السلام عليكم ورحمة الله وبركاته
قصتي انو أنا متزوجة وزوجي مسافر بالسعودية وما عنا ولاد لأنو لساتنا عرسان جداد ومرة وقت نزل ليشوفني الحمد الله الله أكرمنا وحملت ووقتها طار عقلي من الفرحة انو رح صير أم واحمل ابني على ايدي ولعبو وكنت كل ما روح عند الدكتور يورجينياه عالايكو وضل هيك عم إتاملو وأيمتى رح تجي على هالدنيا وكحل عيوني بشوفتك وأدعي لربي الله يرزقني الذرية الصالحة والخلقة التامة ضليت هيك للشهر الرابع رحت عند الدكتور وهون كانت الصاعقة يلي ما قدرت اتحملها الدكتور بس صورني بالآيكو قلي الجنين فيه مشكلة قلتلو شو هية قال عندو غياب في عظام الجمجمة يعني راسو مفتوح وما عندو جمجمة وراسو صغير كتير بالنسبة لجسمو وقلي هوة وببطنك بيكبر جسمو بس راسو بضل صغير وأول ما تولدي رح يموت فورا ومستحيل يعيش حولني لأكثر من دكتور عسى يكون هو غلطان بس كل الدكاترة أكدت حكيو قلت لزوجي هالحكي وهو مسافر وصار في توتر كبير ومشاكل هو بدو ياني نزلو وانا قلبي ما عم يطاوعني كنت متمنية شوفو ولو قبل ما يموت لكحل عيوني فيه وخصوصي انو اول ولد بالأخير جبرني زوجي نزلو مشاني مشان ما أتعذب فيه رحت عند الدكتور عطاني حب للإجهاض اخدتو وبس نزل الولد صار معي نزيف حاد وبعدها حسيت بدوار وغثيان وبعدين أغمى عليي أخدوني أهلي إسعاف عالمشفى طلع الخلاص لزقان برحمي لهيك صار معي نزيف عملي الدكتور كورتاج ومشي الحال الحمد الله
صحيح أنا خسرت ابني بس أنا متأكدة انو رب العالمين رح يعوضني بشي أحسن بكتير
وكلو بإذن الله عسى لخير
مواقع النشر