طفلتان في ثلاجه الموتي
النتائج 1 إلى 3 من 3

الموضوع: طفلتان في ثلاجه الموتي

  1. #1
    عضوة قمة
    تاريخ التسجيل
    Jan 2009
    الدولة
    قلـــــ زوجـي ــــــب
    المشاركات
    270
    معدل تقييم المستوى
    12

    fgh طفلتان في ثلاجه الموتي

    طفلتان في ثلاجة الموتى!

    صباحاً: تنازعتا على سندويشة «الزعتر»، وتضاحكتا، ووخزت إحداهما الثانية في خاصرتها!
    ظهراً: تقرآن درس «الحساب» معاً، وتتراشقان بوسادتين!
    عصراً: تنامان كأي حمامتين ذبيحتين على وسادة معدنية في ثلاجة الموتى!!
    . لم يصل بهما الحمار إلى أي مرفأ، ولم تمدّ المذيعة الحزينة كفّها من الشاشة لتنتشلهما من فم الموت،.. تقول الصغيرة للشقيقة: برد كتييييير يا هيا!! لماذا القبر هكذا بارد ويلمع مثل الحديد؟
    ـ «لما» هذا ليس القبر يا حبيبتي.. هذه ثلاجة المستشفى ، التي كنا نراها على التلفزيون!!
    ـ هل سترانا "بنات صفّنا" اليوم على التلفزيون؟!
    ـ طبعا ، نحن الآن شهيدتان!!
    ـ معقول ؟ أنا شهيدة ؟ أنا لسه صغيرة هيا !! كنت حابة أصير دكتورة مو شهيدة!!
    ـ نامي الآن ، غدا سنذهب الى الله، لازم نصحى بكّير!!
    ـ هيا.. بتعتقدي مات الحمار؟
    ـ بيجوز.. بس بتعرفي؟ أنا كنت حابّة أكمل المسلسل قبل ما أموت، نيّالهم سماح وعلا رح يعرفوا شو رح يصير بالآخر!
    ـ ما في تلفزيون بالجنة؟؟ بنشوفه هناك!
    ـ شفتي شو حلوة طاقي «أحمد قريع» إمبارح ع التلفزيون؟
    ـ ههههههه... آه بس ما بتدّفي كتير...
    ـ تعالي لصّقي فيّ.. قرّبي أكتر حبيبتي..
    ـ هيا.. ليه بيظلّوا يفتحوا علينا باب الثلاجة؟
    ـ عشان المصورين بيصوروا الشهدا
    ـ طيب هلّا بكرة عند الله رح يحطّوني بالنار؟
    ـ ليه انتي شو عاملة «لما»؟
    ـ بتعرفي الاسبوع الماضي أخذت قلم إياد وما رجعته، خايفة الله يكون زعلان مني...
    ـ لا حبيبتي ما تخافي... اياد أخوك وهلا بيكون يدعيلك ويقرألك الفاتحة والله رح يسامحك..
    ـ بكرة أي ساعة رح نطلع؟
    ـ ما بعرف بالزبط لأنه في شهدا كتير كان اليوم ، ورح يكون زحمة كتير...
    ـ صحيح هيا صحيح !! ممكن بكرة نسأل عن الشيخ احمد ياسين ونسلم عليه هناك..
    ـ آه طبعا، وأنا بدي أروح أسلم على «أبو عمار» كمان...
    ـ آه أنا بعرفك طول عمرك بتحبي جماعة فتح أكتر...
    ـ لأ مو هيك بس إنتي بتحبي حماس كتير... مستغربة ليه!
    ـ مو بابا كان بيحبهم أنا كمان بحبهم...
    ـ بس ماما كانت بتحب فتح أكتر...
    ـ هيا.. ليه ما بيجبولنا أكل هون؟؟
    ـ شو أكل؟؟ إحنا ميتات يا حبيبتي!! مالك إنت؟
    ـ ميتات؟؟؟ مو حكيتيلي قبل شوي شهيدات؟؟ أن جعانة؟
    ـ اصبري للصبح بتاكلي بالجنة...
    ـ ما بدي خلص بطلت أستشهد!! بدّي أروّح!! افتحيلي بدي أطلع..
    ـ وين بدك ترجعي يا مسكينة؟
    ـ على بيتنا!!
    ـ بيتنا تهدم حبيبتي وما ظل منو أي حجر...
    ـ بنتخبى بالجامع...
    ـ الجامع هدموه كمان...
    ـ طيب وين راح «الحمار»؟؟ وين تخبّى؟!
    ـ «الحمار» بيدبر حاله!! ما تخافي عليه...
    ـ يعني خلص ما رح نرجع ع البيت؟
    ـ لأ! هلّا بيتنا عند الله!!
    ـ أحسن.. في هناك مدارس؟؟
    ـ لأ.. ما تخافي...
