قصة واقعية حصلت لشاب
صفحة 1 من 2 12 الأخيرةالأخيرة
النتائج 1 إلى 4 من 6

الموضوع: قصة واقعية حصلت لشاب

  1. #1
    عضوة قمة الصورة الرمزية نجمة سماء
    تاريخ التسجيل
    Feb 2009
    المشاركات
    207
    معدل تقييم المستوى
    12

    قصة واقعية حصلت لشاب

    قصة واقعية حصلت لشاب قديما مع امه هههههههههههههه اقرو القصة


    كان فيه شاب ساكن هو وامه فقط في بيت واحد لأن ابوه كان متوفي
    وكانو مبسوطيين وعايشين بكل سعاده وخير مع شح وفقرذاك الزمان
    المهم امه العجوز شبت عليه وقالتله ياوليدي ورى ماتعرس
    وودي تزووج علشان اشوف عيالك قبل مااموت
    وهو يقول بسم الله عليك عقب عمرن طوييل يوووه
    المهم الححت عليه وهو وافق
    وخطبتله امه هاك البنيه...
    الولد عقب العرس ..ماينلام استانس بحريمته وتوافق هو وياااه الحمدلله
    كل يحب الثاني
    لكن المشكله عاد ب( المامي) تقل تضايقت شوي من الوضع(نغرت يعني تغار بالعربي)
    -----------> وهذي فطره عند اغلب الحرييم الكباار خاصة مع عيالهم
    --->غصبن عليها
    بدت إذا جاء الولد عقب الظهر داايخ
    من الشغل وده يتغدا ويناام قبل يأذن العصر.
    وأول مايصك باب الغرفه هو والمره إلاّ والوالده رانعتن عليهم الباااب ( تنكيد يعني) قومو صللو يالله
    وان كان هو ماأذن تطق وتقول قومو توللمو توضو قبل الاذاان..
    ورزح هالباب ماتواطنهم بالغرفه تنهبل
    والولد ماغير ( يقول إنا لله وانا اليه راجعوون ) وش جاه أمي
    وتطوور الوضع بدت العجيّز
    إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير تهجدهم وترجدهم بالليل وانهار
    المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل على طول...
    ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله
    قال ابوصالح انا اعرف علاج امّك زيين بس تطاوعن؟؟
    قال الولد تكفى اللي تبي
    بس فكّنا ياشيخ
    قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك
    قال الولد .. تكفى قللي
    المهم قاله الطريقه واتفقو
    يوم صار من باكر عقب العصر
    جاء ابوصالح لبيت الولد وطق عليه الباب
    طق طق طق
    ابو فلان ابو فلان وبدا يصوّت ابوفلان
    (كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس
    المهم طلع الولد قال
    ياهلاااااا ابو صالح يالله حيه
    ادخل اقلط تقهو
    قال ابوصالح
    لاوالله يابوفلان أنا عجل بس جيت ابي منك طلب وابمشي
    (طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده)
    قال الولد ادخل يارجال واطلب الّي تبي
    الّي تبي بس تقهو
    قال ابوصالح .. الّي ابي؟؟
    ماتردّن
    قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيكياااه
    قال ابو صالح وشّو؟؟ هالشي؟؟
    قال الولد: لاتجي بس تبي تخطب أمي؟؟
    ترى هذي اسمحلي ماأقدر أطلب كل شي إلاّ هذي ..
    قال ابوصالح وراااه؟؟
    قال الولد : الله يعظّم أجره أميمتي
    تقوّمنا لصلات العصر قبل يأذّن وتقومنا نتسنن بالليل . وتقومنا نووتر قبل الفجر . وتقومنا للفجر حريصتن علينا
    والله مااأفّلبه ابد الله يخلّيها لنا ان شاء الله
    قال ابوصالح : والله الصّراحه أنا جااين أخطب الوالده أجل
    قاال الولد لااااا ياخووي
    أجل طس لاتقهوى ولاشي مع السلامه . والوالده مهيب معرسه
    ( كل هالكلااااام والعجيّز تسمع!! ومنهبله)
    راح ابوصالح والولد صك الباب
    دخل الولد والى الوالده بوجهه قالت منهو ذااا؟؟
    وش يبي؟؟؟
    قال ياميمتي هذا خبل سايح وطلب منّي طلب وطردته ( مابقا إلاّ هي بعد)
    اسكتت وهي منقهره تبي تنفجر
    وجاء الليل ونامو ولاقامو إلاّ الضحى
    وجاء الظهر ونامو وماطق عليهم أحد
    والعصر جاء الولد لأمه
    قال ياميمتي سلامااات؟؟
    ماقوّمتينا للصلات الفجر ولا العصر
    عسى مااااشر يووه؟؟
    قاالت العجييز: قومو أنتم عسااكم للكسااميير خلاااص انا منب دايمتن لكم
    خخخخخخخخخ
    وبدت ماتطق عليهم وافتكّو من شرّه
    وهي على رجاء خطبه ابوصالح ههههه



    [img3]http://dc05.arabsh.com/i/00222/ure3lp0slmn1.gif[/img3]

    [img3]http://forum.hawahome.com/nupload/363900_1294169411.gif[/img3]

  2. #2
    عضوة قمة الصورة الرمزية & حلاوتي بشقاوتي &
    تاريخ التسجيل
    Dec 2008
    المشاركات
    197
    معدل تقييم المستوى
    12
    هههههههههههههههه
    مسكينة هالعجيوة هه
    يعطيك العافية
    ملكة باحساسي سابقا
    لكم مني اجمل تحية

  3. #3
    عضوة جديدة
    تاريخ التسجيل
    Jun 2009
    المشاركات
    24
    معدل تقييم المستوى
    12
    هههههههههههه
    الصراحة قصه رائعة ضحكتيني وانا من زمان ما ضحكت من قلب الله يسعدك
    حبيت ارد اول وحده علشان تشابه ااسماء اللي بيننا.
    اختك نجمة عطاء

  4. #4
    كوكب الشبكة الصورة الرمزية أم عبد الصمد
    تاريخ التسجيل
    Jan 2009
    المشاركات
    1,142
    معدل تقييم المستوى
    13
    هههههههههههههههه
    مسكينة هالعجيوة هه
    يعطيك العافية



    الرياضة هي السعادة

    =


صفحة 1 من 2 12 الأخيرةالأخيرة

المواضيع المتشابهه

  1. قصه واقعيه 100%حصلت لشاب في اسواق الراشد بالخبـر ابي الكل يقراها
    بواسطة جود وليد في المنتدى القصص , روايات
    مشاركات: 9
    آخر مشاركة: 23-09-2019, 01:40 AM
  2. قصة واقعية حصلت في اسواق الرياض
    بواسطة الفتاة في المنتدى الأدب
    مشاركات: 31
    آخر مشاركة: 25-09-2016, 01:30 PM
  3. قصه واقعيه100%حصلت لشاب في احد اسواق الراشد بالخبر ابي الكل يقراها
    بواسطة رجوع وردة سلام في المنتدى القصص , روايات
    مشاركات: 8
    آخر مشاركة: 24-11-2011, 03:05 AM
  4. قصة واقعية لشاب وسيم أنظرو ماذا حدث له
    بواسطة بحيره في المنتدى الأدب
    مشاركات: 7
    آخر مشاركة: 18-12-2009, 09:39 PM
  5. صور واقعية حصلت من المترجلات ....
    بواسطة ام انس في المنتدى المجلس العام
    مشاركات: 5
    آخر مشاركة: 04-08-2004, 01:55 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |