فايقة ورايقة؟ارعصي هنا

[وردة السياج]

مافي عمر أحسن من عمر الطفولة

لعب ونقز ومرح ولا فيه مسؤلية ولا نفكر بيوم بكرة
لكن في أشياء من صغرنا كنا نحسبها صحيحة لكن إذا كبرنا وتذكرناها راح نفطس من الضحك

يالله أبي منكم مشاركات تذكروا أيامكم الحلوة وقولوها لنا
وخلوا البداية لي أنا

كنت أحسب ان الجنين اللي في بطن أمه يكون في المعدة وانا أقول ياسبحان الله وراه مشوار طويل
وكنت أحسب ان الناس اللي يكلمونا من التلفون الأرضي انهم بداخل السماعة من زود البراءة

[بنووته كول]

ههههههههههههههه
ياحبي بس الايام الطفوله
انا مااذكر شي بيوم طفولتي ^_^

[الحنونة الطيبة]

أيام الطفولة براءة
كان الوالد يقول لي انا واختي لا تسوون شقاوة ترا الطير الأخضر جوة في اللمبة يقولي واللمبة كانت في الصالة نقوم نخاف انا واختي ونقوم مانلعب في الصالة عشان لا يقول الطير للوالد
والله كانت فينا براءة ماهي موجودة كثير في جيل هذه الأيام

[شيخة الزينات]

كانت الاستاذة اذا سوينا اخطاء في البيت تقول العصفورة تعلمني عن كل شي تسوونه في البيت من شقاوة وعناد لماما وبابا وكنا نصدق ونقول لو شفنا اي عصفورة يمكن هذي او هذي من فيهم تعلم الاستاذة
والله براءة فينا وين اطفال هذا الوقت مافية امل يصدقون