محجوبة الكسرة ( معجنات من مختلف البلاد)
السلام عليكم ورحمة الله وبركاته
المحاجب اكلة جزائرية اصيلة
المنطقة كامل التراب الوطني
التوقيت في البرد القارص
حبيت اشارك باكلة جد قديمة وجد مشهورة عندنا وماكانش بيت جزائري مايديرهاش والكل يموووووووووووووووووت عليها وهي المحاجب او المحجوبة وهي تختلف من منطقة لاخرى وفيه انواع منها انا حبيت اوريلكم طريقتي في محجوبة الكسرة ( الرغيف ) وهي خفيفة وناقصة دهون او زيت لانو التقليدية والمعروفة بزاف تجي بالزيت على شكل رقاق من العجين
ملاحظة صغيرة كلمة محجوبة معناها شيئ متخبي او متخفي بمعنى الحشو يجي بالداخل لا يرى
المكونات
السميد الرطب + ملح وماء
يعجن جيدا دون الافراط في الماء اي يكون رطب
الحشو
من المعروف جدا انه حشو المحاجب الرئيسي الشحمة والبصل والطماطم و الهريسة او الشطة
انا حبيت اعمل حشو خفيف لان الاولاد لايحبون الشحمة
بصل مقطع صغير مع الطماطم مقطعة صغيرة والثوم والهريسة وطماطم العلب مع الملح والزيت فوق النار طبعا دون اضافة الماء
راح اشرح الطريقة مع الصور
نقسم العجين على قسمين
نفرد العجين الاثنين جيدا انا نحبهم جد رقيق
نضع الحشو اللي لازم يكون بارد فوق العجين الاول
ونحط الطبقة الثانية فوق الطبقة الاولى ونعمل ثنيات حتى يبقى الحشو بالداخل ويصبح محجوب فهمتو الان هههههههههه
وفوق النار وانا استعمل طاجين حديد او خاص بالمحاجب وتقدرو تستعمل طاجين الفخار او مقلات التيفال
وهنا قلبت الكسرة
وهنا طابت وقسمتها
كانت ومازالت وستبقى افضل و احسن اكلة تقليدية عندنا والشعبية انتاعها تزداد جيل مع جيل وحتى المحلات عندنا اصبحت اكثر واكثر لبنة وطعمت المحجوبة
ان شاء الله فدتكم بنوع وماكثرت الانواع عندنا للمحاجب
صدقوني مع البرد هذا هي افضل واطعم
رد مع اقتباس
مواقع النشر