موقف حزين ماتنسينه طول عمرك

[جدة العواجيز]

...ليش يبنياتي تجلبن المواجع واذكرنا بالايام الخوالي .......واذكرنا بايام زمااااااااااااااان ....اه ويلاه ....المواقف بصراحه اللي حزنتني كثيره ....واصعب موقف يوم فارقت اهلي يوم العرس :cry: وشفت ابويه يصيح وخواتي وامي وجدتي .........والمواقف كثيره بس لا تجلبونها هم وحزن انا روحي داخله طفشانه وزهجانه وما عندي حد يسولف ويايه .....وبا افرفش واضحك و
انس همومي ....واصيح على الطول على هالموضوع .... لا حول ولا قوة الا بالله ..

[ام سلطان]

انا بذكلكم اخر موقف صادفني لاني لين الحين متاثره به

هو ان سوسو اقصد ولدي سلطان البالغ 5 سنوات كان راكب دراجه ناريه ذات 3تواير فطلعته المربيه و قالته ان يترك الدراجه و يدخل عشان يتعشي فقالها زين بس الف لفه وبجي قالته زين و تمت وافقه يوم شافته انه راجع ما خطت المربيه خطوتين الا و سلطان متقلب من الدراجه و طايح على ويهه الله كان ساتر ان السواق كان موجود نفس مكان الحادث و صرخ على المربيه انها تلحق على سلطان وراح السايق يطلع السياره و المربيه شايله سلطان مغمى عليه و يتني
و حده من الشغالات تنادي مدام مدام الحقي سلطان راسه منطر و يصب دم طاح من الدراجه و طبعا اختكم اول ما سمعت الشغاله اتنادي الا ماتشوفوني راكضه للسياره من غير الله يكرمكم نعال او عبايه بس الحمد الله شيلة الصلاه كانت على راسي و اقول للسايق يلا سوق بسرعه لاقرب مستشفى
طبعا التمو الدكاتره و بعد الممرضات و سلطان فاقد الوعي وانا موعارفه شو اسوي الاشوي اخو ريلي يجي معاه العبايه والشيله لان الدريول اتصل عليه و بعدها اخو زرجي اتصل على زوجي اول ما وصل زوجي الاانا طايحه عليه كان بيغمى على لو ما الله ستر و مسكني و طبعا الدكاتره س و ج و يحاولون يوعون في سلطان واشعه و تنظيفات و كمادات والله كان ذاك اليوم الله لايرويكم يوم مر على حسيت اني بفقده
بس الحمد الله يت سليمه مجرد كدمات في الوجه وشرخ بسيط في عظمه الرجل اليمنى لان الدراجه اتقلبت عليه
بس ما قول غير الحمد الله و الشكر
وعلى فكره لين الحين انا معاه مناقر ونقير يعني هي الا اليومين الاوليين و ردينا على عادتنا القديمه
السالفه صارلها اسبوع بس لين الحين متاثره

شكلي صدعتكم بالسالفه


والله يسلمكم من كل شر



والسموحه

[الخزامى]

الحمد لله على سلامة سلطان يا ام سلطان

[ام سلطان]

الله يسلمج يا الخزامى و سلم الجميع