قصة حياة بغريرة من البادية للمدينة | فطيمة المراكشية
صفحة 1 من 3 123 الأخيرةالأخيرة
النتائج 1 إلى 4 من 9
Like Tree5Likes

الموضوع: قصة حياة بغريرة من البادية للمدينة | فطيمة المراكشية

  1. #1
    عضوة جديدة
    تاريخ التسجيل
    Dec 2012
    المشاركات
    16
    معدل تقييم المستوى
    10

    قصة حياة بغريرة من البادية للمدينة | فطيمة المراكشية

    بسم الله الرحمن الرحيم




    حكاية بغريرة




    أنا بغريرة ولدت بين الفيافي والوديان قبل سنين وأعوام
    بعمل الفلاح من أمي الأرض وأبي المطر بإرادة الواحد القهار
    وجهي كالقمر إن اكتمل .. وطعمي لذيذ لا يقاوم


    فالقرية .. فدوّار موحا وسعيد .. وفـ دار خالتي أم العيد ..


    خالتي الأخرى .. في الحلّاب عجنتني
    بيديها الكحلة بالحناني .. خالتي حادة بالمهل خلطاتني ..
    من الدقيق والسميد والحليب .. والخمّار وجدتني ..
    فـ ميكة كحلة رزماتني ..وفالكاميلة من البرد غطّاتني ..
    وجنب الكانون فالكشّينة رقّداتني ..




    - وقت الفطور تاع العشرة .. تّي نوضي خبزي الفطور يا زهرة
    - شعلي الكانون تاع العواد وديري فيه اللّوكيد وشي جدرة
    - باش تبقى العافية شادّة الجمر .. راه قتلتنا البرودة والسمرة



    إوى حطّااات زهرة الطاجين تاع التراب فوق مناصب الكانون
    ودهناتو بالزيت غير بالقياس والقانون
    وهزاتني بمغرفة د العود وخا مهرسة .. راه كبيرة وملسة
    وسرحاتني فالطاجين خو القدور .. كي رقّاص المكانة إلا تايدّور




    - ها الفطور موجود يا مّالين الدار ..
    - واآآا خيرة .. رشّي المراح شطبيه وفرشي الحصيرة
    - وحطي الميدة .. وعيّطي لرابحة وبناتها .. وخالتي الكبيرة
    - سعيدة .. حطّي المقراج على الفاخر .. والبراد والكيسان فالصينيّة




    تجمعو الوليدات والبنات والعيالات
    وحطوني فطاجين السلاوي .. وحداية الخبز والملاوي
    والمقراج تيغلي .. ومن فمّو السبولة خارجة طالعة وتعلّي ..


    زبيدة .. قربي ليا قلّوش السمن .. وبيدو تاع زيت العود وسطيلة د العسل ..




    وأنا البغريرة الزوينة البيضة والمسيريرة ..
    أم عوينات منها الكبيرة والصغيرة ..
    فرغَت عليا مّي زهرة التغميسة حتى غرقت بحال الرفيسة
    ولّيت بعويناتي ساكتة وكنشوف ..
    كي شي سكيطة تاع الخروف
    بسم الله ألبنات .. كولو يا العيالات
    وانتما يا الوليدات .. الكبار وللي ما عندو سنينات
    كولو وعمرو بيا الكريشات




    - زهرة .. مال ولدك ما بغا يبرا ؟ ومال كمّارتو درما صفرا ؟
    - غي سكتي على هاذ القهرة .. قالت الفرّاكة ضارباه الصرّة
    - ويلي على السرّة ؟ ّ
    دّيه لسّي موحا يبخّ عليه وبيخر ليه بعين تيقليت الحمرا
    وسيري زوْريه لالة كركابة وكتبي ليه عند مول الفال والحضرة
    - وااا عيطونة .. مالكي مقابلة غير النكير والهضرة
    - نوضي شدّي ولدك راه بغات تنطحو البقرة




    وأنا البغريرة غرام المّوحمة والنفاس ..
    غير بشوية كنذوب بين اللّقامي والضّراس ..
    هاالطاجين خوى وباقي غير الخبز فالطبيقة مغطّي بالكرّاص


    راه ماشي كيعرفوني غير ناس الدشر والعروبية
    حتى فـ الديور الكبار والصغار فالمدينة
    غير بدلو حلّاب العجية وعجنوني فمولينيكس الماكينة



    وخمروني فالغضارة .. ولّا يغطِّوْني فالكاسرونة
    ويخبزوني فتيفال فوق البوطة بحال العروسة المرهونة
    وياكلوني فطبسيل الطاوس بالزبدة والكوفيتير مدهونة
    الولاد ياكلوني بالفرشيطة والموس .. ومولات الدار مع الماعن مشطونة




    إوى سمعو غدايدي مع قوم بنو سام ..
    فرنسا والماريكان والنمسا وحتى كندا كيبيك
    كنت فبلادي المغرب سميتي للاة بغريرة ودابا أنا مدام بانكيك
    من السوبر مارشي جابوني فالباكيا ..
    ندبي عليا ودري ليا العزا .. يا خالتي الشبّاكيا
    خلطوني بالزربة فزلافة تاع الشلاظة والكيك
    وخبزوني فمقلاة الضّو .. بلا بنّة وكنجي كي لاستيك
    على وجهي قلبوني فطبسيل الميكا ..
    وكبّوا عليا الشكلاط والشيرا بحال إلا أنا كيكة
    بقيت غي كنشوف ونتعجّب .. أأ مالهم كياكلوني بالمقلوب ؟
    إوى راه قوم سام .. طوْرُو كلشي .. حتى بغرير والطعام


    ورااااه ضاعت قيمتي الشكلية وحتى الغذائية
    كنت فأصالتي خنشة الطحين وليت نتباع فالباكيا


    على أختكم البغريرة .. غير قراو وبكيوْ عليا ..




