تعبت والله تعبت

**سانفراسيسكو** · 27-03-2009, 02:34 PM

حبيبتي والله كانت معاناتي هذي لكن بالاصرار سرت اقوى واقوى وصرت لما اسمع تعليقات خارجيه ما تهزني ابدا عارفه وش السر؟؟؟؟؟؟؟؟؟؟ثقتي بالله اولا ثم بنفسي ثانيا ماني مغروره لكن طورت نفسي علشان اكسب حب الجميع........وإذا كنتي تبين شخصيتك قويه ثقي بالله اولا وطوري علاقتك بالناس ثانيا غيري نفسك رتبي امورك لا تخلي لأحد ينتقد تصرفاتك تعاملي بهدوء مع الناس (الضيوف)لا تتصنعي لأنه رح يبان عليك........والله يوفقك ......

**جرح يكابر** · 27-03-2009, 06:59 PM

يالبيه حسيت بقوه فيك وانا الصراحه مثلك ثقتي بنفسي مو بالشكل المطلوب

لاني حساسه بالحيل وكثير تاثر فيني التعليقات ودايما اللي حولي يحطم فيني وحسيت انك مثلي

وربي مرت علي فتره حتى الجمله ماقدر ارتبها تطلع مني مخربطه والله يسامح من كان السبب

يعني يالبى قلبك هذي مشكله كثير من البنات مره منتشره ومو انتي لحالك تعانين منها

وصدقيني بس بالعزم والاراده تتغلبين عليها

وانا حاليا احاول وبكل جديه باني اعزز ثقتي والحمدالله احس اني بتحسن ..

اسمعي فديتك هذي نصايح استاذه الله يسعدها كانت دايم تكلمنا عن المشاكل وكيف نتجاوزها

ومن اهمها عدم الثقه بالنفس ::

اول خطوه التوكل على الله في كل شي وادعي ربي بخشوع ان ييسر لك ويعينك وافضل الاوقات اخر الليل

ثانيا حبي نفسك مو تصيرين انانيه لا يعني اجلسي وفكري بالاشياء الحلوه اللي فيك ومدحي نفسك لنفسك

وكل مره قولي فديتني احبني اي كلمه دلعي فيها نفسك وانتبهي من الكلمات الشينه مثل غبيه حتى لو مزح

ثالثا الارسال الايجابي للعقل الباطن << بتقولين كيف

الانسان نفسه هو اللي يزرع كل خصله فيه مهما كانت شي حلو ولا العكس

يعني هو المسؤل عن كل الصفات العصبيه الحساسيه الثقه الاجتماعيه ووووو كل شي

عن طريق العقل الباطن ..

الطريقه :

كل يوم ولمدة 21 يوم اجلسي مع نفسك واستخدمي ( الكتابه ـ او السمع ـ او النظر ) اي وحده تريحك

مثلا انتي انسانه تحبين القراءه استخدمي طريقة النظر

ولو تحبين الكتابه استخدمي الكتابه ولو تحبين الاستماع استخدمي طريقة الاستماع

وبشرحلك كل طريقه كيف ::

الكتابه امسكي ورقه وقلم واجلسي اكتبي كلمات ايجابيه بخصوص الثقه من غير ماتجيبين طاري الثقه مثلا /

انا باستطاعتي ان استقبل الضيوف

انا حلوه وحلاي غير

انا ذكيه

انا جريئه واسلوبي حلو

انا املك اسلوب رائع

مايهمني مايقال عني

اي كلمه ايجابيه وباي طريقه تحبين واجلسي كرريها 10 مررااات

واذا اخترتي طريقة الاستماع

قوليها بصوت عالي وكرريها

واذا اخترتي طريقة النظر روحي قدام المرايه واجلسي كرريها وبصوت عالي << هذي طريقه جدا حلوه

وقوليها وكلك ثقه وطبعا هي ترسل للعقل الباطن اللي بدوره يغير من فسيلوجيتك

واستمري 21 يوم وبإذن الله بتحسيين بفرق وبتصيرين احسن وحده جريئه وكلها ثقه

واول ماتعزمين احد او تستقبلين احد او حتى يمر ببالك اي شي من الافكار السلبيه على طول

قولي بنفسك قادره باذن الله قادره وكل ثقه بنفسي وكثرري استغفار وترا الذكر يعزز الثقه وانا مجربه

رابعا اقري كتب في ثقه النفس وتحقيق الذات

وخامسا انسي كل كلمه مو حلوه انتبهي لاتقولين اي كلمه شينه لنفسك وحتى انسي كل كلمه شينه تنقال فيك

لان الللي يقول لك كذا انسان غاير منك ويتمنى لك الفشل ولو كان يحبك ويتمنى لك الخير ماقال هالكلام

يعني اي تعليق مايعجبك لاتسمعينه يعني لاتهتمين فيه وخلي هذي طريقتك في كل مره وصدقيني بتتعودين

والاهم بترتاحيييييييييييين

واخيرا ربي يحقق لك كل ماتمنينه وييسرلك امرك ويعينك دنيا واخره

موفقه يارب

نسيت اعلق على الحمل اسمعي عليك بالاستغفاااااار وصلاة اخر الليل والدعاء والصدقه استمري عليها

وبتشوفين احلى الناايج والله يرزقك بالذريه الصالحه وكل تاخيره وفيها خيره ..

وبجد اسفه على اني طولت وكثرت كلام

بس حبيت افيدك ..