    ـ طيب في حرب؟؟
    ـ ما بعرف!! يمكن!!
    ـ بتعرفي أنا خايفة كتير على بابا...
    ـ ليه؟؟
    ـ إمبارح كان يحكي أنو العرب بدهم إيانا نعمل انتفاضة تالتة.. وخايف يموت فيها...
    ـ شو يعني انتفاضة؟
    ـ يعني فلسطينية كتيييييير يموتوا...
    ـ وشو بيصير بعدها؟
    ـ ولا شي!!
    ـ كيف ولا شي يعني؟؟
    ـ ولا شي!!
    ـ طيب ليه العرب بدهم ايانا ننتفض من جديد؟
    ـ عشان يحسوا أنو إحنا بنموت وإحنا بنحارب مو وإحنا نايمين...
    ـ وهم شو بيفرق معهم؟
    ـ بيكونوا مرتاحين اكتر!!
    ـ يا حرام العرب كتييير بتعبوا وهم يصرخوا ع التلفزيون .. أنا بحزن عليهم!!
    ـ طي احنا ليش اسرائيل بتكرهنا؟
    ـ اووف .. أنت ليه اليوم أسئلتك كتيرة؟؟
    ـ زهقانة!!! ما في تلفزيون ولا أكل.. وبرد كتييير...
    ـ خلينا بحالنا هلا وقت تلفزيون...
    ـ شفتي خطيب الجامع ع التلفزيون؟ كان يدعيلنا كتير...
    ـ ولك هاد مو خطيب الجامع هاد رئيس حماس!!
    ـ طيب شو يعني المقاومة اللي كان يحكي عنها؟
    ـ يعني انو ما تهربي من الصاروخ زي ما كنتي بدك تعملي...
    ـ يعني هلا هو ما بيحب إياد لأنو هرب من الصاروخ؟!!
    ـ ما بعرف بس إياد ما بيعرف يقاوم...
    ـ طيب هو الشيخ كيف بيقاوم؟؟
    ـ اوووف !! شو بعرفني اسأليه!!
    ـ بيرموا صواريخ صغيرة ع إسرائيل.. صح؟؟
    ـ آه...
    ـ طيب هاي ما بتنفع.. ما بتصيب حدا...
    ـ شو رأيك إنتي يعني؟؟
    ـ ما عندو صواريخ كبيرة تقتل كل اسرائيل؟
    ـ لأ ما عندو...
    ـ طيب كيف عرف يطرد جماعة امك الفتحاوية من غزة؟
    ـ هاد موضوع تاني .. إنتي ما بتفهمي فيه اسكتي أحسن...
    ـ ما بدي أسكت.. بدي أفهم أنا ليش متت؟؟
    ـ عادي يعني.. مو إحنا دايماً بنموت؟
    ـ بس الحمار هرب.. ما مات...
    ـ لأنه حمار!!
    ـ بتعرفي إمبارح شفت «بقج الملابس» اللي بعثوها العرب.. حلو كتيييييير... لو ما متنا كان طلعلي فستان ولا لعبة...
    ـ شو هالصوت؟؟؟ سامعة الضجة؟
    ـ شكله الممرض فاتح التلفزيون.. هاي مظاهرات عشان إحنا متنا...
    ـ يعني هلأ بيكتبوا عنا شعر زي محمد الدرة؟
    ـ آه بس يا خسارة «درويش» مات.. مين رح يكتب؟
    ـ عندي فكرة!! بكرة بشوف درويش عند ربنا وبخلّيه يكتب قصيدة إلنا لحالنا ما حدا يقرأها غير أنا وإنت...
    ـ فكرة حلوة...
    ـ طيب إحكي للممرض يحط ع المسلسل!!
    ـ كيف أحكي؟ أنا ميتة مثلك!!
    ـ طيب هلا بس ينام الممرض رح انزل من هاد الجارور شوي شوي.. ع السُكّيت.. وأهرب ع البيت...
    ـ لأ .. اوعي .. بيشوفوكي وبيطخوكي كمان مرة...
    ـ ليه ؟؟ بشوف الحمار وين اتخبى وبتخبى مثله...
    ـ بيزعل منك شيخ الجامع؟
    ـ طيب هو شيخ الجامع ليه قاعد جوا التلفزيون ؟ ليه مو معانا؟
    ـ اوووف.. إنتي بدك تخربي بيتنا بكلامك؟؟
    ـ إنتي مو حكيتي بيتنا تهدّم؟؟
    ـ آه بس قصدي.. خلص اسكتي...
    ـ يا الللله لو إني هلأ بالبيت كنت عملت سندويشة لبنة...
    ـ شو بالك فاضي!!
    ـ طيب خطيب الجامع بيحب سندويشة اللبنة؟؟
    ـ لأ هو ما بيحب غير الصمود... بس...
    ـ يا اللللله... يعن شو أعمل حاسّة بدي أموت ع سندويشة لبنة!!

