المستردة الجاهزة فى مصر غالبا بتكون خفيفة وبيستخدموا نشا لجعلها سميكة
اما عشاق المستردة الفرنسية الاصلية Dijon Mustard فاليكم طريقة سهلة جدا لعملها فى البيت بنفس الطعم الرائع:
المقادير
(لعمل 250جم مستردة تملأ برطمان صلصة زجاجى فاضى – لا تستخدموا ابدا أى عبوة بلاستيكية)
60 جم حب خردل
50 جم خل
100 جم ماء
ملعقة صغيرة من كل من: ملح وكركم وبابريكا
الطريقة
نضع حبوب الخردل فى برطمان صلصة فاضى 370جم – سيملأ ربعهلا- ثم نملأه بالماء لآخره ونغطيه ونتركه على المطبخ 6 ساعات
نصفى الخردل فى مصفاة صغيرة للتخلص من ماء النقع ونشطفه أكثر من مرة ونصفيه تماما من الماء – ثم نضربه فى خلاط صغير او الخل والماء والملح والكركم والبابريكا حتى نحصل على مستردة قوامها طرى لكن متماسك يقبل الفرد (لو عندكوا كبة صغيرة قوية – براون مثلاً – ممكن تحصلوا على مستردة ناعمة تماما – غير كدة حتبقى مرملة شوية – لكن دة لا يقلل من طعامتها)
الكركم والبابريكا اختيارى – لكن حبوب الخردل لوحدها بيكون لونها أصفر باهت – لذلك نضيف الكركم ليعطى المستردة لونها الأصفر المفضل – ونضيف البابريكا لجعله أصفر داكن – هذه التوابل الملونة تفتح الشهية ولها فوائد صحية كثيرة
المستردة بعد ضربها فى الكبة حنلاقيها طرية بزيادة – لكن هذا مؤقتا فقط – فبعد يوم سنجدها متماسكة أكثر
نصب المستردة فى برطمان صلصة فاضى او برطمان عسل نحل صغير – ونحفظه فى الثلاجة
فى اليوم التالى حتكون المستردة جاهزة – طعم المستردة سيصبح رائع فى اليوم التالى لحفظه – وكل يوم يصبح أروع
يمكن حفظه فى الثلاجة 3 شهور أو أكثر – لكن من طعامته بيتنسف غالبا فى أقل من كدة بكتييييرعمل المستردة فى البيت بيوفر كثيراً – فالبرطمان لا يكلف سوى 60جم حب خردل
بحوالى جنيه وربع (الكيلو ب20ج) بينما البرطمان الجاهز لا يقل عن ستة أضعاف هذا المبلغ –
وياريته مصنوع بذمة انما معمول بقليل من الخردل والباقى ماء ونشا –
اما البيتى فهو المذاق الفرنسى الأصلى للمستردة وفى الاستخدام نجد أن مسحة قليلة
من البيتى تعادل ملعقة كبيرة من الجاهز لأن مستردة ديجون البيتى طعمها
بيكون مركز جداً عن المستردة المصرية الجاهزة
المصدر:my 2 cent
مواقع النشر