    وسمحو ليا يا سكان الأرض بيت حواء
    أش تقولو فهاذ القضيّة ؟
    إلا ما عجباتكم جريوْ عليا ..
    حتى يعواجو ركابيّا ..





    هنا كتبتُ هذه القصة البغريرية
    لعضوات حواء
    تقبّلوها من أختكم في الله فطيمة المراكشية
    من بلادنا الحبيبة المملكة المغربية


    ـــــــــــــــــــــــــــــــ

  2. #2
    المشرفة العامة محررة مبدعة الصورة الرمزية قلب راض
    تاريخ التسجيل
    Feb 2009
    الدولة
    مع الراحلين بقلبي.
    المشاركات
    23,351
    معدل تقييم المستوى
    165
    بلسان البغريرة
    كلام صائب جدّا ويحكي واقعها كيف كانت وصارت...
    ويبقى لها رونقها مع مرور الزمان,,

    منظومة جميلة جدا اختي فطيمة
    يمكن تكون اللهجة غير مفهومة للبعض لكن مع التركيز نفهم معانيها وعذوبتها
    والمعنى الإجمالي واضح ...


    اللهم صلِّ على محمّد وعلى آل محمّد كما صلّيت على إبراهيم وعلى آل إبراهيم, إنّك حميد مجيد،
    اللهم بارك على محمّد وعلى آل محمّد كما باركت على إبراهيم وعلى آل إبراهيم, إنك حميد مجيد.
    .




  3. #3
    مشرفة سابقة محررة مبدعة الصورة الرمزية مــــــــــاريه
    تاريخ التسجيل
    May 2007
    المشاركات
    25,539
    معدل تقييم المستوى
    91
    الله يحيييك يالغالييه منورتنا بقصتك الحلووه ياحلوه

    لهجتكم مررة مهضوومه __ حلووه كثير وانا من المعجبيات بالهجه المغربييه _ صحيح ما اتقن بعض كلماتها بس بحس ان لها نورقها الخاص وهي مو صعبه مررة

    بس لو حاطه الترجمه ههههه مزووح

    والله قصتك رووعه وهذا اعتقد واقع الكثير


    الله يجزاك خير

    في انتظار المزيد من ابداعاتك


    حســـــبنـــا الله ونعـــــم الوكيــــــــل

  4. #4
    عضوة جديدة
    تاريخ التسجيل
    Dec 2012
    المشاركات
    16
    معدل تقييم المستوى
    10
    اقتباس المشاركة الأصلية كتبت بواسطة قلب راض مشاهدة المشاركة
    بلسان البغريرة
    كلام صائب جدّا ويحكي واقعها كيف كانت وصارت...
    ويبقى لها رونقها مع مرور الزمان,,

    منظومة جميلة جدا اختي فطيمة
    يمكن تكون اللهجة غير مفهومة للبعض لكن مع التركيز نفهم معانيها وعذوبتها
    والمعنى الإجمالي واضح ...
    قلب راض

    الكارثة في لهجتنا أننا نفهم كل لهجات العرب تقريبا
    ونحن لا يفهمنا إلا القللللّة

    ربما لأنها سريعة وأغلب الكلمات حروفها ساكنة وبعضها بالفرنسي

    جوزيت خيرا أختي وهلا وسهلا بمرورك الغالي

    .

صفحة 1 من 3 123 الأخيرةالأخيرة

المواضيع المتشابهه

  1. رحلتي للمدينة المنورة ( وصور مؤلمة)
    بواسطة إبهار في المنتدى المجلس العام
    مشاركات: 35
    آخر مشاركة: 27-11-2018, 07:00 PM
  2. الطنجية المراكشية
    بواسطة ندى الربيع في المنتدى الأطباق الرئيسية
    مشاركات: 7
    آخر مشاركة: 11-10-2017, 10:07 AM
  3. في حضرة الضياع || فطيمة المراكشية
    بواسطة فطيمة المراكشية في المنتدى الأدب
    مشاركات: 9
    آخر مشاركة: 29-09-2016, 06:09 PM
  4. احتضار رحلة قطار | فطيمة المراكشية
    بواسطة فطيمة المراكشية في المنتدى أعمال أدبية حصرية
    مشاركات: 2
    آخر مشاركة: 09-04-2014, 05:48 PM
  5. الطنجية المراكشية المغربية
    بواسطة كنزة سعاد في المنتدى الأطباق الرئيسية
    مشاركات: 10
    آخر مشاركة: 15-03-2008, 01:48 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |