## وفـــاءً لقـلبــــه ##

[كتمــان]

الجــزء التاسع


قبل ماتنام قررت تكتب مشاعر وفتحت ملفها وبدت تكتب


(( مشاعر قلم من احساس قلب ))

لااعلم لماذا احسست انك تستحق اكثر بكثير مما كتب عنك ..ومما اكثب عنك ..
عندما رحلت بكينا كثيراً وايضا هناك من حاول اخفاء دمعه لانه تعلم منك انت كيف يكون قوياً عند المصائب
..
عندما افكر بما يقارب الربع قرن ابتسم لانني عشت هذه الفتره وهي عهد الازدهار والحضاره والتقدم والعطاء
..
ايها القائد الأب سمعت كل البرامج التي تحدثت عنك
سمعتها بقلب الابنه الفخوره بقائد بلادها ..
مررت بكل الفضائيات لاحاول ان اروي عطشي لمعرفة انجازاتك وعطاءتك لأحاول ان انقش هذا الابداع
بداخلي حتى اتذكر ان هناك رجل اعطى واعطى واعطى الكثير نعم انك رجل مختلف وقائد مختلف ..
فهد بن عبدالعزيز آل سعود انت لم تكن رجل عادي او قائد عادي بل كنت قائد فذ وحكيم ومبدع ..
عندما انتقلت الى رحمة الله تذكرت وقتها حملات التبرع الذي امرت بها..
تذكرت حالات الرياض وجده والطائف وكل مدن المملكه.. تذكرت انك رجل مسلم محب لاخيه المسلم
في أي مكان فهد بن عبدالعزيز اسأل الله العظيم ان يجعل لك مثل جزاء كل متبرع بكل حملات التبرع التي
امرت بها وكنت اول المتبرعين بها ..
رحمك الله واسكنك فسيح جناته ..
رسمت وابدعت نعم رسمت لنا ولدولتك وبلدك لوحة العطاء نعم تعودنا ان يقترن اسمنا بالعطاء والكريم فهد
بن عبدالعزيز ال سعود انت رجل لاينسى ولن ينساه التاريخ ولاقلوب احبته واعتزت وافتخرت به رحمك الله
ياشيخنا وقائدنا ..


قفلت الملف بعد ماكتبت جزء من احساسها ومشاعرها ..وظلت تتأمل هالملف الاخضر هالملف الي اختارت
لونه مثل لون العلم الأخضر الي يحمل اطهر كلمه بالوجود ..تذكرت ان الكلمات مهما زادت ومهما ترابطت
بتظل حبر على ورق ماراح يكون له أي قيمه الا اذا انكتبت بااحساس صادق وهذا اسلوبها بكل كتاباتها
ابتسمت لنفسها دلالة رضى على الي تكتبه واخذت دفتر ثاني يحمل مقالات لها كانت لها عناوين مختلفها
( الفراغ العاطفي سبب وعلاج) ( الحوار لغه لابد ان تطبق بمدارسنا) ( التداول اصبح داء العصر الجديد)
( الخوف من الفشل اصبح بوقتنا فشل اقوى) ( الابتسامه جمال وحزن عميق )

ابتسمت ريم وحست انها لازم ترجع للمقالات لانها ابتعدت فتره عنها وقررت تكتب مقال جديد بعنوان
( غداً سيكون اجمل ) ماتعرف منين خطر لها العنوان لكن هو احساس وريم تعودت تكتب احساسها دائما ..





جاء الصبح بسرعه وخصوصاً على نوره الي كانت جالسه بالصاله ومغطيه ووجهها بطرحتها

غاليه بهدوء..نوره اصحي يالله طلعوا
نوره ..اف يالله ماابي اروح
غاليه..ههههههه الحين تطلعين بالجو الحلو وتنسين النوم
نوره..وين ريم
غاليه ..برا مع خالتي وفارس
نوره..يالله مشينا
طلعت نوره وحصلتهم خلاص جاهزين
ام فارس..يالله تأخرنا

ركبوا البنات مع فارس واتجهوا لبيت خالهم ابو محمد نوره رجعت تكمل نومها اما ريم كانت سرحانه
بعنوان مقالاتها الجديد ابتسمت للعنوان وتمنت من الله انه يجعل ايامها كلها احلى واحللا اما غاليه فكانت
تعاني تتعذب تقاوم صرخات داخلها ام فارس طيبه بس عمرها مابتقدر ترتمي بحضنها وتحسها مثل امها غاليه
صعب تعطي نفسها مساحه من الحب مع ام فارس لانها تخجل منها اما نوره وريم كونت صداقه جميله معهم
لكن مازالت تحس انها ضيفه عندهم واحيانا توهم نفسها انها بترجع لبيتهم اما احمد فهو فعلا تحسه ولد عم لها
سلامه وحضوره القليل معهم حسسها ان احمد انسان طيب اما فارس فكان مثل الورقه البيضاء الي كل
مارسمت له صوره شوهت هالبيضاء ورجعت ترسم له صوره جديده تعددت صور غاليه وظل البياض
هو الشئ الوحيد الي يشبه فارس فيه الهدوء وفيه التوازن وفيه الامل تحاول تشوهه بألم لكن تفشل ماتعرف
احساس متناقض تجاهه ساعه تكرهه وساعه تتمنى تعيش بسلام معه لكن رغم كل شئ ظلت ذكرى الزواج
وكيفيته تحاول تشوه صوره حلوه ترسمها افعال فارس مو خيال غاليه ظلت تفكر لحد ماوصلول لبيت الخال
الي حصلوهم جاهزين وطلعوا مع بعض الى البر ..


في بيت ام بدر كانت ساره معصبه على راكان

ساره وهي معصبه ..حرام عليك يااخي طفشتني
راكان باابتسامه..يالله بس تأخرنا اعنبو ماعمري شفتك صاحيه وانتي مبتسمه
طلعت ساره وهي معصبه وركبت سيارة بدر
بدر والتفت لها ..غريبه ماركبتي مع راكان
ساره..ماابي رفع ضغطي كل شوي كاب بوجهي مويه يقول ابتسمي احد يبتسم وهو توه صاحي اف
ام بدر..ههههه حرام مايهون علي يسوق لحاله تروحين والاااروح
ساره..لاروحي انا بركب قدام مع بدر من زمان ماشخصت مع هالحلو
بدر..احم
ساره..لاتصدق بس العب عليك
نزلت ام بدر وراحت مع راكان بعد ماوصت بدر انه مايسرع

وصلت العايله للبر وجلسوا الرجال بجهه والحريم بجهه لكن قريبين مع بعض وكان جو حلو يجمعهم جو
المحبه والتواصل الي يميزهم كثير..

ابو محمد ..فهد وشلون الشغل
فهد باابتسامه..تمام التمام
ابو محمد..الله يعطيكم العافيه ويقويكم
فهد..تسلم ياخال انت شخبارك
ابو محمد..
سامي..خالي ماحنيت لشغل ماودك تشتغل
ابو محمد..لاياولدي خلاص ماعاد نقدر على شد الاعصاب
فارس..افا ياخالي كبرت
ابومحمد..ههههههه ايه كبرت
فهد..خالي عبدالله متى بيرجع
ابو محمد..بنهاية الاسبوع
وصلت عندهم ام بدر وجلست معهم ..

ام بدر ..كيف الجو معكم
ابو محمد..حلو وين الباقي تعالوا معنا مافيه احد غريب كلهم عيالكم
ام بدر..لايااخوي تعرف البنات يستحون
بدر..يمه راكان وينه
ام بدر..راح هو وبندر ماادري وش عندهم
فهد باابتسامه ..ياخاله كيف الاسهم
ام بدرتناظره بطرف عينها ..تسألني انا ..انا من صغار المساهمين اسأل نفسك وولد خالتك
فارس..ههههههه لاياخاله انتي مشاء الله مو من صغار المساهمين عندك خبره ولك اسهم حلوه
ام بدر..ههههههه الشكوى لله ذبحتنا هالاسهم
فهد ويضحك..عادي خالتي بيرتفع السوق
ابو محمد..مساكين هالعالم فرحت بهالاسهم وطاحت وضيقة صدورهم
فارس..الاسهم ماهي لعبه الكل يدخلها تحتاج خبره ودراسه مو ربح سريع يجازفون بفلوسهم الي باع سيارته
والي بيته هذا تهور
بدر..والحظ يافارس ماله دور بهالموضوع
فارس وبجد ..كلمه الحظ عند البعض مثل الشماعه يعلقون عليها فشلهم انا هذا رائي
سامي..بس تتوقع الفشل خطأ يافارس
فارس..لاطبعاً بس تكرار الفشل هوو الخطأ وخاصة اذا كان بنفسس الاسلوب والطريقه
ابو محمد..بس ياولدي التكرار والخطأ يوصل لصح والي مايخطي مليتعلم
ام بدر..صح كلام اخوي
فارس يبتسم لخاله وخالته ..صح ياخالي


ابو محمد ويلتفت له ..شلون بنت منصور يافارس
فارس مستغرب..بنت عمي
ابو محمد ..ايه عساها مرتاحه ولاقاصرها شئ
فارس..لاياخالي تطمن
ابو محمد..تراها يتيمه ياابوي
ام بدروبصوت واطي ..تكسر الخاطر المسيكينه لاابو ولام ولااخوان
فارس..لا ان شاء الله مابيقصرها شئ احنا اهلها
ام بدر..مايحتاج نوصيك نعرفك راعي سنع
فهد..عطونا من هالمدح
ام بدر..ههههههههه مايحتاج نمدحك انت اذا قلنا اسمك هذا مدحه لانه مايحتاج نزيد عليه
قام فهد وحب راس خالته..قولي اميين الله يفرحك فيه ويأشر على بدر
ام بدر...وفيك والا ماودك
فهد باابتسامه..على يدك
ام بدر..الله يوفقك اذا تبي تعرس الله يطول بعمر امك مابتقصر المهم يالله بروح اشوف البنات توصي شئ
اخوي تبي شئ نسويه
ابو محمد..تسلمين بس محمد وين راح
فهد..يكلم بسيارته
سامي ..بروح اشوفه

وصل عنده بسيارته وحصله سرحان

سامي..وشفيك
محمد بملل..ولاشي
سامي..عبدالله كلمك
محمد ويتنهد..كلمني
سامي وتأكد شكه ..وشفيه
محمد..ماادري ماني مرتاح
سامي وبعد صمت قليل ..بقول لك لاني كذا مو مرتاح
محمد وخاف..فيه شئ
سامي..اسمعني من اسبوعين شاف واحد من الشباب عبدالله مع واحد مدمن مخدرات المهم يقول طنشت
قلت اكيد فيه شئ بس الغريب انه شافه معه ثلاث ايام متواصله يسهر معه ويقول سمع ان له علاقه معه وبعدها
بيومين مسكوا هالشاب وتحول للعلاج
محمد مصدوم..وش قصدك
سامي..انا احترت وخفت اكثر لما عرفت انه سافر كنت ناوي اكلم بدر بس تردت وقلت لاحمد وكنا ناوين
اليوم نقول البدر
محمد مازال مصدوم..لامستحيل عبدالله مدمن
سامي..لتفاول ان شاء الله مافيه شئ
وصل فهد..وش عندكم وش فيك محمد
محمد نزل راسه وسكت .....
سامي..قال السالفه لفهد وووصل فارس وعرف الموضوع
فارس..فهد انت ضابط اعرف اذا عبدالله له علاقه
فهد..اوكي تطمن محمد انا بتصل واطمنكم بس نبي عالاقل ساعه حتى نعرف
فارس..محمد مابيصير الا الخير لايحس خالي اهم شئ ماله داعي نقلقه لحد مانتأكد
محمد يتنهد..والله مو ناقص انا
فارس..ليه شفيك
محمد..ولاشي
سامي ..خلاص شرايكم نسأل بدر
وفعلاً سالوه واكد لهم انه مايعرف شئ وان عبدالله له فتره يتهرب منه ويبتعد عنه وساعه مرت كأنها سنه عليهم
لانهم كانوا مشغولين بالتفكير ودق جوال فهد وقام بعيد عنه وتبعه فارس وظل محمد على اعصابه لكن ماقدر
وتبعهم
فارس باابتسامه..تطمن
محمد..خلاص مااقدر قولوا لي
فهد..هذا تربية ابو محمد لاعبدالله هو الي مبلغ عنه التفاصيل مااعرفها
محمد وبصوت عالي سمعه الكل..يووووووووه اخيراً تلفت اعصابي بهالساعه
ابو محمد بصوت عالي لفت انتباه الكل حتى الحريم ..محمد شفيك
رجع فهد وحب راس خاله ..ربية رجال ياخالي
الكل تحمس من الرجال والحريم بيسمعون وش يقول فهد
ابو محمد..شصاير انا عارف ان محمد فيه شئ من جينا
فهد..كان خايف على عبدالله لانه سمع انه يماشي هاليومين مدمن مخدرات وقبضوا عليه
ام محمد بخوف قامت ..وين ولدي بسم الله عليه
فهد..تطمني ياخاله عبدالله بدبي وهو الي مبلغ على المدمن واكيد انه متأثر وحب يسافر يغير جو
ام محمد..يمه ولدي لايسوي فيه شئ
ابو محمد..مابيصير الا الخير المهم اتصلوا عليه وطمنوني

وفعلاً اتصلوا على عبدالله ورد على اساس انه محمد اخوه

عبدالله..نعم
ابو محمد..السلام عليكم
عبدالله بفرح..هلا والله بالغالي
ابو محمد..لو غالي كلمتني
عبدالله..حقك علي يبه بس كنت
ابو محمد..كنت وشو ياعبدلله
عبدالله من نبرة صوت ابوه حس انه عارف..ولاشي يبه
ابومحمد..والمدمن الي تمشي معه
عبدالله ..توقعتك تعرف بس من قال لكم
ابو محمد..ياولدي مافيه شئ يتغبى بهالبلد
عبدالله..يبه حاولت بس ماقدرت لازم ابلغ عنه
ابومحمد..كان نصحته يعالج مو تبلغ عنه
عبدالله يتنهد..يبه الي شفته طير عقلي يبه يساوم على اخته اليتيمه عشان كم ريال يشتري السم فقد عقله
ابو محمد..افا ياذا العلم اجل حقه وماجاه
عبدالله..ماتمنيت اسوي كذا بس لازم لمصلحته وعشان امه واخته
ابو محمد شك..وانت وين تعرف امه واخته
عبدالله ..سالفه طويله بقولها اذا رجعت ان شاء الله المهم توصلي على شئ من دبي
ابومحمد..نبي بنيه مزيونه نخطبها لاخوك
محمد ويضحك..بتخطبها لي وعبدالله يختارها انا اروح يبه واختار
فهد ويلتفت لمحمد ..ليه بناتنا وش فيهم
محمد بقصد..مايبونا
فارس..ومن قال كل بنات الرياض يتمنونك
سامي..اعترف محمد فيه احد
ابو محمد..يسلم عليكم عبدالله
الكل..الله يسلمك
ابو محمد..ام فهد تعالي
وصلت ام فهد..سم يااخوي
ابو محمد..ارتاحي
جلست ام فهد وتوتر محمد خاف ابوه يقول شئ
ابو محمد..انتي مابتزوجين عيالك
ام فهد استغربت..هذا فهد عندك عجزت عنه والبنات ماجاء نصيبهم
عند البنات دانا تساسر نوره..وش عنده خالي
نوره..جايب لكم معاريس

ابو محمد..هايافهد مابتعرس
فهد..هههههههههه بعرس والله بس خلوني افكر بالبنت اول
ام فهد التفت له..من هي بنته
فهد..لا مااقول اسم زوجتي عند الشباب عيب ههههههههههههه
فارس..الله والزوجه بعدين من الي ازعجنا من كث مايقول اسم المرأه فخر لنا مو عيب
فهد يلتفت له ويناظره ..فارس اول واحد بيندم على هالكلمه انت
فارس رافع حاجبه.ويضحك .وليه ان شاء الله من هالبنت الي بندم على كلمتي عنها
فهد يضحك..بعدين بتعرف يالشايب الا خالي وش معنى انا هالشايب اكبر مني زوجوه عالاقل يريحني منه
فارس..ههههههههههه انا شايب
بدر..بصراحه ايه يافارس مااحد بيوافق عليك كبرت
محمد..تحمد ربها الي بتأخذه
فارس..لا انا ضد وضد وضد الزواج بعدين لو بتزوج لو واسمعوني قلت لو تحمد ربها مثل ماقال محمد
فهد..ههههههههههه الا الضعيفه امها داعيه عليها
بدر..لهالدرجه ههههههههههه حرام لاتحطمون الرجال
ابو محمد..الله يهديكم المهم نبيكم تتزوجون وتفرحونا اعنبو لابنات ولاعيال
ام فهد ..وانت يامحمد مابتتزوج
محمد باابتسامه..بتزوج ياخالتي بس انتي الي بتخطبين لي
ام فهد..الله يطول بعمر امك وابوك
محمد وبجرأه ..بس طلبي عندك
تفاجئ ابو محمد من كلام محمد بس هذا طبع محمد مايخبيالي بخاطره مع الكلام يطلع الي بخاطره
ابتسم سامي لولد خاله الي كمل
محمد..وش قلتي ياخاله
ام فهد..عيوني لك انت ولد الغالي
محمد..بصراحه انا ابي دلال رغم اني عرفت انها ماتبي اقارب بس مازلت مصر على طلبي

عند البنات دلال انصدمت اخر واحد توقعت يخطبها محمد ابتسموا كلهم وسكتوا الحريم عشان يسمعون رد
ام فهد

ام فهد..انا منى عيني ازوجك دلال وتعرف اني موافقه وهذا اخوها عندك
فهد..مافيه كلمه بعد كلمتك يالغاليه ومحمد ينشرى بفلوس والكلمه الاخيره لدلال
ابو محمد..اجل شاورو البنت وخذوا وقتكم وردوا علينا واحنا اهل ياام فهد بزواج وبدونه
محمد..صح سواء تم او ماتم بتظلين خالتي وبحسبة امي
ام فهد..الله يكتب لك ولها الي فيه الخير اذا فيه خير يكتبه واذا مافيه خير يمنعه من عنده وهو السميع العليم


راحت ام فهد للبنات وضحكت لبنتها الي مااحد كلمها حتى مايحرجونها وقفلوا عالموضوع بس ظل ببال
دلال

دلال..ريمووه ولد خالك مالقى يخطب الي اليوم احس كل الناس يناظروني
ريم..هههههههههه يتهيئ لك مااحد يناظرك
دلال ..وشرايك
ريم..ليه قالوا لك خاطبني
دلال..وش عرفه اني ماابي اقارب
ريم...خواته
دلال..طيب شرايك اوافق او لا
ريم..انتي خبله صح فكري واستخيري وتأكدي ان عيال خالي محمد رجال حتى بندر هالخبل
دلال..ههههههههه واله لهم فقده هو والخبل الثاني راكنوه وينهم
ريم..ماادري بتصل بااحمد اشوف وينه
دلال..ليه انتي مزعجه ماقال بيجي المغرب
ريم..يااختي اخوي واحبه
دلال وتناظر غاليه الي كانت سرحانه تفكر بكلام فارس الي كان صدمه لها ..طيب بنت عمك حلوه
ريم..هههههههههههه طيب دخلتي عرض اعرف انها حلوه
دلال..ليه ماتخطبونها لاحمد
ريم ارتبكت..وليه ماقلتي فارس
دلال..بسم الله فارس لا حرام ماتستاهل اخوك شيطاني
ريم وتضربها..والله انه طيب
دلال..ماسمعتيه يقول انه ضد الزواج
ريم..حتى لو قال اخوي وماارضى عليه
دلال وقامت..طيب اسفين انتم وهالاخو يالله نروح عند البنات قومي

