[align=center][/align]
[align=center]
كانت سارة جالسة مبسوطة وتقلب في القنوات الفضائية .. من قناة إلى قناة ومن فلم إلى مسلسل ومن مسلسل إلى أغنيه.. جات الساعة عشره وهي من بعد العشاء وهي هذي حالتها ..
: ايييه بروح أدق على نوره أذكرها بموعد الفلم أكيد نست ...
سارة : هلا نونه ..
نوره :هلا وغلا سوسو ...
ساره : شخبارك ؟
نوره : زي الفل كيفك أنتي ؟
سارة : تمام .. دقيت أذكرك بموعد الفلم الليلة لا تنسيه تراه خطيييييير ..نوره: زين أنك ذكر تيني وأنا أقول ناسيه شي لا ما راح أفوته خبله أنتي أنا أفوت ...
سارة : أدعي بسلامتي ذكرتك الفلم كوميدي و أكشن أنواع الهستره والهبال متحمسة له مره ما عاد باقي على موعده شي روحي شوفيه .. !
نوره : أوكي بروح أنتظره .. !سارة : يا لله باي ..
نوره : باي .. !
راح كل الليل و سارة على القنوات الفضائية وهي تتابع أفلام أو مسلسلات و أغاني .. ضيعت وقتها في المعاصي ..
ونوره مثل حالت رفيقتها سارة ..
تطالع نورة الساعة : يا لله .. الحين الساعة ثلاث إن شاء الله يمديني أنام ...نورة بالسرير: يا ربي وش ضيقة هالصدر وراني أحس أني مكتومة ؟!
يا ربي وش أنا مآكله شكلي ثقلت بالأكل في العشاء .. << قولي يا ربي وش سويت بوقتي وش ضيعته فيه ؟!
نامت نورة وهي تحس بضيقه وغم ....
استغرقت في نومها ..
في هذه الأثناء يرتفع صوت آذان الفجر ..
يرن جرس المنبه .. نورة نايمه وبسابع نومه ولا تحس باللي حواليها .. ضحكت ولعبت وعصت ربها وراح عليها وقت صلاة الفجر ..
جا وقت المدرسة ورن جرس المنبه مره ثانيه .. تصحى نورة وهي مستعجلة .. يا لله ما قمت صلاة الفجر والحين بجي الباص عند الباب .. راحت تتوضأ بسرعة وتصلي لكن صلاتها سريعة مثل نقر الغراب .. وراها دراسة والوقت يسرّع صلاتها من دون خشوع أو تدبر للآيات .. وراحت نورة للمدرسة ..
وبعد ما دخلت نورة للفصل ...
سارة : يا هلا بالنوري كيف السهرة ؟
نورة : حمد الله فلللللة ..
سارة : شفتي الفلم خبااااال ؟
نورة : أيه الفلم خرافي ومجنوون ..
سارة : نونه أنتي تعبانه وش فيك ؟؟!
نورة : لا ماني تعبانه بس ضايق خلقي أحس ماني طايقه نفسي ..
سارة : طيب من أيش عندكم مشكله بالبيت ؟!نورة : لا ما عندنا شي بس ما أدري ضايق صدري ..
سارة : يا ربيه أنتي حساسة تلقينك متضايقة على شي تافه وقفلتي ولا وشلون مافيه سبب وأنتي متـنكده كذا !
نورة : ما أدري والله ما ادري ؟؟!!
كان وجه نورة متغير و واضح عليها آثار تعب و إرهاق ..
ظاهر على محياها و هيئتها آثار التقصير و الابتعاد عن ربها ..
في هذه الأثناء ..كان خلفهم بالفصل هدى .. من البنات اللي من الله عليها بالهداية وسمعت حديثهم وبعد ما انتهت الحصة..
هدى تنادي نورة :نورة ....نورة : هلا ..!
هدى : ممكن تعطيني من وقتك شوي ..نورة : إيه ممكن ليه فيه شي ؟!!
هدى : مافيه ألا كل خير بس وش رأيك اليوم نحضر أنا وإياكِ في المصلى ؟!
سكتت نورة وحست بشعور غريب يدفعها لحضوره .. حست أنها محتاجه شي من هذا المكان ..
نورة : خلاص اوكي راح أجي معاكِ ..
هدى : الله يجزاكِ خير راح أنتظركِ تكونين بجنبي بالمصلى ..
بعد ما راحت هدى جات سارة السوسة لـ نورة ..
: نورة صادقه بتروحين معها ؟! ...
نورة : إيه ليه ما أروح معها هي تبي لي الخير ..
سارة :يعني ما راح تجين مع البنات اليوم جايبه معي ثلاث مجلات نزلت أخبار جديدة للفنانات ..
نورة : خلاص أنا قلت للبنت بروح معها ما راح يضرني شي ..
سارة : بكيفكِ أنتي الخسرانه ..نورة :يا لله عن أذنك فتحوا المصلى ..
دخلت نورة للمصلى .. تطالع تدور عن هدى ..
هدى :نورة تعالي هنا .. تقدمت نورة لهدى وجلست بجنبها ..
هدى :حياكِ الله إن شاء الله راح تعجبكِ المحاضر ه أنا قريت جدول المصلى اليوم المحاضر ه مميزه ..
وكانت هذه المحاضرة لداعية متميزة بأسلوبها و كلامها الرائع ..
و بدأت الداعية محاضرتها و كان الجميع في هدؤ و إنصات و تأمل لما تقوله الداعية ..[/align]
>
>
مواقع النشر