ماأساتي اعدلت حياتي

كــآن/ت تمشـــي او يمشـــي في ممر المستشفى والصدمه طاغيه على كل ملامحــهـ/ا... دقيـــقه دقيقـه خليني اقول بزبـــط ايش اللي ســآر قبــلها ..جالســه في غـرفة الدكتــور حاطه العبــآيه على جسمــها مع انوو تقـآسيم جسمها ماتدل على اي انوثــه وصوتــها مايل للخشــــونه ابتســمت : طمني يادكتورالدكتور : عندك الهرمونات الذكريــه اكثر من الهرمونات الأنثويه اختفت ابتسامتها : كيف يعني الدكتور : يعني لو حابه تسوي عمليه تحويــل جنسـي لأنو كل الفحوصــآت والـســآرت بس شــآيفه فم الدكتور يتــحرك وكلمــه " تحويــل جنسي " تترددفي المكان " تحويــل جـنسي " " تحويل جنـسـي " " تحويــل جنسي " قالت بتلكلك بعد ماشرت على نفسها: دكتور انا سارا شكلك اتلخبطت الدكتور اتعاطف معاها : لا يابنتي سارا سارت تسمع كلام الدكتور ومافتحت فمها باأي كلمــه سحبت بعدها شنطتــها وخرجت من المكان تمــشي بالممر وهيا تقول : انا ولــد !اتقشــعر جسمــها من الكلممه ... دموعها مغرقــه عينها مو قادره تنزلها لأنو تحس انها بحلماو مقــلب او اي حــآجه .. ركبت السيـآره وقالت للسواق يروح للبيــت مو قادره تبــكي ولا قادره تفكر غيير باإنو دا كــدب تحويــل جنسي .. فييييين احنــآاياديــها تتنـآفضدقااات قلبــها مسمووعـه في المكــآن عدســة عيـنها ولااتحرركت من مكـآنها كآنت بتصووبه على شبااك السيـآره فاقت على صوت السواق: وصلنا مدآمخرجت من السيـآره ودخلت البيت لقــت امها جالســه والاغراااض مرميــآ حوليــها جلست على الكنبه بدون اي كلمــه امهاا طالعت فيـها وهيا بتحط الملابس بشنطه كبيره : ايش قالك الدكتور ضمت عبايتها لجسمهاا وعلى صوت امــها استووعبت نزلت دموعـــهاا : ماماااا _ وفررطت بكــآ _امها افنجعت قامت من مكانها على طول : سارا ايش فييي .. ؟ساراا بكت بكل صووتها : مامااا قوليلهم انا بنت والله بنت امها جا في بالها شي تااني مراااااااا قربت لعندها وقالت بعصبيه : سارااا لاتوقفيلي قلبي ايش اللي ساارسارا اشرت على نفسها وتهرج باإنهيار: يقولي انا ولد قلي اسوي عمليــه عشان اسير ولد _ اشرت راسها بنفي _ ياماما بيكدبوو والله عليناا عشان يااخدوو فلووس انا بنت امها لسى ماستوعبت : ايششش !سارا رفعت رجلها على الكنبــه وضمتهاا لصدرهاا : ياماااماا زواجي بعد شهــر ايش اقوول لماهر ياماما انا احب ماهر والله احببوو انا بنت مو ولد امها ولاقدرت تقرب منها فضلت واقفه في مكانها وكلام بنتها صاعقه نزل عليــهاا سارا فضلت تهرج بدون عقل حاطه راسها على ركبتــهاا ودموعها ولا وقفت : مااابى اسوي شي انا مو ووولد ساراا مالقت من امها اي تفااعل قامت من مكانها وراحت لغرفتها وقفــلت الباب وجلست وراهـتطالع في غرفتها اللي كلها وردي × وردي ملابســها القصيـره الانثوويــه مرميـآ في كل مكــآن تسـريحتها كل انواع الميك اب عليــها كل انوااع الكريماات فيــها كل شي يدل ععلى انوثتـها بدي الغرفـــه فضلللت بس تبــكي مرت ساعه ساعتيــن وهيا على حالهاا ليــن مارتخى جسمـها من التعــب انسدحت على سريـرها وهيا تتذكر كلام الدكتورقالت بصوت راخي وهيا تهرج بهذيان و: انا سارا خطييبة ماهر .. تحويل جنسـي ..! ..