بسبوسه - بسبوستي وبسبوسة الطازج لأختي.. تعالوا شوفوا وأحكموا شو الأحلى بالصور H!ND

[هنـــد]

[align=center]السلام عليكم ورحمة الله وبركاته[/align][align=center]


صارت عندنا حرب بسبوسة قبل يومين هههههههههههههه

بالمختصر المفيد أني سويت بسبوسة تجننننننن لأم نونا الغالية
وهجموا عليها بالبيت وكانت أختي من ضمن فريق الهجوم
وتم القضاء عليها وما خلوا لي ولا حبة

طبعاً أنا ما أسكت عن حقي وطالبتها بالتعويض وإلا ستقوم الحررررررررررررب

خخخخخخخخخخخخخ

قامت وسوت لي بسبوووسة الطازج بدالها >> أنا اللي طلبتها طبعاً

بالأول بعرض لكم شغلي

وبعدين شغلها هي
وإنتوا الحكم [/align]

[هنـــد]

[align=center]

بسبوووووووسة سهلة ولذيذة

أخذتها من الغالية أم نونا

وهذي طريقتها

1 علبه قشطه نستله او التاج اللي تبغوووه + 1 كوب سكر بودره او عادي كله واحد + رشه فانيليا + 1/2 كوب زيت + 2 بيض + 1 ملعقه كبيره باكينج باودر بس لاتعبيها مررررررره واخلطيها مع بعض بخلاط الجك واضيفي عليهم 2 كوب سميد واخلطيهم وصبيها بالصينيه بس كبيره لاني سويتها بصينيه وسط وطلعت كيكه بس والله تهبل بس زوجي قام يتريق على يقول هذي ماهي بسبوسه هذي كيكه
(علشان هو مايحب الا البسبوسه اليماني)
المهم بعد ماتتحمر من تحت ولعي من فوق وحمريها وتكوني مجهزه الشيره من بدري
وماتكون حاره صبيها على طول
الشيره حقتي بعد مايغلي السكر والمويه وقربت تخلص ارش شوي هيل مطحون وشوي ماء ورد

وهذا تطبيقي

هنا قبل لا أدخلها الفرن



وهنا لما طلعتها وصبيت فوق الشيرة



وهذي بعد التقطيع إمممممممممممممم





وهذي تصوير موبايل
لان الكاميرا ما كانت جنبي ..



شو رأيكم ؟؟؟؟ ./

أنصحكم تجربووووووونها [/align]

[هنـــد]

[align=center]ألحين نجي للتعويض اللي جاني ههههههههههههههههه

وهي بسبووووسة الطازج من عمل أختي

وتصويري طبعاً

إليكم الطريقة والمقادير معاً : ( محتفظة لها من زماااان )

المقادير:

2 قشطة- 1 ك حليب بودر- 4/3 ك سكر- 1 م ص طحينة
يخفقان مع بعض حتى يختفي السكر
يضاف له 2/1 ك زيت
ويستمر الخفق سواء بالخلاط اليدوي او الكهربائ
يضاف 2/1 1 ك سميد - 1 م ص بيكن باودر
ويخفق جيدا
يصب في قالب بايركس بعد دهنة ( القوام يكون ثخين) وتدخل الفرن حتى تنضج
تستخرج وتقطع ثم يصب عليها 4/3 ك علبة حليب نستلة
تدخل الفرن مرة أخرى لكن من دون اشعالة لمدة 5 دقائق
تستخرج وتزين بالفستق المفروم

وهنا التطبيق

لما طلعت من الفرن




بالأول قطعتها




هنا لما صبت عليها الحليب المركز




وهنا بعد رش الفستق المطحون




والنتيجة رووووووووووووعة

بس لا تقولون أحلى من نتيجتي هههههههههه لأنها مبينة بالشكل أحلى



وهذي قطعة إممممممممم



شو رأيكم ؟؟


يالله دعواتكم لي ولخويتي وياي خخخخخخخخخ [/align]

[ام نونـا]

وااااااااااااااااااااااااااااااااااو تجنن ياهنووووووووووووووووووووده


صراحه كلهم يهبلووووووووووووووووو بس اهم شي عجبت الاهل


تسلم الايادي يالغلا