احمد ..
    احمد اتصل على ريم : الوو
    ريم : الوو نفذت الي قلتلك
    احمد : اي نفذت بس فيصل اكتشف الخطه وودى سيارته التشليح
    ريم بفجعه : ليكون درى اني ورى كل هذا !!؟؟
    احمد بقرف : لاتخافين م درى انك ورى كل هذا بس خايفه على نفسك المهم وين المبلغ
    ريم : مانجحت الخطة يعني م راح اعطيك شي !!
    احمد بفجعه : نعم !! بتعطيني يعني بتعطيني ولا بقلب الدنيا فوق راسككك !!
    ريم : طيب خلاص لاتاكلني

    في المستشفى ....
    راحو للأستقبال ..
    ام نجود : لو سمحت غرفة المريضة عبير عبدالله
    وعلموهم الأستقبال ودخلو الغرفة
    نجود : عبوووووووووووور حبيبتي اشتقتلك ياقلبي
    رسيل : وحشتينا يالخبله
    أسيل : لك غيبه
    نوف : فقدنااااك ياعمري
    عبير تفتح بشويش وبصوت خفيف وتنطق الكلام ببطء : حتى انتو وحشتوني
    ام عبير قعدت تبكي على بنتها
    عبير : يمه وين ابوي
    ام عبير كشرت من سمعت طاريه وقعدت تصرَف لبنتها : يمه ابوك راح يزورك ان شالله
    عبير : اشتقتلكم وحشتوني
    ام نجود : ماتشوفين شر ياقلبي
    عبير : الشر مايجيك خالتي
    ام محمد : وشخبارك الحين ي بنيتي
    عبير : حمدلله احسن
    ام نجود اشرت للبنات يعني اطلععو بيدخل اخوها
    وطلعت اسيل ورسيل ونوف ونجود
    وطلعت ام نجود وام محمد
    دخل اخوها وليد : اشتقتلك عبور البيت من دونك ما يسوى , مين يونسني غيرك
    عبير : وليد لاتبكيني كافي امي المسكينه احاول اهديها لاتخليني ابكي معاها
    -------------------------------------------------------------
    انتهى البارت ي رب يعجبكم =)



  9. #9
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    2
    مواضيعي
    مشاركاتي
    أضيفيني إلى صديقاتك




    البارت السابع ( 7 ) ..
    دخل اخوها وليد : اشتقتلك عبور البيت من دونك ما يسوى , مين يونسني غيرك
    عبير : وليد لاتبكيني كافي امي المسكينه احاول اهديها لاتخليني ابكي معاها
    ريان : وليد لاتبكي عبير كافيها الي فيها
    وليد ناظر ريان ثم رجع يناظر عبير
    عبير تصرف الموضوع : ألا صح متى بطلع ؟
    وليد : نسأل الدكتور ونقوله يكتبلك خروج
    عبير : طيب بسرعه مليت من المستشفى اسبووع كامل
    وليد : ماتنلامين محد عندك ههه
    ام وليد : بروح مع البنات عشان نقول للدكتور يكتبر لعبير خروج
    عبير : وناسه يعني بطلع اليووم
    ام وليد تمسح دموعها : ايه اليوم
    وراحت ام وليد مع البنات
    رسيل : هذي ام عبير خل نشوف وش تبي
    أسيل : ايه
    ام وليد : بنات تعالو معي
    نجود : ليه ؟
    ام وليد : عشان نقول للدكتور يكتب لعبير خروج
    البنات بشهقه : والله !
    رسيل : وناسة عبير بتطلع اليوم
    أسيل : رسيل متى بيرجع عمي خالد اشتقت لبنات عمي
    نوف : ليه وينهم فيه
    أسيل : ماتدرين ؟ ماقالك ابوك ؟
    نوف : لأ
    أسيل : رايحين فرنسا عشان رغد بتدرس هناك واخذت اختها
    نوف : وش كان اسم اختها نسيته
    اسيل : اسمها منتهى
    نوف :اييه صح
    نجود تنادي نوف وأسيل : بنات امشو يلا
    وراحو مع ام وليد ..
    رسيل شافت بنت قصيره ولابسه كعب وباين انها مغروره
    رسيل : نجود شوفي ذي وعع مغروره
    نجود : وينهي ؟ قصدك ذي؟
    رسيل : ايه استغفرالله
    نجود : مب بس مغروره حتى مايعه
    راحو عند الأستقبال عند البنت
    ام وليد : لو سمحت الدكتور فهد الـ ... وينه ؟
    ورسيل كله تطالع البنت
    البنت بنفسها : وش تبي هذي تطالع , عيونها مو غريبه علي كني شايفتها من قبل
    رسيل بنفسها : وعع شفيها قعدت تخز , تناظرها رسيل من فوق لتحت
    ام وليد , أسيل , نوف راحو عند الدكتور وتركت نجود ورسيل عند الأستقبال
    البنت عصبت وصارخت : خير انتي ان شالله شايفه شي مو عاجبك
    رسيل انفجعت : نعم ؟ تكلميني حضرتك ؟
    البنت : لآ اكلم الجدار الي وراك
    رسيل عصبت وانقهرت : هيه اننتي حدك عاد ترى ماسمحلك
    البنت : ياي خفت
    رسيل ماقدرت تمسك اعصابها واخذت البنت وقعدو يتطاقون قدام الله وخلقه
    نجود : هيييييييييييه , وراحت تفكهم بس ماقدرت
    شافهم فيصل من بعيد يتهاوشون لمح ( ريم ) بس مانتبه ان اخته موجوده والثانيه الي هي رسيل ماعرف منهي
    على طول راح وبأعلى صوته : ريم !!!
    ريم سمعت الصوت وقفت عن الهواش
    ريم : فـ .. فيصل , انت وش تسوي هنا
    نجود الي ماصدقت نهائياً سحبت رسيل وراحت
    رسيل الي ساكته ماعلّقت على أي شيء مو فاهمه السالفه , بس مجروحه شوي لأنها متعلقه بفيصل وتبغى تفهم السالفه
    نجود بصوت واطي : ماصدق
    رسيل انتبهت لها : ماتصدقين وش
    نجود لاحظت نبرة رسيل الي تدل على انها حزينه : رسيل وش فيك
    رسيل : لآ بس مستغربه
    نجود : من وش ؟
    رسيل : انسي
    نجود : خلينا نروح عند ام عبير ونوف وأسيل
    رسيل : يلا
    عند فيصل وريم .....
    فيصل : انتي الي وش تسوييين هنا !
    ريم : فصول انا .. انا كنت بس بزور بنت عمك المريضه , زيارة المريض واجب تعرف يعني
    فيصل : انا مابي منك شيء مابيك تزورين احد واذا زيارة المريض واجب زوري احد من اهلك فاهمه ؟ اصلا انا ما احبك ولا ابيك
    ريم عصبت : اجل مين تحب ؟ تحب العقربه رسيل ؟
    فيصل عصب : لي تفاهم معك بعدين الحين احنا بمكان عام تشوفين
    ريم : وش بتسوي يعني
    فيصل مسك اعصابه وراح
    وريم ركبت السياره
    بس فيصل لاحظ انها راكبه مو تكسي , راكبه سياره عاديه وانه في احد يسوق بها
    بس مشّاها وراح
    .......................
    نروح عند ابطال أخرين سيظهرون من هذا البارت إلى البارت الأخير من القصة
    وهم ( أبوهم خالد , منتهى , رغد )
    راح احط التعريف الحين ....
    منتهى : عيونها سوداء شعرها اشقر غامق مو قصير ولا طويل , بياضها حلو , طالعه على بنت عمها رسيل رجه وهبله وجريئه وملقوفه بشكل وراعية مغامرات ومرحه وخفيفة دم عمرها 16 سنه ,,, بس سافرت مع اختها وابوها لفرنسا عشان رغد تكمل دراستها وترجع للسعوديه وبالتحديد الرياض
    ـــ
    رغد : عيونها عسليه شعرها بني فاتح طويل بشرتها بيضا يعني بياضها عادي حلو , متواضعه وحنونه متحجبه في فرنسا هي واختها ماتحب تطالع الرجال اذا كانت متحجبه فتستحي وكذا عمرها 22 سنه ,
    ــ
    أبوهم خالد ,, غني عن التعريف زيه زي اخوانه الي هم ناصر وعبدالله وسليمان وعلي

