قبل أيام معدودات ..
صار أعظم حادث بالمعهد اللي أدرس فيه ..
كان الوقت ظهرا .. حيث يذهب الجميع لبيوتهم ..
ولكننا نتأخر أني وتقريبا ستة بنات فوقي و4 مدرسات
هذيك اليوم المدرسات خرجن للسوق بعد أداء عملهن ..
وبقينا إحنا الطالبات الظهر بالمعهد لأداء صلاة الظهر ومن ثم الخروج لموقف الباص ..
رأت إحدى زميلاتي فتاة
(ليست مننا ولا من منطقتنا)
تنادي شابا بإسمه من بين اصحابه ..
وجاء الشاب يكلمها في نفس القاعة التي جاءت له .. وكان بالغرفة 4 شباب اصحابه ..
جاءت زميلتي وتقول : خلااااص . .لقد اصابنا القهر على ذا الزمن .!! توصل بهن الحالة لهذه الدرجة !!
قولت لها : مالذي حصل ياغالية ؟؟
قالت : لقد رأيت فتاة تنده احد الشباب من بين اصحابه وتكلمه عاادي في القاعة
قولت لها : لالا .. اكيد الموضوع فيه غلط ..
وذهبت مع صديقتي لنشرب الماء (وننقذ ما يمكن انقاذه من ذا الوضع)
ولما وصلنا إلى جانبهم سمعته يقول لها : أنتي في أي مكان رأيتيني ؟؟؟!!!
وكانا يتجادلان كثيرا .. فقالت صديقتي : اكيييييييد شافته مع امرأة أخرى ..
قلت لها : اتقي الله ياطيبة بنفسك ايش تقولي انتي ؟؟!
احسني الظن بالآخرين .. قولت لهم يمكن أخوها من أبوها وما يعيش معهم بنفس البيت .. ويمكن ولد عمها أو خالها أو أحد اقربائها ..
ويمكن خطيبها ( لأنه في موضة منتشرة ذي الأيام .. أي رجل يخطب بنت يبغى يكلمها بالمسنجر والجوال )
.. ويمكن ويمكن ويمكن
ايش تبغن منها ؟؟!!
يقول الله تبارك وتعالى :
وشوية خرجن كل صحباتي اللي معي يدرسين .. من باب الفضول ليس إلا !!! ..
ولما رأى الشاب البنات يحومين حول الغرفة تضايق كثير..
وصحباتي لما يشفنه يتضايق .. كانن على طول يظنين الظن السيء بالولد والفتاة ..
المهم وظلت فترة والشاب والشابة ما يزالو يتجادلون ..
وتأخر أصحابه معه ومن ثم استأذنوه وخرجو وتركوهم ..
ولا يزال الشاب مع الفتاة
وبعد لحظاااااااااااااات .. حدث الشيء العظيم المسيء لسمعة الفتاة اكثر من سمعة الشاب ..
قام الشاب بإغلاق الباب ( وهو والبنت لحالهم بالغرفة )
الشاب صغير .. تقريبا هو بسننا 19 سنة .. والفتاة بنفس العمر ..
صديقاتي اتفجعن كثييييييييييير .. وخافن اكثر ..
مالبثت خمس دقايق .. والشاب والشابة ينزلون ويقولها لو عرفت شيء بخبرك أو بكلم اهلك !!!!!!!
صحباتي قالن : وأهلها بعد يعرفون
لالالالالالالالالالالالالالا
الموضوع كبير بكثير
راحن صحباتي وقالن للمدرسات .. واني اقولهم اكيد بالموضوع شيء .. ومحد مصدقني ..
راحن المدرسات وقالن الكلام ذا خطيييييير وضروري يوصل للإدارة .. وفعلا وصل الكلام للمدير
وجاب الولد والبنت .. ولما حقق معهم .. طلع موضوع غير اللي في بال صديقاتي نهائيا ..
البنت اللي دخلت مع الشاب صاحبتها وبنت خالتها تزوجت من يومين تقريبا ..
لكن عريسها ليلة الزفاف هرب .. والعروسة قدها بفستان الزفاف حقها ..
وفيها الحنة وكل الدنيا تمام ..
ولما بدأ الأهل يتحاورون وفزعانين وكذا ..
الحين العريس عاقد عليها .. يعني ضروري يجي ..
لو مو من شان البنت ..
على الأقل من شان يطلقها ويعطيها حريتها ..
قالت لهم البنت : أني شفت واحد من أصحابه بالمعهد عندنا يدرس معي بنفس الدورة .. راح اسأله
أهل البنت من كثر قلقهم ما خبروها انه غلط .. وراحت وكلمت الولد بالمعهد ..
لكن الولد كان ينكر انه راح العرس من اساسه ..
ولما تجادلت معاه كثير .. قام اغلق الباب ..
وخبرها انه حضر للعرس لكن ما يبغى يدخل بتحقيقات وموضوع هو في غنى عنه ..
بعدها قالت له: اتخيل اللي صار مع اختك .. وسكتت
وذهب الولد لحاله في سبيله والبنت ايضا ..
لكن مدري من اللي نشر الخبر
الحين البنت كل ما تروح مكان .. تلاقي احد ينظر لها ويقول هذي البنت ..
هذي البنت
وانصابت البنت بحالة نفسية من اللي قاعد يصير ببنت خالها ..وايضا من اللي اتهموها فيه ..
بعدين جاء قرارة اداري بعمل لجنة بالمعهد للمدافعة عن البنت ذي وعن نيتها ..
الصراحة اني اشتركت فيها ..
لأنه يجب حسن الظن بالناس ..
وبعدين الولد نهائيا ما طول معها بالغرفة ..
هي كلها دقيقة قفل الباب بغمضة عين وانفتح ..
يعني قالها كلام ما يبغى حد يسمعه ..
والحمد لله قبل يومين روحت للمصلى وخبرت البنات بالقصة ..
وخبرت صحباتي بالقصة اللي عندي بالقاعة
والمدير أيضا خبرا لمدرسات وقالهن إنه سأل عن البنت وأهل البنت .. البنت طيبة وأهلها من أحسن الناس في البلاد ..
هي غشيمة والولد اغشم منها
وموضوع مثل ذا في بلادنا .. أكيد سمعة البنت بتروح فيه
وراح يتحول الموضوع لشرف العائلة وسمعتها وما إليه
وربي يحسن مستوى صحة البنت النفسية ..
وصحة بنت خالها .. ويعدي الأمور على خير ..
أختي الغالية :
انتبهي من الظن السيء بالآخرين ..
انتبهي ثم انتبهي ..
فعَنْ أَبِي هُرَيْرَةَ ، عَنِ النَّبِيِّ صلى الله عليه وسلم ، قَالَ: إِيَّاكُمْ وَالظَّنَّ ، فَإِنَّ الظَّنَّ أَكْذَبُ الْحَدِيثِ ، وَلاَ تَحَسَّسُوا ، وَلاَ تَجَسَّسُوا ، وَلاَ تَحَاسَدُوا ، وَلاَ تَدَابَرُوا ، وَلاَ تَبَاغَضُوا ، وَكُونُوا عِبَادَ اللهِ إِخْوَانًا.
وأيضا انتبهي وانتبهي اختي الغالية من وضع نفسك بمكان يجلب لكي الشبهة وسوء ظن الناس بكي ..
وضعي لكل أمر حدود لا تتخطيها
......
مواقع النشر