[align=center][msg]اللي تدخل الله يخليها تدور لي على حل...بحاجتكم[/msg]
السلااااااام على البنوتات الحلوات....
شوفوا أنا بثقل عليكم بس شسوي محتاجه لكم...
المهم..
أنا دخلت بإسم(أسيرة الخيال) لهذا السبب....
خيالي...
واااااااااااااااااااسع مررررررة وبقوة!!!
مدري أسمي خيالي مشكلة ولا نعمة؟؟؟!!
أنا مشكلتي أني أتخيل أي شي لدرجة أني أحس وكأن اللي أتخيله حقيقة تصير قدامي!! ...
يعني إذا كنت مع مجموعة صديقاتي أو بنات عمي أو أخواتي أو العائلة كلها وكانوا يتكلمون في موضوع معين..
أنا أسرح بخيالي على طوووول وأتخيل نفس الموضوع اللي يتكلمون فيه...
مثلاً كانت صديقتي تتكلم عن المناظر اللي شافتها في ماليزيا..ومن كثر ما وصفت صرت أتخيل أني في ماليزيا وسرحت عنهم ونسيت اللي حولي وما صحيت من خيالي إلا لما سمعت صرخة قويه من وحدة من الصديقات الله يسامحها...
ومرة كنت أتفرج عالتلفزيون وشفت إعلان المشروب(سفن أب) مو يصير حولهم غابة وشلال من وراهم وعصافير..سرحت بخيالي بعد الإعلان وصرت أتخيل نفسي مكانهم!!
ومرة كنت قبل ما أنام شايفة فلم مرعب صرت أتخيل نفسي مكان البطلة ،الفلم خلص الساعة 11 بالليل وما قدرت أنام من كثر ما تخيلت أني مع الأبطال في الفلم ،،أذن الفجر وما نمت!!
صليت الفجر طبعاً ورجعت أنام ..... ما نمت!!
رجعت أتخيل!! وما قدرت أوقف لدرجة أني بكيت من قهري....تصدقون متى نمت......... الساعة 9 الصبااح!!!!
وصحيت الساعة 4 العصر...
آآآآآخ والله ما أدري ايش أسوي...
حتى مرة كنت جالسة بين أهلي وكانت أمي تسولف وتضحك شوي وما أدري أيش جاني فكرت إذا ماتت أمي في هاللحظة كيف بيكون موقفنا،، وسرحت بخيالي لدرجة أني تخيلت كيف كانت موتته أمي((الله يطول بعمرها))
وكيف كان موقفنا وكيف تصرفنا وكيف حالتنا لدرجة أني نسيتهم وبديت أبكي وكأن اللي تخيلته كان حقيقة....
لحد ما شافتني أختي وقامت تهزني و أستغربوا كلهم وش فيني بكيت,,ولما شفت أمي قدامي أرتحت وقلت الحمد لله..
المشكلة أني أنسى اللي حولي وما أحس فيهم لو ينادوني ساعة ما سمعتهم!!
يابنات حتى إذا سمعت موسيقى وخاصة إذا كانت حزينه ما تروح من راسي صار عندي مسجل!!!
وتتكرر الموسيقى طول اليوم ما أقدر أنساها وحتى وأنا أصلي..أستغفر الله ... الموسيقى تتردد في راسي وكأني أسمعها و أنا أصلي... وما قدرت أبداً أتجاهل الموسيقى وأنا أصلي حتى إني أرفع صوتي عشان أتجاهل وأنسى الموسيقى....
آآآآآسفة جداً ثقلت عليكم.. تكفون اللي عندها حل تساعدني...
وآسفة مرة ثانيه..وعارفة كل وحدة اللي فيها مكفيها..لكن مالقيت غيركم يشيل همي...
[/align]
رد مع اقتباس
مواقع النشر