[منتال]

جاني اخوي وصديقي في نفس الوقت" مانخبي شي على بعض "وقالي تبين تشوفين صور بنات وعجيزات وشيبان وريتك!
استغربت ووافقت !!!!!!!!
جابلي3 cd وشغلتهم استغربت كأن الجوالات إلي مع العالم ومصورين بها اهلهم تستعرض قدامي_____ والبعض من الناس مايعرف ان الصور تسترجع حتى بعد مسحها
شفت بيت عائله وبدويه بعد "آلام تصفق والبنت ترقص عند اهلها وابوها موجود بعد..... يعني خاص بعائله.
و شفت طالبات بمدارس وجامعات يصورون انفسهم وصديقاتهم ومعلماتهم..... ويالله
وشفت صور لبنات في زواجات وحفلات ومنتزهات وكل الي شفته عادي..........فضيحه متوسطة الحراره
بقى اقولكم إلي مو عادي!
زوج يصور زوجته بالجوال في اثناء التصوير تقوله زوجته وشو له طيب يقول بس بشوف شكلنا كيف وبمسحه بعد شوي يعني عادي من يبي يشوفه غيري!!!!
ومجموعة كبيبره من الشباب يصورون صديقاتهم للذكرى يعني جلسه بس ونفس الشي اسمع الشاب يقول للبنت بحطها بالحافظه برقم سري ولو انتهت العلاقه وعد اني بمسحها بس إذا اشتقت لك اشوفها!!!!

وواحد من الشباب مطلع خويته ومصورها ويقول هذي علشان لو فكرتي تخونين مره ثانيه انشرها بالنت ولو تزوجتي الله يستر عليك بمسحها وكن شي ماصار!!!!
ومقاطع لعجايز يسولفون وشياب منسجمين مع السوالف مقاطع عائليه جداً
وصور كثيره الى.........................الخ
المهم ان الموجود حدود 400 مقطع واكثر مختلفه غير الصور يعني كثيره جلست يمكن اسبوع وانا اشوف وماشفته كله تعبت وضاق صدري
سألت اخوي وين جاب ذا السيديات منه قال هذي حركات شباب مالك فيها بعدين رضى وقال ان صديقي (فلان الفلاني) يشتغل في محل جوالات قلت عارفه بس وش الجديد هو من وين جابها قال يلعب على الناس قلت كيف قال إذا جاه زبون يبي يسجل نغمه او يحدث جواله او خربان اوجاه أي جوال فيه كمره يقول للزبون تعال بكره ولو اصر الزبون ياخذه اليوم قال بظبطه وبسعر رخيص مره بس ارجع بعد ساعتين او وانت واقف بكشف عليه و ينسخ الموجود فيه ويعطيه الزبون حتى لو مامداه يصلحه بس خذ إلي يبي وبعدين يصفي الصور يعني الصور إلي مالها داعي يمسحها وبعدين ينسخها ويبيع هذي السيديات بمبلغ وقدره على الشباب يعني يتاجر بأعراض المسلمين "الله يورينا فيه عجايب قدرته"
المهم قلت لخوي وش شعورك لو شفت صورتي او صورة امي او بس صورة بنت الجيران وش راح تكون ردة فعلك؟ قال كان اقتله....... قلت لاتقتله بس عطني رقم المحل المهم عطاني الرقم وكلمت صاحب المحل بعد معانات وتطنيش وقلت له وعصب وفصله من وظيفته بس!!!!!
بعد مافصل من وضيفته راح لمنطقته
وهذا ماكفاني كلمت الولد وحاولت اقنعه انه يتراجع عن المتاجره بعراض المسلمين وبجميع الاساليب لدرجه اني عرضت عليه ان يتخلى عن هذي الفكره الشيطانيه مقابل مبلغ شهري يوصله على رصيده كل شهرمدى الحياة لكن رفض الفكرة و اقول للجهات المختصه يتصرفون معه ولكن تراجعت بسبب ظغوطات الاهل
ومابقي إلى اني انبهكم
( اللهم هل بلغت اللهم فاشهد) والله على ماقول شهيد
حسبنا الله ونعم الوكيل
جزى الله خير من نشره في المنتديات
منقووووووووول
لاأؤمن بالتفاصيل الدقيقه هنا لكن ياعالم انتبهووووووووووووووووووووووا!

[أم ريما]

جزاك الله خير على التنبيه والنقل وجعله في موازين حسناتك

[[الفجر البعيد]]

جزاك الله خير على التنبيه

[{~جوود~}]

جزاك الله خير وفعلا أنها مصيبه ولا حول ولا قوة الا بالله وانا لله وانا إليه لراجعون.........

[صبر السنين]

بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

لاحول ولا قوة الا بالله العلي العظيم
انا لله وانا اليه راجعون
حسبنا الله ونعم الوكيل

كم وكم نرى ونسمع عن هؤلاء الذين تخلوا عن الشرف والشهامة والدين والاخلاق
وكم وكم نتالم ،، وكم وكم ضاع اناس بسبب هذه التفاهات

الله يهدي الجميع

[جوهره القصـــيم]

منتـــــال

جزاك الله خيرا على التنبيه
الله يحفظنا واياكم من فتن الدنيا

[عذوب...]

جزاك الله خير على التنبيه

[منتال]

مشكوووور

[صمت ليالي]

جزاك الله خير على التنبيه
وبارك الله فيك