خلوووووووووووووووووها
حدث ذات مرة انه كان عندنا عرس لواحد من اقاربي المقربين جدا
استعديت لذلك اتم الاستعداد ابتداءً بأخمص كوعي وانتهاءً بركبتي الوردية هي وردية
ضاربة على سواد عشان مااكون كاذبة لأن اللون الوردي حلف مايتقدم على
ملك الألوان فديت المحترمين يانااااااااس حتى الألوان تعرف تقدر 
كان استعداداً منقطع النظير 
لدرجة اني قمت بالبحث وانتقاء الاغاني اللي برقص
عليها في العرس هههههه الدعوة فيها مجاكر ومكايد ماتدرون انتم لازم نشمر عن
سواعدنا وكراعينا بعد..... ( عز الله اني كنت مااعرف المجاكر بس هذا احسن سلاح للاعداء)
رحنا المشغل الساعة التاسعة صباحا وربي عرس اخوي مارحت الصبح شوفوا وين وصل الامر
طبعا اختي الكبيرة قالت ترى التساريح في مشغل والمكياج في مشغل اخر وقد عللت ذلك
بقولها : ( التساريح عندهم غالية ومو من زينها بعد)... انتهى كلامها .
وحنا : ضمير يعود علي وعلى اختي الثانية مثل الهبلان وراها انا مدري وين غاب عقلي
ذاك اليوم ادفع اللي ادفعه في سبيل راحتي ودرءاً لمفاسد المشاوير
دخلنا المشغل ووريت الفلبينية التسريحة اللي في جوالي ( ماقلت لكم استعداد مسبق وش فيكم نسيتوا)
اختي تقول اشوفها تفر بك الكرسي منا ومنا وانتي مستسلمة 
خلصت انا واختي العودة باقي الوسطى هاذي سبحان الله داااااااايم حظها اقشر مازانت
تسريحتها وتهاوشت مع الفلبينية 
وفستانها خرب اصلا ماطلع الا ليلة العرس
بغت تموووووت من القهر
وصلنا البيت العصر ( من 9 الى العصر ) لاتعليق
يوم دخلنا على امي كنها شايفتن العافية ضمنت انها بتروح بدري للعرس اصلا لازم نستقبل معهم ( قلنا من المقربييييييييين)
دخلنا القاعة الا اشوف عمات المعرس اللي بيننا وبينهم حرب حبلوص والبتراء
سلمت ببروووووووود ودخلت وانا كلي شمووووخ
واتمخطري ياام حبلوص ولا عليك من الحساد
(كايدة العذال انا من يومي ايوه اه )
بعدما اكتضت القاعة بالسكان قصدي بالحضور بدت الطقاقة بقرع الدفوف ورقصوا اهل
المعرس وعماته ومدري منو ثم جاء دوري انا لأستعرض مهاراتي الرقصية واثبت
جدارتي وأكيد وابط تسبد اعدائي وهم كُثر في الحفل البهيج
( طيب ليش يكرهونك ياام حبلوص؟؟!!! والله مدري يابنوتات بس يقولون لولا الغيره
ماتحبلصت الهبيله)
المهم طلبت الاغنية من الطقاقة والتي تسمي نفسها مطربة او فنانة
يلا ياام حبلوص اليوم يومك
بدت الطقاقة وقامت ام حبلوص بالتمايل يمنة ويسرة 
على يمين المنصة شفت مرة عمي تصقف لي
يالبى قلبها
انا من اللي فيني ماعاد صرت اشوف العالم شوي الا ان عيني لمحت وحدة واقفة
وتصفق دققت النظر الا هي وحدة يابنات لو الموت في يدها ذيك اللحظة كان رمته علي
وانا تمنيت نفس الشي يعني بغض متبادل
المنصة كان لها ممر طويل جيت لين قربت من عندها وتمنيت اني اهز كل مفصل من
مفاصلي وعطيتها ظهري والتمايل مستمر
هي تسوي نفسها عاااااااادي ترى ماقهرتيني وشوفيني واقفة واصفق( على مين ياماما)
عاد ذيك الايام يابنات كنت سمنانه وطالع لي خديدات يالبى الخديدات ياناااااااث 
واول
مرة اسوي هالتسريحة يعني نيولوك
عاد جماعتنا يموتون في المربربه واذا لك خصر ودعامات اضمن لك انك بترجعين البيت
ومايمديك تفصخين فستانك الا يدقون ويقولون بكرة بنجي نخطب فلانة بس اهم
شي تحطين روج احمر ويكون شعرك طويل ناعم مو ناعم مايهم اهم شي طويل ( الله
يخلي الاستشوار)
عاد انا فاتتني ماحطيت روج احمر ولا شعري طويل 
اصلا مايجي فستاني مشمشي
ورج احمر ( بنات ركزوا على لون فستاني الله يرضى عليكم )
خلص العرس ورجعنا البيت بعد مادقيت المنصة دق من كثر مارقصت والله بغيت
امووووووت من رجليني ( هذا المجاكر ومايسوي )
دقت صديقة اختي عليها وقالت لها وش ذا المكياج وشذا الفستان وش ذا التسريحة
اختي متحطمة خلقة وجت صديقتها واعمتها زياده وقالت الا فيه وحدة كل
مارقصتوا قامت تصفق لكم منهي ذي؟ قالت اختي هاذا من اللي في تسبدها
اظاهر انها ماامرحت ذاك اليوم من القهر ( ياغلي عنها غلالالالاه )
بعد العرس بشهرين طلق الرجال زوجته لأسباب غير معلومة لاحول ولا قوة الا بالله
العلي العظيم بغى يجلط ابوه تدخل اخوي لعل وعسى يغير رايه الرجال مصمم
بعد مده من الزمن دق على اخوي وقال الا ماتزوجني ام حبلوص
والله وقوم سوقك المشمشي
يقبرني المشمشي بين الألوان ههههههههههه
الاستنتاج
لون مشمشي + روج احمر + شعر طويل وخصر = زيادة فرص العرس
حبلصة
بنات الله الله ع المشمشي والروج الاحمر يمشون ترى هههههههه
بنوتات ترى لساتني ع البر اللي عندها اخو مملوح ودمه خفيف تعلمني ارسل لها رقمي ع الخاص هههههههه
وسلامتكم
ام حبلوص المشمشية هع
ام حبلوص حطت الروج والميش..... والقصة الكاريه زادت حلاها
رد مع اقتباس
.gif)
مواقع النشر