    نكمل ..............
    كان هذا اخر يوم لهم في فرنسا ومنتهى مره مستانسه بترجع تسولف مع رسيل وبنات عمها
    حتى رغد مستانسه انها نسبتها 95% كان ودها أكثر بس هذا المكتوب
    رغد نزلت من غرفتها : منتهى تعالي جهزي شنطتي بسرعه
    منتهى : تمونين بزياده والله , ماجهزت شنطتي اجهز شنطتك
    رغد : والله انك نذله طيب انتي الحين تطالعين تلفزيون قومي بعد ساعه ونص بتطير طيارتنا
    منتهى : طيب ازعجتيني ههف , وقامت منتهى صعدت لغرفتها
    منتهى بصوت واطي : اوف وشذا الحوسه , بصوت عالي : رغد تعالي جمعي عفشك الحين وش ذا الحوسه
    رغد : مالك شغل فيهم روحي جهزي شنطتك وماعليك مني
    منتهى : طيب , ولمحت ورقة ,, : من ذي ورقته .. أكيد حقت رغد , وخذتها ( الأسم : رغد خالد الـ *** )
    والله منتي بسهله ي رغييد طلعتي دفره .... خل اجهز شنطتي قبل لايجي ابوي وتبلشنا رغد
    عقب ماجهزو شناطهم .......
    رجع أبوهم : هااه جهزتو ؟
    رغد & منتهى : ايه بس بدق على فارس ابغاه يستقبلنا بالمطار
    ابوهم : طيب
    ملاحظة : فارس اخوهم بس ماراح معهم على فرنسا )
    وصلت الساعه 9:30 مساءً وراحو عالمطار وطارت بهم الطيارة
    ..............................
    عند ابطالنا المعروفين
    كل واحد راح على بيته وعبير رجعت سالمه والحمدلله ورجعت بيتها
    في بيت عايلة ابو محمد
    رسيل : ابي اناام حدي تعبانة بس ماقدر قاعده افكر
    أسيل : وش تفكرين به
    رسيل : لالا ولا شيء خلاص نامي انا بنام بعد بكره مدرسه
    أسيل : رسيل بكره رغد ومنتهى بيرجعون
    رسيل : الله صدقق !! منتهى بترجعع حتى رغد وناسة يعني كلنا راح نجتمع
    أسيل : ودي اغيب بكره مالي حيل اداوم
    رسيل : حتى انا والله بس غيابنا واجد
    أسيل : رغد نسبتها 95% دفره مشالله
    رسيل : ماعلينا منها , انا عن نفسي بكره بنحاش من المدرسه
    أسيل : من جدك انتي !! لو درو عنك قطعوك قطعه قطعه
    رسيل : ماعلي منهم مالي خلق اداوم يختيي
    أسيل : بكيفك بس انا مالي شغل فيك
    رسيل : ايه عادي اهم شيء انحاش وافتك ههههاي
    في بيت ابو فيصل ..
    فيصل : ريم وش جايبها بالمستشفى , ماتوقع انها جايه تزور عبير .. اصلا وشدراها عنها !
    اكيد انه في شي بالمووضوع , وسالفة الفرامل مين ماخذه مادري , اكيد في شي بين هالأثنين
    احد مخطط على شيء .. ريم ؟ لالا ماتوقع اصلا ماتسويها وش هدفها يعني ؟ وبعدين هي تحبني اكيد تخاف علي
    ونام وهو في راسه ألف سؤال وسؤال ,
    ------------------------


صفحة 1 من 2 12 الأخيرةالأخيرة

المواضيع المتشابهه

  1. احضني نفسك وابتعدي عن حضن زوجك ليرغب هو في حضنك
    بواسطة قلب راض في المنتدى الحياة الزوجية
    مشاركات: 37
    آخر مشاركة: 11-11-2012, 04:02 AM
  2. امي الحنونه.... في حضنك حفرت قبري
    بواسطة حنان حنو في المنتدى صورXصور
    مشاركات: 8
    آخر مشاركة: 05-04-2011, 01:21 AM
  3. : | { •. أمــــ اعيديني الى حضنك وضميني صدرك ـــــــي.• } | :
    بواسطة ام اسولهـ ✿≈ في المنتدى رسائل الجوال
    مشاركات: 23
    آخر مشاركة: 28-02-2011, 02:50 AM
  4. لاتضع الاب توب في حضنك؟صووووور
    بواسطة ام ميسم في المنتدى ركن الكمبيوتر والإنترنت
    مشاركات: 13
    آخر مشاركة: 17-03-2009, 02:56 PM
  5. تبغي زوجك ماينام ألا في حضنك
    بواسطة رمنسيه بس منسيه في المنتدى الحياة الزوجية
    مشاركات: 13
    آخر مشاركة: 07-08-2008, 05:54 PM

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 


إذا وجدتي إعلانا مخالفا فضلا اضغطي هنا
أقسام بيت حواء

هيا واشتركي معنا  في مجموعة بيت حواء النسائية

البريد الإلكتروني:
زيارة هذه المجموعة

نسخة الجوال

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168