بس انا بنت امها فتحت الباب عليـها وجات عندها ودموعها في عينها جلست على السرير : سارا اايش قالك الدكتورسارا خلاص سارت تهرج بدون وعي : ماما لما كنتي حامل فيا وكشفتي ايش قالولك مو بنت كانت تهرج بهدووء بس دموعها هيا اللي تعبــر عن موقفها امها حطت يدها على فمها وبس بتبكي : لاحول ولاقوة الا بلله سارا رفعت راسهاا وحطتو على رجل امها : قوليلهم انا مخطووبه لماهر انا زوجتــو انا بنتك الوحيده امها : سارا خلينا نروح للمستشفى ابى اجلس مع الدكتورسارا على طول رفعت راسها وقالت بردة فعل سريعه : لاااا ماحروح تاني للمستشفى ماعاد ابى ادخل اي مستشفى انا كويسا كداا وماهر كمان يحبني كدا مافيا شي مابى اسوي شي امها : سارا حبيبي انا ابى اطمن عليكي سارا تهرج بخوف : انا مطمنــه كدا شوفيني كنت بهرج واضحك وبلعب مافيا شي هما الدكاتره كدا ياماما لاتقوليلي اروح تاني بعـــد شهــر وبتحديد في مستشفى بجدة ... منسدحه على الســرير الابيــض وماسكه يد امها ووجهها منفخ من كتر مابكيــت سارا غمضت عينــها بتعــب وقلبــها مرا يوجعــها ماقالت لماهر انها بتسوي عمليــه تحويــل .. قالتلو كشفت والدكتور قال عندي عقــم وطلقـها بدون تفكيــر .. هوا يحــب الاطفـآل اكتر من اي شي مافكر انو ممكن تتعالج رمااها كدا على طول مااحست بعدو الدنيا فارقــه عندها منسدحه على دا السرير ومستنيــه موعد عمليتـهاقالت لأمها مستحيــل ترجع تعييـش في المدينــه بين اهلها ماتقدر تجلس مع اولاد خالاتها هيا حســآســه حتبـكي من اي شي يسـرلها من اي نظرة شفقه تبـى تعيش هنا بجدهـ ناس مايعرفووها حياه مستقلـه محد يعرف هيا ايش كــآنت حتقول لأهلها انها بتدرس في جدههوا صح حبل الكدب قصيـر بس مستعده تسوي اي شي بس محد يدري بللي بتمر فيـه دحين ابوها وامها بس اللي عندها في المستشفى .. في صبــآح اليـــوم التــآني تبــكي بكل صوتها منــهااره قصـــدي منــهـآرعاش 19 سنــه باعضـآء انثويـــه على اساس انو بنـــت ودحيــن فجأه قـلب ولـــد لو يبــكي لبــكراا محد يفــهم محد يقدر يحس بللي يمــر فيــهمتقرف من نفســونفســو يمووت ولا يعيش دي اللحظظات فضــل في المستشفى اسبــوع ..حـلق شعـروو وجههو مافيــه اي شعــرهـ .. امو اشترتلــو ملابـس حطتها على الكنبـه وخـرجت جلس على طـرف السرير خلاص مابقي اي دمووع قلبـو من كتر مايبــكي جمـــداخد المرايـه اللي على الطاوله وطالــع بنفســوولللد اتذكر قبــل سنتين لما سوو حفلــة تنكــريه وهوا اتكر على اساس انو ولــد وبنات خالتوو كانو طايحين عليــه ويقولولو مراا كأنك ولد دحيـــن هوا ســآر ولــدجسمــو هوا الوحيد اللي يدل على انو ولدطويـــل وعريـــض بس ماهر كآن اعرض منـها بكتير كان اطول منها عـمرو ماشتكــى من جسمها قصدي من جسمــو .. حط المرايه على جمبــ وقام من على السرير دخل الحمام ولــبس الجينز وتيشيــرت جينز مو مخصــر زي اللي كانت تلبـسـهم تيشيــرت مو باألوان زاهيه وملمسو حريــرلبـس تيشيرت اخضــر ساده عدلت الياقه وخرج من الحمام امه دخلت واول ماشافتو على طول نزلت عينها ماقدرت تطالــع دخلت باإرتباك تلم الاغراض بشنطوهوا فاهم ادا هوا مايقدر يطالع عدل في نفسو بالمرايه اجل كيف اموو اللي دلعت فيــه 19 سنــه فجأه تلاقــي بنتها تقــلب ولد ..!