العصيده الحضرميه من مطبخ شذاااااااااااوي وبالصور
تعتبر العصيده الحضرميه من الاكلات الشعبيه المميزة واللذيذه
طبعا شغلتها صعبه لكن حبيت اقدمها بطريقه مبسطه وسهله
واللي يميز طعمها ونجاحها الحيدوان وهو من البهارات المعروفه باليمن الجنوبي
ويوجد عند العطار
وايضا زيت السمسم والعسل اهم شي في لذتها
المقادير:
كيلو تمر والافضل يكون التمر لين
1 و1/2 ليتر ماء
4 اكواب دقيق بر
3 ملاعق حيدوان مطحون ( بهار خاص للعصيده ) وهذي صورته
للتقديم :
زيت سمسم
عسل
الطريقه:
نضع التمر والماء في قدر الضغط ونتركه يغلي نص ساعه بعد سماع الصافرة
ثم نصفيه تماما بالمصفى مع الضغط على التمر حتى نستخلص عصارة التمر
ننخل الدقيق
في ناس تحمس الدقيق قليلا وهذا الي قمت به
وفي ناس تستخدمه على طول على حسب الرغبه والافضل تحميسه
ثم نخلط معه الحيدوان
ونصب عليه عصارة التمر ونقلبه جيدا
هنا اهم مرحله وهي اساس نجاح العصيد
وهي عدم التكتل
طبعا حريم اليوم مافيهم قوة
هههههههههههههههههه
استخدمت خلاط اللي يطحن بالقدر وهااااااااات ياطحن
ماشاء الله مافي تكتل
وحطيتها على النار
وصرت اقلب واقلب
طبعا النار لازم على اقل شي والافضل استخدام الحديده اللي تفصل بين النار والقدر
وبين كل فترة وفترة نقلبها ونعرك
تاخذ تقريبا ساعه ونص لما يتغير لونها وتصير بني
طبعا لاتنسوا التقليب واذا شفتوا في تكتل ارجعوا استخدموا الخلاط شوي
بس بجد احلى من الجاهز
وعند التقديم
نحضر صحن عميق ونضعها ونسوي حفرة بالوسط
ونستخدم زيت السمسم ونشكلها على حسب ذوقنا
ونصب العسل
وتمتعوا بااحلى عصيد من ايدينكم
وااااااااااااااااه على الطعممممممممممم
ادري شايفتكم من ورا الشاشه
وطااااااااااااااااااحت سعابيلكم
وعوافي على قلوبكم التعذيب
مواقع النشر