[align=center]اهلييين حبيباتي ..
اخباركم ؟
انشاءالله تماموووووو
اهم شئ
بس حبيت انزل لكم هالاقصيده
ومو من كتاباتي ترا
بس مررره عاجبتني
قلت انزلها لكم انشاءالله تعجبكم !!
##########################
تعبت الله يكون بعـون هـذا القلـب وبعونـي
تعبت من الوجيه اللي تجـي وتـروح بسهولـه
وانا صعبه أصـدق كيـف خلونـي وباعونـي
اقول احيان: معقوله .. وهي ماهيـب معقولـه
لاني مـا قـدرت الا معاهـم احسـن ظنونـي
واقول: الجرح والزله .. من الغالين .. مقبولـه
أدوّر عذرهم واسكت.. وامشّيهـا علـى هونـي
واقول: اخطائهم تُغفر ..وهي بالعمـد مفعولـه
واقول: اهمهم طبعـاً .. مثـل ماهـم يهمونـي
وقف ياما لهم قلبي .. وهم ما يوم وقفـوا لـه
متى ما ضاقت الدنيا بهـم ذرعـاً .. يلاقونـي
وهم.. لا ضقت بالدنيا .. ألاقي قلوب مشغولـه
عوايدهم متى مـا احتجتهـم غابـوا وهدونـي
ومتى ما احتاجوا القاهم كثر.. وشفاه معسولـه
يلوم الله على طيبة خفوقـي.. مـن يلومونـي
ما دام ان النوايـا بيـض .. والآمـال مأمولـه
صبرت اكثر من اللازم .. وقلـت إلا يريدونـي
وهم فعلاً يريدوني .. ولكـن .. نفـس مقتولـه
بعد ما قصـروا حتـى قبـل فرقاهـم اعطونـي
على كم جرح.. كم كلمه.. وكم طعنه.. وكم قوله
وراحوا بس انا مـدري نسونـي او تناسونـي
خلاصة ما حدث .. راحوا .. وكلن صار في دوله
نعم مالت على حظي .. ردي .. واستاهل جنوني
لاني طحت في بعض القلوب .. الغير مسئولـه
لمن لا يعتبر عبره .. يجي ويشـوف وشلونـي
عباره عن جسد ميّت.. وفيه أعضـاء مشلولـه
تعوّدت انصـدم بالـذات ممّـن هـم يحبونـي
وانا ما عندي استعداد اجرّب واخسـر الجولـه
على كثر الوجيه اللـي تمـر الحيـن بعيونـي
احس الناس بالنسبة لمثلي .. نـاس مجهولـه
باعيش بدونهم عادي مثـل ماعاشـوا بدونـي
وذي كلمه على لساني .. وهي للقلـب مقيولـه
ما دام ان الهوى طعنه وشفت طعونـك طعونـي
تطمّن حيل يا قلبي .. انـا مـا عادنـي حولـه
وما دام كثير حبوني .. وجـت فتـره وخلونـي
اجل بطلت .. وشهوله احـب .. بالله وشهولـه
##############################
انشاءالله تعجبكم
اختكم : البقيه في حياتـــي[/align]
رد مع اقتباس
مواقع النشر