إصراري على النجاح .. ( مشاركة 3 مسابقة حكايتك مع متغيرات حياتك )
[ALIGN=CENTER][TABLETEXT="width:70%;background-image:url('http://up.hawahome.com/uploads/13385391622.gif');"][CELL="filter:;"][ALIGN=center]حابه احكي لكم قصتي مع إصراري على النجاح باللغة الألمانية [/ALIGN][ALIGN=center]
طبعا بما إني خطبت لخطيبي يلي عايش بألمانيا
من الضروري أتعلم بمعهد ألماني اللغة الألمانية ونجاحي فيها من ضروريات
تقديمي للفيزا لأقدر أسافر على ألمانيا وطبعا سجلت بالمعهد الألماني
عنا بالأردن .
وخطيبي قال لازم تساعدني معلمة لغة ألمانية تتكلم عربي حتى أقدر أفهم
الألماني بسهوله لأنه اللغة الألمانية من أصعب اللغات المهم بحثنا على
النت على معلمة لغة ألمانية تكون بنفس المدينة يلي أنا عايشه فيها
وفعلا لقينا وحكينا معها تلفون ورحت زرتها وتعرفت عليها وأصبحت معلمتي .
بأول يوم دراسة تعرفنا على بعض وبدأنا بالدراسة وكنت مقتضيتها ضحك
وخاصة انه الكلمات كانت صعبه علي وصعب نطقها وهي كانت تساعدني
الألفظها بالطريقة الصحيحة .
كنت اكره الألماني وما أحب أدرسه كنت ما أصدق وأروح من الحصة كنت مواجهه
صعوبة معه وخاصة انه صعب كتيييييييير وغير سهل وخاصة نطق الكلمات صعب
كتييير وهي كانت عارفه إني بكره الألماني بس كانت دائما تشجعني وتقولي
أنتي شاطرة ورح تبدعي بالألماني .
طريقة معلمتي بالتدريس رااااائعة جدااااااا وأسلوبها حلو وممتع كانت تحاول
تسهله علي وتحاول كل كلمة أواجه صعوبة بنطقها تقربها لي صدقوني كنا نقعد
بالساعات ما أمل معها ولا أزهق كانت لينه كتيييييييير بالتعامل معي بتدريسها
وما كانت تتعب أو تشكي أو تزهق مني
حتى لما كنت أروح على البيت لأدرس كانت على توااااااااصل دائم معي وتقولي
أي شي مو فاهمتي قولي لي وتقعد تفهم فيه على التلفون بذلة مجهووود
معي كبيييييييير
ما كنت أحس معها أنها معلمه وانأ تلميذتها صارت علاقتنا حلوه وما في أي
حواجز بينا صرت أحب اكتر واكتر الألماني وأحبها وصدقوني أسلوبها وطريقتها
هي إلي خلتني أحب اللغة الألمانية وصرت ما اصدق وأنا أروح عندها
لتدرسني وصرنا صديقاااااااااات كتيييييير .
وبدأ دوامي بالمعهد الألماني وصرت أداوم فيه وفعلا مع المعلمات الألمانيات
كنت حاسة الألماني صار أسهل شوي بفضل معلمتي لأنه بسطت لي
وسهلته علي .
وطبعا مرة الأيام بصعوبة لأني كنت مشتته بين دوامي بالمعهد يلي مو بنفس
مدينتي ودوامي عند معلمتي وكنت ما أنام الليل وأنا ادرس ما كنت أشوف
الناس والعلاقات لاجتماعية بالناس انعدمت تعبت كتيييير وبذلت جهد
كبيييير حتى اقدر أتعلم الألماني مع انه في ناس كانت تهبط معنوياتي
ويقولوا لي ما رح تنجحي لأنه صعب بس أنا اصريت وبذلت مجهود كببببر
حتى اثبت لكل الناس إني قدها ورح انجح .
واجى وقت إني أقدم امتحاني الألماني بالمعهد والحمد لله أنجحت فيه في
نااااس فرحت كتييييييير وفي ناس انصدموا كيف نجحت بس الحمد لله إصراري
وتعبي ومجهودي ما راح يكون على الفاضي .
وبعدها أخدت موعد لامتحان السفارة يلي هو أصعب مرحلة ومو أي حد
ينجح فيه لأنه صعب كتيييييير وقلت أجرب حظي .
كان الامتحان بالنسبة تحدي كبيييييييير اذا نجحت فيه رح يكون اكبر
مفاجئة للكل
طبعا أنا ما قلت لحد إني بدي أقدمه قلت بدي اعملها مفاجأة ، ما حد كان
عارف غير خطيبي حتى أهلي ما يعرفوا لأنه كانوا بالسعودية عند إخواني .
بعد شهر امتحاني وبدأت الدراسة المكثفة وما تركتني صديقتي داااااااايما
مع بعض دراسة واختبارات حتى كانت اطلع لي نماذج امتحانات لامتحان
السفارة ونقوم بحله مع بعض بذلة مجهود كبيير معي بعمري ما رح أنساه
وبس أروح على البيت ادرس وأضل سهرنه طوول الليل أنام ساعة أو ساعتين
واصحي أصلي الفجر وأكمل دراسة .
و كل ما كان يقرب وقت الامتحان أخاف بس كان عندي تفاؤل إني رح انجح
لأنه ربنا معي
اجى وقت الامتحان واجت معي صديقتي وضلت بانتظاري حتى انتهيت من
الامتحان الشفوي والكتابي
روحت على البيت وأنا على أعصابي وخايفة كتييير شو رح تكون النتيجة
كنت برعب وخوف بس ما تركة الصلاة وقراءة القرآن والدعاء .
وثاني يوم طلعت النتيجة على النت ما صدقت حااااااااالي لما شفت إني
ناجحة على طول اتصلت لأتأكد وكانت الفرحة لما قالوا لي إني ناااااااااجحة
يا الله ما احلى فرحة النجاااااااح .
قمت على طوول بالأتصال بخطيبي طبعا ما صدق لأنه هاد الامتحان صعب ومو أي
حد ينجح فيه من أول مرة
وطبعا كانت المفاجئة للكل لأهله وأهلي والناس كلها مفاجئة كبييييييييره
كتيييييييير وما صدقوا إني نجحت فيه وخاصة لأني ما خبرتهم بس بعدها
انبسطوا كتير وفرحوا فيه وبشطارتي
والحمد لله كله بفضل الله وبفضل صديقتي وبفضل مجهودي ودراستي وإصراري
على النجاح
الفائدة :
1- يجب على الإنسان أن يجتهد ويتعب ويثابر على أي شيء يريد تحقيقه ،
من جد وجد ومن زرع حصد .
2- ويجب على الإنسان يكون عنده أمل وتفاؤل ، وتفاءلوا بالخير تجدوه .
بقلمي (سوار الذهب * )[/ALIGN][/COLOR][/CELL][/TABLETEXT][/ALIGN]
رد مع اقتباس
مواقع النشر