    للكاتب (إبراهيم جابر إبراهيم)
    [rplayer]http://ppc.fm/[email protected]/184030_1111.swf[/rplayer]

  2. #2
    كوكب الشبكة الصورة الرمزية احبك في الله
    تاريخ التسجيل
    May 2008
    الدولة
    مصرية ... مقيمة بقطر
    المشاركات
    1,459
    معدل تقييم المستوى
    14
    لا حول ولا قوة الا بالله
    والله اثرت فيني هذه القصة
    جزآك الله خيرا
    دمتى بحفظ الله

    اختك ومحبتك في الله.......... احبك في الله


    يمتصّ القرآن الحزن من القلب كإسفنجة ،
    ويبدو الخطاب فيه شخصيًا , حميميّا ودافئًا .. و عظيمًا أيضّا !

    لا أحد يستطيعُ أن يربّت على قلبك ,
    كما تفعل سورة يوسف
    ......
    ولا أن يمنحك الطمأنينة الكاملة ,
    كما تفعل سورة يس

    ولا أن يقول لك بكلمات الله :
    [ ما ودّعك ربُّك وما قلى ]
    إلا هو ()

    إذا قرأت القرآن حزينًا .. كان كضماد !
    وإذا قرأته سعيدًا ، ضاعف تلك السعادة =”

    هو القرآن , فلا تهجره


  3. #3
    عضوة قمة
    تاريخ التسجيل
    Jan 2009
    الدولة
    قلـــــ زوجـي ــــــب
    المشاركات
    270
    معدل تقييم المستوى
    12
    مرورك عطر متصفحي
    [rplayer]http://ppc.fm/[email protected]/184030_1111.swf[/rplayer]

المواضيع المتشابهه

  1. طفلتان في القبر!!!!!!
    بواسطة مديونه لامي في المنتدى منتديات اسلامية,( على منهج أهل السنة والجماعة)
    مشاركات: 7
    آخر مشاركة: 06-02-2011, 04:01 AM
  2. اغرب ثلاجه~‎ ,,
    بواسطة همس المشــاعر في المنتدى صورXصور
    مشاركات: 22
    آخر مشاركة: 18-01-2011, 04:01 PM
  3. هل رايتم يوم ماء ثلاجه الموتى؟
    بواسطة ملكه الطيبه في المنتدى منتديات اسلامية,( على منهج أهل السنة والجماعة)
    مشاركات: 3
    آخر مشاركة: 10-06-2010, 11:15 PM
  4. طفلتان هنديتان تعقدان قرانهما على ضفدعين
    بواسطة أناسي في المنتدى المجلس العام
    مشاركات: 33
    آخر مشاركة: 11-03-2009, 07:45 PM
  5. لا بدون فرن وبدون ثلاجه
    بواسطة أم نواف و فهد في المنتدى الحلويات
    مشاركات: 14
    آخر مشاركة: 02-04-2008, 07:52 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |