[_فراشة_]

:stirthepo

ادري غثيناااكم من العيوش بس يقول المثل الطبي
كثر من العيوش وتصير الصحه مثل الجيوش



هذا مجبوس لحم بس طريقته عجيبه شفتوا اللون ... نبدأ
اول شي تغسلين اللحم وتحطينه في مشخاله حتى اذا فيه ماي ينزل ما يقعد
ترشين عليه ملح وتفركينه بالبزار وتكونين داقه في الهاون 3 ثوم مع جنزبيل فرش قطعه
مع 3 فلفل علوب حطي شوية ملح معاهم وفركي به اللحم وخلينه المده اللي تعجبج
يعني انا خليته ساعه يعني غسلت اللحم الساعه تسع ونص وتبلته وبديت طبخ 11
في الجدر زيت شوي كثير كثير بالمعقول = يعني انا اللحم تويس صغير بس مشحم
4 بصلات مقطعات مكعبات في الزيت ولازم الزيت يكون حاااامي يعني تحطين البصل
تسمعينه يطرطش وتحمسينه يمين يسار وتكونين مجهزه ثوم مع جنزبيل مدقوق بعد
ايه لا ما يطلع واجد على مسؤليتي ... والحين تحطين دارسين ( قرفه ) عودين
مسمار حب فلفل اسود حب .... تبغين هيل كييفج وتخلطين لين البصل يلين وياخذ لون
شوي بني تظيفين البزار 2م م (ملعقه متوسطه )فلفل اسود رشه كمون مطحون بزار
المجبوس اذا عندج ..حركي شوي واتحطين الحين الصلصل 2-3 ملاعق حسب رغبتج في
اللون ( اذا زدتي صار اشوي احمر واذا قلالتي صار معاج بني )) وتحطين قفشة كركم
صغيره .. وتحمسين لين الصلصل تاخذ لون حلو تذوب يعني وتحطين الحين اللحم اللي
عندج
( ممكن دجاج ممكن سمك شي غير مم حسب ما تحبين )
وتحمسينه مع الخلطه وتخلينه لين شوي ينشف مايه
وتخلين اللحم يتحمر ..... الحين اتحطين 3 او 4 طماطمات انا احب اقشر الطماط
تقطعين كل طماطه4 قطع وتحطينها 4 لومي اسود علوب فلفل بس ما تقطعين الراس
علشان ما ينفتح ويحرق .حطي الملح وذا بغيتي ماجي كييفج. قلبي شوي وسكري الجدر
بالقصدير زين ما زين
وطي على الجدر وخلي تحته السكاره ( الحديده ) يعني وخليه ساعه تقريبا على نار
هاديه بعد الساعه افتحيه ( احيانا ما ياخذ ساعه اذا كنت للحمه صغيره )) تكشفين
القصدير وتكونين مجهزه مااي مغلي وتصبين عليه وتخلينه يغلي يمكن بس اقل من
النص ساعه انتي شوفي اللحم بسكين اذا صار لين خلاص شوفي واذا ما صار ازيده ماي
مغلي ليما يستوي اللحم ارفعيه من الجدر وشلي من المروق ( اذا كان اكثر من العيش بواجد)
انا اذا شليت من المروق اخليها جنب العيش في مله يرشون منها على العيش حطي
العيش الحين وخلي الماي فوقه بمقدار زين اول غلا شوي حطي اللحم على العيش وحطي شوية عيش على اللحم وحطي بقدونس وكزبره شوووفي
سكريه بالقصدير ولا تخلين له منسم وخليه على السكاره ونار هاديه لين يستوي
سكري عنه
جهزي روب شطه سلطه وانشبيه وقدميه وفيه العافيييه

[مكسورة الخاطر]

يممممم
الريحه واصله عندي
ودي اهجم على الصحن <<< حشى مفجوعه
جوعانه وشهيتيني
الله يعطك الف عافيه
وتكفيييييييييين كل يوم غثينا بالطبخ والمجبوس
تلسم ايدينك والله

[هنـــد]

روووووووووووووووووووووووووووعة ما شاء الله يا فراشة

غاليتي إنتي نفسها الأخت سكر وإلا لا ؟

[دانه 20002]

روووووووووووووووووووووووووووعة ما شاء الله يا فراشة

غاليتي إنتي نفسها الأخت سكر وإلا لا ؟



نفس سؤال هنوده

[يتيمه من بعدامي]

تسسسسسسلم يدك


والله يعطيك العافيه

[شمعة نجد]

الله يعطيك العافيه

[عتاب الماضي]

روووووووووووعة

تسلم ايدك اختي

[khat2000]

[احساس انثى]

يسلموووووووووووووو ياعسل

شكله مرررررررررره لذيذ .............


بالعافيه يا قلبي .........