والشي الوحيد اللي تقدر تقولو اللهم لاإعتراااض بحكمتك: ماما _ سكتت دوبها حست بإنو صوتها طبيعتو خشـن كأنت اول ماتتم بس دحيــن بدأت تميـز وطت صوتها وقالت _ جهزتولي الشقـه امو قفلت الشنطـه : ابوكي مجهز كل شي ماقدر تقول ابوك ماتقدر تكلمها على إنها ولد ابوه دخـل وكآن عكس امو يبـى يحسسها انو شي طبيعي بس هوا من جوآته بيموت الف مراا لما يشووف بنتو او ولدو الحاله اللي بيمر فيــها جا لعندو وهوا مبتسم : كل شي اتغير سار اسمـك سـآري وشقتـك جهزتـها لك بكــل حـآجه حتدخل تنبـهركآنو يبـو يعوضوه مانقصو عليـه باأي شيابوه كمل وهوا يحاول بس مايبـكي : مين قدك شقــه لوحدك وحتنفك من صووتي وانا اصرخ كل يووم بس هييه لاتنسى كل صلاه تنزل تصليها في المسجد ترااك سااري دحين انسى سارا كلمــآت تخرج من فم ابوها مذكره مافي اي تأنيـثتحس الكلام كأنو مو موجه لها بلعت ريقها وهيا تبلع معاها ميــة غصــه واقفه بحلقـها اخدالشنطه ورفعها على كتفو : وايش سويت بالشغـلالاب : ساري انتا تدرس طب تباني اسيب مستقبلك عشان ساري قاطعو : بابا انا ماعاد ابى ادرس الاب : دا مستقبلك حتكملوو كل اوراقك جهزتها وحتدرس بجامعة ابن سينـآ من الاسبوع الجاي وسجلتك برضو بجيم علشان تشغل وقتــكساري وقف بدون اي حول ولا قووه وابوه سوا دا كلوو علشان يباه يختلط مع العياال يبااه يدخل عالمو الجديد خرج ساري من الغرفـه وهوا يمشي ومنزل راســو شي غريــب يمشي بدون اي عبـآيه الشباب وقف عندي دي النقطــه رفع عينوو وهوا بيـحس انو مافي اي احد بيطـآلع فييييه دخل المصعد وكل المكــآن مرايااات مايبى يطـآلع بكل جسموو كاره نفسسوو .. جسمو مافيها اي معالم انثويه لا من قدام ولا من وراا ماصدق ركب بعدها السيـآره مع ابووه واموو ووصلـوه للشـقه جلسو معاه شوويــآ وودعوه وراحو للمدينــه جلس بشقتو على انو فيها كل شي يحبــه بس فضل منسدح على الكنبــه يفكر ويفكـر ويفكــركيف حيعيــش دا العالم اللي غير عن عالمو كيف حيختلط بالشباب وهواافتكر ايام الثانويــه لما كآن مسوي نفسـو بويـآ والبناات يجو معجبيــن افتكر كيف كان يشمر اكمام المريول بس من بعد مانخطبت عقلــت سارت تلبس كل شي انثوويرمت كل ملابســها لها بس شهريـن متغيره غيرت لون غرفتها للوردي عشان ماهرسارت تلبس قصير وفساتين وتنانير قصيره علشان ماهروفجأه احلامها كلها اتحطمــت قام من على الكنبــه بعد مافتكر انو ماصــلى راح اتوضـآوضحك بسخريــه لما كان بيدور مسفع صلاه وقف على القبلله شي غريــب مو قادره يصلي كدايحس انه عرياااان مو عاد بلبس 13 سنه وهيا تلبس دا المسفع وبيوم ولليله يبوها تصلي كدا بدون شيكبــر وصلللى وفي النهايه فضل ساااجد ويبــكي ... بعد 3 ساعات اخد محفظتو من على الطاوله فتحها لقى الهويــه اسمو عليها ســـآآآريفتح باب الشقــه بتردد يبى ينزل البقـآله اتشجع وخرج قفل الباب وراه ونزل الدرجات بتردد واااضح خرج من العماره ودقات قلبـو ورا بعض شباب من كل مكااان شي غيــر عنووو واحد مشي من جمبه وصقع فيه وطاحت المحفظة من سااري الولد بعصبيه : انتا ماتشووفساري نزل للارض ياخد المحفظه وقال بخوف : سووري والله مانتبهت الولد كشــر اتووقع مضــآربه : هههههههههه سووري ! _ مشي وهوا يضحك عليـه _ساري حاول ينتبه لردات فعلو مايبى يكون مهزأهـاشترى اغراضــه وطلع للبيت 4 ايام مرت عليـــه بس في البيت حتى صلاه يصليـها في البيت ماينزل ااابدن اي اكل يطلب تووصيـــل اتصـل عليـه ابوه لما حس انو مافي امل يتغيــر ..: ايوا ساريساري : ايوا ببابا ابوه: قول ابووياا ساري ماقدر : ايش فيي؟ ابوه : شوف الشقه كبيـره عليـك ساري : طيب ظابوه : امس لما نزلت جده وروحت لجامعتك علشان اتأكد من التسجيل شوفت واحد وشكلو من مكه وبيدور على شقه هوا بنفس جامعتكساري فهم بس ماتقبل لسى : يعني !ابوه : اليوم حيجيب اغراضو لسى دوبو متصـل عليا ماخد العنووان وهوا مجهز نفســوساري : بابا مو من جدك تبى تسكن ولد معايا ابوه بحزم : ولد زيــك ساري : بابا انا مو _ سكت ماقدر يقوولها قال بضعف _ اللي تشوفو ابوه : الولد اسمو محمد سار ي: طيبقفل من ابووه وبعد ساعتيــن دق الباب .. ساري فتحلو ولقــى ولد ابيــضااني ودبدووب والابتسامه على وجهه : انتا ساااري ؟ساري : ايوامحمد مد يدو: ياأهللن انا محمد ساري طالع بيد محمد حيسلم على رجـآل ..!مد يدو بتردد ومحمد سحبو لعندو وسلم عليــه وكعادتو محمد يدخل عــرض :والله ياإنو ابوك انقذنني شووف مابى اكون من البدايه تقيـل بس اغراضي ماليــه السياره تقدر تساعدني ساري ابتسم : طيب مافيها شي ساري مشي جمب محمد ومحمد ضربو على ظهرو : هوا دا الكلام سااري حس ظهرو انفتتك كان بيقول آآآآآآآآي بس كتمهاا جوآآآتــه نزلو شالو الاغراض وساري كآن بيشيل الاشياء الخفيفه محمد طالع فيه : دحين بلله شايل دا الكيس لوحدو وربي اختي تشيل 6 اكيااس زيهم ساري : هههههه طيب هاات اشيل الباقيساري نزل وطلــع مع محمد وبعدها اتررمي على الكنبه ومحمد اترمى بالكنبه اللي قبالـــه : آآآآآآه يااربي محمد ضحك ولكنتو مرا مكاويه : اسكت يوواد لحد يسمعك محسسني مدري ايش سوويت ساري : مشي حالك محمد مسك بطنو : ابوك قال في جيم قريب صح ساري : دوبك واصل من مكه محمد : هههههههههه محسسني انو مكه بعيده انا في اليوم اجي 3 مرات جده عادي ساري : اها انا اصلا ماحب الرياضه ودي الاشياءمحمد :والله انا عن نفسي راايح بروح اغير ملابــسي ونازل تبى تجي اهلن وسهلن ماتبى تجي رتب اغراضي بالغرفه هههههههههههساري طالع فيه مصدوم مايدري انو في عياال كدا داخل مرا عررض مفجوع محسسو انو يعرف من عشرين سننه ساري قال كمان هوا يغير وينزل معاه يمكن يقدر يخرج من عالمو دا لبــس شوورت وانتبه لشعـر رجلو خفيــف مراا متقرف منوو نفسو يحرقووولبس تيشيرت شبــه وسيــع وسمع صوت اقامة الصلاه خرج من الغرفه ومحمد مخلــص .. محمد : سااعه علشان تلبسساري :اتوضيت محمد : انا لبست واتووضيت وخلصت وانتا لساتك مرفوس بغرفتك