اليوم سويت أكلة من اختراعي لأني ما كنت عارفة إيش أسوي فقلت لنفسي حطي اللي عندك وشوفي النتيجة وقلت الله يستر
بس الحمدلله طلعت مررررررة رهييييييبة
نبدأ بالمقادير والطريقة على طول
نقطع صدور دجاج مكعبات ونغسلها كويس
نضع في الخلاط حبة بصلة مقطع أرباع
ملعقة ثوم مطحون أو 4 حبات ثوم + قطعة صغيرة زنجبيل طازج
ملعقة كبيرة صلصة الصويا المعتدلة وهادي شكلها
ملعقتين صويا صوص وهادي شكلها
ملعقة كبيرة صلصة طماطم
شوية كمون+كزبرة +فلفل أسود+فلفل بابريكا+واحد فلفل أحمر حار (لو ما تحبي الحار لا تحطيه)
شوية ملح (لا تكثري عشان في صويا صوص)+عصير ليمونة
ملعقة كبيرة زيت ذرة+قليل مويا
نخلطه كله مع بعض كويس
ونحط الدجاج فوقه ونتركه على الأقل ساعة وحدة والأفضل 3 ساعات عشان الدجاج يتشرب الخلطة مزبوط
ونحطها في الأسياخ الخشب ونحط معاه فلفل رومي مقطع مكعبات وبصل مقطع مكعبات ونحطها في الشواية
أو في الفرن لغاية ما يتحمر الدجاج
وأنا قدمتها مع رز بخاري وطريقته مرة سهلة نحمس بصلة مفرومة لغاية ما يصير لونها ذهبي نحط فوقها ثوم مطحون وطماطم مقطعة صغير وشوية مكعب ماجي وملح وكمون وكزبرة مطحونة وعود قرفة وحبتين هيل صحيح ونحرك عليه مزبوط ونحط عليه جزرتين مبشورة ونحرك عليه بعدها نضيف الرز والمويا الحارة ونتركه إلى أن يستوي
وهادا شكلها من قريب
وبا لهناااااااء والصحة
رد مع اقتباس
المشاركة الأصلية كتبت بواسطة قلب زوجي وحبيبي
مواقع النشر