قصيدة أهواك
تخطي علي .. واستسمحك .. وترجاك
ضـعفي هـواك ..وفطنتك ماتخونـك
المشكل إني كل .. ماجيت أبنساك
فكـرت نـفسي كيف .. ترتاح دونـك
وما ظن لا هذا ..ولاذا.. ولاذاك
واللـي سـمعت بذكره … يعوضونـك
تدري إني اعشق فيك شامل سجاياك
زيـنك وشـينك .. في قساك وليونـك
واني متيم في محاسن محياك
وتـعرف عـلى وشلون .. سلطة عيونـك
تأمر على من موقها الموت … هذاك
وأطاوع أمره قـبل ترمش ..حفونـك
رديت قلبي عنك لاشك..هو جاك
وجـيتك مـعه راضي بمقبل طعونــك
رجع وأقول .. اهواك..واهواك واهواك
وبـكفيك اتـعذب … ولكن بهونـك


قصيدة دعني مع الأحلام
دعني مع الأحـلام بالله دعنـي
عن واقعي فضّلت دنيـا خيالـي
أشوف بعدي عن وجودي نفعني
على الأقل أرتاح يا صـاح بالـي
كثر التأمل يا عزيـزي رفعنـي
عن مستوى التفكير باللي جرا لي
اللي عطيته كل حبـي صفعنـي
بالغدر يالله ويـن ذيـك الليالـي
هاوي عذابي دون رحمة دفعنـي
ياللخسـارة فالبقـا وش بقالـي
تاريخ حظي يوم خبري خدعنـي
واليوم حالي كافي عـن سؤالـي





قصيدة فراق و فراق
ما كلف الله نفـس مـا لا تطيقـه
البعد والحرمان مـا عـاد ينطـاق
ما كنت أفكـر فـي فراقـك دقيقـه
لولا ان عقلي من سبات الهوى فاق
وشفت ان جمع الشمل ما له طريقه
ولا صار لي قدرة على قهر الأشواق
تسر الليالي السود مثـل الحريقـه
تحرق من أيام العمر خضر الأوراق
ونور الأمل في الوصل يفقد بريقـه
ودايم وحنا بالاسـم بـس عشـاق
أظهر لـي الواقـع ومـر الحقيقـه
كلش يقول فـراق وفـراق وفـراق


قصيدة بحر العمر
ماتت الرغبة على مر الوماني
مابقي كود التمني في يدينا
أجنبني الوقت عن شوفه -حداني
وتهت في بحر العمر من غير مينا
عنك أبعدني الخجل … والصمت جاني
وعني أبعدك الومن … رغم علينا
آه .. لو تدري بشوفك .. كيف أعاني
ليه عن رغبه بعضنا … مادرينا
فيك ماينفع مطر ..صادق حناني
قلبك أصبح من حجر .. عيا يلينا
وفيني إحساس الوله ..له شكل ثاني
غير خبرك ..صار لي عقلٍ يدينا
وأنت عايش … عمرك بسعد وتهاني
ليه أردك ..لأجلي الماضي السنينا
السعادة شوفتك تدخل مكاني
في حياة مابها .. حين وحينا


قصيدة حاول وأحاول
حاول وأحاول يصير فراقنا عـادي
الله عطانـا العقـل حتـى يعنينـا
خل المقادير تمشي مشيها العـادي
في عمرنا يفعل الله ما نـوى فينـا
ما فادتك دمعتك ولا فادك عنـادي
لا صار ربي حرمنا مـن بيعطينـا
فرقا وصارت ولا تحزن على بعادي
وأنا بحاول على نسيـان ماضينـا
ونبدا حيـاة جديـدة كـل بـوادي
يا حسرتي يا غرام عشتـه سنينـا
يا وحشة الليل في بعدك بلا رقادي
ويا طول اليوم ما شفتك ولو حينـا


قصيدة أنتي ملاذي
أنتي الفرج دايم إلى صابني ضيـق
وأنتي السند لا كشرت سود الأيام
وأنتي ملاذي بين كـل المخاليـق
إن كان لي حـظ فعمـرك لنـا دام
أجيك وهمومي كبر هضبة طويـق
وأروح منك وكـل الآمال قـدام
ومشيت في درب العمر دون توفيق
لأمال ..لا راحة .. ولا أرضيت الأنام
عمري ثلاثين مضت كلهـا ضيـق
وما عمري استريت فيهـا ولاعـام
عانيت تكذيب وعايشـت تصديـق
ورضيت تشكيك وسامحت مـن لام
هذا ولا نـي دون كـل المطاليـق
أيضا ولا مني حصل قطع الأرحام
ولا هيب غاياتـي خـداع وتلفيـق
ولا هوب حب للمكاسب والأرقام
أيضا ولأني من عـداد المغاليـق
العابدين نفوسهـم مثـل الأصنام وا تحبـــه
قالوا تحبـه قلـت ماهـوب بالحيـل
بس إنه أغلى شوي من نـور عينـي
يسوى جميع الجيـل الأول وهالجيـل
أحبـابـي الماضـيـن والمقبليـنـي
شوقي له أعظم من ظما الأرض للسيل
وأشفق عليه أكثـر مـن أم الجنينـي
وأحتاج له حاجة ثرى مصـر للنيـل
وعليه أغـار ولـو مـن الوالدينـي
أشتـاق لـه شـوق المحبيـن لليـل
وأرتاح لـه راحـة دمـوع الحزينـي
لا صار جنبي لو سنـه وقتـي بخيـل
ولا غاب لو لحظات صـارت سنينـي
قالوا يحبك قلـت هـذا هـو الويـل
ما ودي أنشـد ثـم رفضـه يجينـي
وأهدم رجاي بدبرتي مثـل مـا قيـل
والأفضل أحيـا بالأمـل لـو لحينـي
يا حبكـم يـا نـاس للقـال والقيـل
والأمر لو هو سهـل يصبـح مهينـي
خلوني أحيا في الوهـم يـا عواذيـل
وش دخلكـم والأمـر بينـه وبينـي


قصيدة كرهني بنفسك
كأنك على قولك تمنى لـي الخيـر
ساعدني أنسى حبك اللـي خذانـي
خلي حياتـي تنقلـب كلهـا غيـر
وأنسى الحبايب والزمن والمكانـي
حبي لك أبلغ مـن كـل الأساطيـر
ما له بقاموس الهوى وصف ثانـي
لا شك أنا أشعر بالنهاية وش تصير
واحسب حساب فراقنـا بالثوانـي
بيني وبينك واقـع الحـال تحذيـر
وعند الموادع مـا تفيـد الأمانـي
عندك خبر مثلـي بحكـم المقاديـر
على هوانـا صـادر الحكـم ثانـي
كرهني بنفسك ولو بذنـب صغيـر
القى به أعذاري وأعود لزمانـي
المشكل انه ما بدى منـك تقصيـر
وهذا يـزود واقعـك فـي كيانـي


قصيدة مات حبك
مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربة حبي معك كانت مريرة
يا عدو الحب ركب الحب فاتك
لا تجيب أن طعنتني للحب سيرة
ما يعرف الحب من سوى سواتك
يجهل الإخلاص من ضيّع ضميره
حبك اللي تدعّي هو حب ذاتك
ومن يحب الذات ما يخلص لغيره
غرنّي يا صاحبي ظاهر صفاتك
غلطتي للأسف كانت كبيرة


قصيدة كأنك على قولك
كأنك على قولك تمنى لي الخير
ساعدني أنسى حبك اللي خذاني
خلي حياتي تنقلب كلها غير
وأنسى الحبايب والزمن والمكاني
حبي لك أبلغ من كل الأساطير
ما له بقاموس الهوى وصف ثاني
لا شك أنا أشعر بالنهاية وش تصير
واحسب حساب فراقنا بالثواني
بيني وبينك واقع الحال تحذير
وعند الموادع ما تفيد الأماني
عند خبر مثلي بحكم المقادير
على هوانا صادر الحكم ثاني
كرهني بنفسك ولو بذنب صغير
ألقى به أعذاري وأعود لزماني
المشكل انه ما بدى منك تقصير
وهذا يزود واقعك في كياني


قصيدة يا ملاكي ليه
يا ملاكي ليه نقضت الجـروح
الله يسامحـك لـو لوعتـنـي
يا خفيف الروح يالوجه الصبوح
للهوى غصب علـي رجعتنـي
قبلك إحساسي تجمد مثل لـوح
وعقب نظرات الخجل طوعتنـي
شفت في عينك وعد سعد يلوح
ومن طويلات الهدب شجعتنـي
انبعث في قلبي اللي مات روح
ولو نطق بيقول ليه أوجعتنـي
فاض حبي لك مثل طوفان نوح
ومثل مـا فرّحتنـي روّعتنـي
المصدر: منتديات بيت حواء - من قسم: الأدب


Htqg rwhz] sl, hgHldv hgvhpg su,] fk fk]v