يلا خلينا نلحق على الصلاهساري مشي ورا محمدمتووتر بذات لما وصل للمسجد والرجال كلهم داخلين فسخ شبشبوو في الركنيه وشالها وحطاها عدل فوق بعض ومحمد فرط ضحك : ابوو شكلك ياااشيخ كان جبت كمان كيس تلف فيه شبشبكدخل محمد وهوا بيضحك : استغفر الله بساما ساري انتبه كيف للرجال بيفسخو بدون حتى مايطالعو كل الشباشب فوق بعـضدخل ووقف جمب محمد شعوور حلــو في المسجدماقدر بعدها يضيــع اي صلاه جمــآعه راحو بعدين للجييم ومحمد بس يفرط ضحك كل مايقول سااري: اوووه مراا تقيــل محمد شيلو شيلوومحمد : ههههههههههههههههههههه انتا ايش حكاايتك وربي لأمووتك تعاال شيل داا ساري : دا تقيـل اهبل انتــآمحمد : ههههههههههههههههه دا ايش تقيــل ههههههههههههههههههههههه مــرت الايام مع مــحمد ..وســآري بدأ يتعوود على دي الحيــآه بدأ يروح كل صلاه للمسجدبدأ يروح يومياا الجيــم ومحمد سار يسحبو معاه في كل مطعم وكافيفي احد الكافيهات ساري جالس على الطاوله وسامع صوت البنات جمبهم بيضحكوو ولا طالع فيهم اما محمد : أأه ياوويل حاالي اناااساري : ههههههههه اهبل انتاا محمد : ياشيخ انتا ماعندك دم شووف جسمهاا كيف ينطقساري طالع في البنات حس باإحساس غريــب حس باإنوو ولد طلع فيهم بنظراات اعجاابعجبتو واحده فيييهم وعجبتو ضحكت ديييك وملامح اللي جمبــها بدأ يتأقلم مراا بس الشي الوحيــد اللي لايــمكن يسويــه انو قرايبو يدرو بهرجتــوواول يووم بالجــآمعه ساري قام ولبــس ومحمد مخموود دخل عليه الغرفه واتعود على العفااشه افتكر اول مرا صحى فيها محمد وهوا يناديه بهدوء : محمد محمد قووم محمد الساعه 8 اما دحين شال المخده ورماااهاا في وجهه ولما مارد جاب جك المويــآ وكباااه كلوو في وجه محمدمحمد شهههق وقام مفجووع : الله يااااخدكسااري بدأ لسانو يسيــر زي محمد : قووم ياازفت شووف السااعــه كــم محمد : وفي حد يصحي بني ادمي كدااا اهببل انتااا ساري: ههههههههههههه ايش اسوويلك ماتقوم الا بدي الطريــقه محمد قام من على السرير : الله يااخدك ياشيخ خرج من الغرفـــه وراح استحمى واتجــهز وهوا متووعــد لسـآريمن يوم ماوصـلو للجامعه كآنت في بنت بتمشي جمبهم الا محمد دف سااري عليــها ساري بعد عنها مفجووع والبنت صرخت : آآآآيسااري : اااسسف محمد : فديييت الاااي اناا ساري ضربو على كتفوو : اهبل انتامحمد : هههههههههههه مو انا اللي اتصحى بدي الطريقــه دخلـو الجامعه وساري بدأ التوتر يزيــد اخد زفيـر وشهيــق .. وبدأ يدخل بعالمو الجديدمحمد سحبوو من قفــآه : تعاااال اعرفك على الشباب سااري دف يدوو : طيب جااي بنفسسي بلا بشكلك محمد وداه لأصحابو : دا رامي ومروان وحسام وعصـآم ... ودا ياشباب ساري انا وهوا ساكنين بنفس الشقـه اتتعرف عليــهم ساري ساار واحد منــهم عــآآآش 3 شهوور صح اخد محشــآت كتيــر بس كآن يتقبـلها يتعللم منهـآ سار واحد منــهم واتنين منهم سكنو معاهم بالشقه سارو اربــعه دكتور محمد ودكتور ساري ودكتور عصـآم ودكتور مروان .. دراستهم مع بعض كل واحد يفهم التاني والخمســه الصلوات يروحولها للمسجــد مع بعــضالجيم الجامعه الكافيهات والمطـآعم.. كل شي سار جزء من حياتو مع الشباب حب حيـآتو دي اكتــر من حياتو الاولــى .. كآن نــآيم بغرفتو بسلام وأمــآن وطــب عليــه عصــآم : ساااااااااري فين اوراااقي اللي حطيتها عندك ساري فتح عينو مفجووع : ايش عررفنننيي عصام : كانت على المكتب فين اختفت ساري جلس : ايش دراا اهلي خلاص اخرج واقفل الباب ورااك عصـآم : انتا اللي عندك وسواس قههري من النظافه وبتنظف كل فتحه بالبيت ساري : الاورااق كانت بغرفتيعصـآم : يعني تعرف مكانها ساري : رميتها بغرفتك يلا اخررج عصـام : ايش الحركات دي حقك سار ي: انتا متى حتكبر ياأخي سوينالك غرفه زي ماتبى وبرضو اغراضك مرميا عندنا ايش تبى نخرج يعني من البيت ونسبلك هواعصــآم خرج بعد ماسب سااري وساري انسدح يبى يدور النووم .. ولا ربع ساعه الا دخل مرووان وجلس على السرير : هيييي قوم قومساري : لاحووول يااربي ايش بكم انتو اليوم مشحوونين ابى انااااااااااام مروان : انا في مصيبه الحقني ساري : طول عمرك في مصايب جات على اليوممروان : لا ياأخي ديييي غيييرساري بتعب : هااا ايش ساايرمروان : مزتي قفلت جوالها ساري : وانا ايش للي مروان : بما انك كنت بنت في يوم من الاياام اكيد تعرف ظروفها سااري جللس : انا كم مرا اقووولكم لحد يفتح دي السيره مروان : ههههههههههههههههههه ياأخي بتناقش انااا ساري : اصلاا انا الغلطان اللي قلتلكم مروان : ساري ساري كيف كان احسااسك وانتا بنت يعني ساري قاطعو وهوا معصب : اطللع برا انا من بكراا حسوي مفتاح لدي الغرفه مروان : طيب دحين فهمني البنت كيف اهرج معاها يعني انتا خبره ساري : بتدلع عليك البنت خلاص ارتحت تبى تشوف ازا حتهتم ولا لأمروان : طيب يعني اسوي نفسي مهتم ولا كأنو مافي شي ساري : سوي اللي انتا حاسوو ولو لمرا في حياتك حس ياأخي واطلع من غررفتي مروان : طيب بسألك اخر سؤال وحطلع عندك صور وانتا بنت ؟!ساري جا يقووم الا مرووان خررج من الغرفه بســرعه مايفتحو دي السيــرا الا بيناتهم .. قلهم لأنوو هما عايشين كمان وكل واحد عندو مصيبه فاحب يشـآركهم زي ماشاركووهـوقت الاجازهـ ..قرر يروح للمدينـــه ممع انو خايــف من ردة فعلهم بس قال لازم يحط النقاط على الحروفامو قالت للكــل الحقيقــه وهوا جــآ شاف نظراات اولاد خالاتو وخالاتو واعمامووو عليه بشكل مو طبيعي وكلهم مصدومين بس هوا ماجا لوحدوو جا مع اصحاابوو علشان يدخل بالجو على طول وساار اللي يبــآه محد اتقبلوو بالبدآيــه بس من شخصيه محمد اتعلم كيــف يدخل عرض ويفرض نفسو على الكل واتعلم من عصــآم انو ماتهتم لنظراات احد واتعلم من مروان انو خلي بثقتك ك كبيــره وانتا حتحقق وحتوصــل للي تباااه اتعلم اشيااء كتيــر منهم فرض نفسسوو ماهتم لنظرات احد وثقتو نــآ قوويـــه .. ودآ ســآري الجديد .. خــرج من المجلــس الكبيـــر وقال من كل قلبــه :لا اعتراض ع حكمك ي الله جلس كم ساعه مع اهلو وبعديـــن نزل لجدهـ مع اصحــآبو حاجزيــن شاليــه وحينبــسطوو قبل لاتخلص الاجازهـوســآر يحــس بطعم الحيــآه حابب كل شيكل تفاصيل حياتو من اصحاابو لطريــقه لبسو وكلامو وكل حــآجه ..