هنا سنتعلم طرق لوضع الآي شادو والمكياج((موضوع متجدد))

نشمية بوظبي · 27-08-2006, 11:27 AM

بسم الله الرحمن الرحيم

بناء على طلب الكثير من الأخوات .. سأضع بين أيديكم مجموعة من رسمات العيون وطرق وضع الشدو والمكياج

بعضها من عندي وبعضها لبعض الأخوات مع إجراء التعديلات المناسبة.. والشكر موصول لهن..

نبدأ بسم الله....

طريقه العمل :

1- تحددين الحواجب بالشدو البني أو قلم الحواجب( والشدو أفضل) ..

2- تضعين شدو لؤلؤي ( منثور ) من فور ايفر تحت الحاجب مباشره ويفضل استعمال اصبع السبابه ...

3- بالقلم الكحل الاسود ترمين خط عريض فوق الرموش العلويه ثم تسيحينه بفرشاه او اصبعك على الجفن العلوي المتحرك فقط ..

4- ثم ترسمين خط داخل العين بالقلم الاسود ... لا تخافين يمكن يسيح عندج شوي مش مشكله هذا مطلوب في هذا المكياج

5- بالشدو الاسود من ماك تبللين صبعج بشوي من الماي وتاخذين الشدو وتحطينه على الجفن المتحرك وبعدين تمسحين ايدج عن الماي وتاخذين بعد من الشدو بالفرشاه وتحطينه عليه ( يمكن تقولين ما يتوزع عدل ما عليج بعد شوي بيتوزع ) ..

6- بعدين بصبعج وليس بالفرشاه تاخذين من اللون البنفسجي من اي ماركه على راحتج او حتى ممكن اي لون ثاني وتركزين صبعج على نص الثنيه اللي بين الجفن المتحرك وعظمه الحاجب
وتبتدين توزعين اللون يمين ويار وبعد ما تنتهين من التوزيع فوق ..
تاخذين من الشدو البنفسجي بالفرشاه الجافه وتفضل ( s4 ) من فور ايفر وتحطينه على الخط اللي عملتيه تحت العين اللي بالقلم الاسود ...

7- واخر شي ترتبين الخطوط بالمسح عليها بالاصابع وبعدين تمسحين حوالين عينج بالبودرة المضغوطه ( بدددددددددون ماااااااي ) ..

الطريقه :

1- بعد تحديد الحواجب بالشدو البني أو القلم نقوم بالاتي ...

2-توزعين شدو ابيض على الجفم كاااااااااااامل مع تحت العين ايضا والزاويه الدخليه للعين ( لا تتخرعين من نفسج بعد شوي بيعتدل المكياج تحملي حد يدخل عليج ويشوفج ) ..

3- بفرشاه نظيفه وجافه اخذي من اللون البحري التركواز وضعيه على شكل قوس بس لا تجيسين الجفن المتحرك يعني من الزاويه الخارجيه للعين لين نص الثنيه على شكل قوس ( يعني الجفن يظل لونه ابيض ) ممكن تستخدمين صبعج لانه احلى في الدمج .

4-وبعدين ترسمين خط اي لاينر على الرموش العلويه

5- وبعدين تعيدين على الزاويه الدخليه من فوق ومن تحت باللون الابيض مثل الصورة

6- وبعدين تحددين عينج من داخل بقلم ابيض وبعدها على الرموش السفليه بقلم اسود بس مش من الزاويه للزاويه لاحظي الصورة عدل وبتعرفين من وين من نص العين لي حد الطرف تقريييييييبا .

7- وبعدين بفرشاه ضعييييييييييفه تاخذين من اللون التركواز وترسمين تحت الخط الاسود اللي تحت الرموش السفليه بس بالخفيف ..

وشرحها كالتالي ..

1- بعد تحديد الحواجب ..

2- نضع اللون اللؤلؤي السابق ذكره في صورة رقم واحد وبنفس الطريقه

2- ثم ناخذ اللون الازرق الملكي ( نفس درجه الصورة ) على فكره هو ازرق بس من الاضاءه مبين تركواز غامق .. المهم ونضعه على الجفن المتحرك كااااامل بدون زوائد طبعا بالصبع او الفرشاه ( هذا اللون موجود عند فور ايفر .. باودر )

3- بالفرشاه ( S4 ) من فور ايفر ناخذ من نفس الدرجه ونضع خط بسيط تحت الرموش السفليه .

4- نحدد العين من الداخل بالقلم الاسود .

الان نجد ان اللون تشربته البشره شوي ونقدر الحين نعطيه الايحاء الدخاني ...

5- بكل بساطه بتلقين عينج من فوق لونين بيضاء لؤلؤيه وزرقاء .. انتي بصبعج الوسطي امسحي علشان تدمجين اللونين بس ابدائي من الزاويه الخارجيه للعين وامسحي على داخل بس لين وسط العين مو للاخر بتلقين الشدو في لحظه وحده طلع مموه مثل الصوره .. واذا حبيتي الخط السفلي ايضا يطلع مموه بعد امسحي عليه بس على الخفيف بصبعج ... وشوفي طلتج البهيه ...

ملاحظه مع هذا الشدو تحملي تحطين الماسكرا الزرقاء .. لا حطي السوداء علشان تعطيج نظره عميقه للعين ...

وللحديث بقية... فانتظروني..