على اذان المغرب وصل راكان وبندر الي قلبوا الجلسه لضحك وسوالف وبعدهم وصل احمد واكتملت
الجمعه

احمد ..يالله عالثمامه من زمان عنها
راكان لانه مايحب البر ..وشي كلها تراب ازعجتونا فيها
بندر ويبي يقهره ...ترابهاغير وهواها غير
راكان..هههههههه وجده غير
بندر...والطايف ومكه والمدينه غير
فهد,,حير ان شاء الله جايين تعملون اعلانات سياحيه
راكان باابتسامه..تصدق فهد انا افكر اعمل اعلان
فهد ويجاري راكان..ومن الي بيخليك تعمل اعلان
راكان..ماادري مافكرت
بندر..هههههههههههه راكان حتى لو عملت مابتشتهر
راكان..يااخي ودي اصير مذيع اليوم قبل بكرا
بدر..بس اهم شئ الشماغ بالله عليك اذا صرت مذيع لاتخليه مثل الجبل على راسك والله يقهروني مذيعينا
احسه مايبي يتحرك عشان مايخرب شماغه
بندر..هههههههههه الظاهر من ضمن المنهج يدرسونه اقول راكان واذا صرت مشهور وش بيصير
راكان..بدخل بكل الاسواق اعنبوا كل مارحت مكان قالوا عوائل زين انهم ماقالوا البر عوائل بعد
فارس ويحب سوالف راكان..وش تبي بالسوق
راكان..بنتمشى نتفرج
فارس..كلها نسائي وش تتفرج عليه
راكان ..لاتدقق لو سمحت بروح وبس بعدين ليه مايحطون محلات رجاليه كلها نسائي واحنا مالنا رب
فارس..ههههههههههههه ايه قل كذا من الاول
بندر بصوت عالي ..يجمع
راكان يقاطعه..اجمع مواضيع
بندر..ههههههههه صدقوك كلهم


ومع البنات كانت غاليه جالسه معها وتفكيرها رجع لوراء سنوات طويله

ماطالت الذكرى لان جوالها كان اسرع ابتسمت لرقم وردت

غاليه بخوف ..الو
المتصله..السلام عليكم
غاليه وتحس الكل يراقبها..وعليكم السلام هلا خالتي لطيفه
الخاله لطيفه..شلونك
غاليه.. اشتقت لك
لطيفه..لو اشتقتي كان سألتي بس انتي مااهتميتي حتى ملكتي ماقلتي بعلم خالي
غاليه بحزن..كل شئ صار بسرعه
لطيفه..تزوجتي
غاليه بحزن..لا
لطيفه..وعسى ولد عمك كفوا عاد
غاليه..فيه الخير
لطيفه ماعجبها الكلام..ايه الله يوفقك متى زواجك والا مابتعلمينا
غاليه..ماادري
لطيفه..شكلك ماتبين تكلميني
غاليه..لا والله مشتاقه لك ولكل خالاتي وشلونهم
لطيفه..بخير سلطان فك خطبته بعد ماعرف انك ماتزوجتي قلنا اذا ماتبين ولد عمك نطالب بطلاقك
غاليه بخوف..لا لا
لطيفه..كيفك بس بكرا اخاف تندمين عيال محمد موب سهلين
سكتت غاليه لانها موقادره ترد لكن الخاله سكرت بعد ماحست ان غاليه ماتقدر تتكلم اما غاليه ظلت بحالة
صمت معقوله تتطلق كلمة الطلاق كانت مثل الشراره الي اشعلت بداخلها نار الخوف ايه ماتعرف ليه رغم
احساسها بفقدان الامان لكن مامرت هالكلمه ببالها ولاتوقعت تصير او انها تتطلق من فارس اخذتها الافكار
وراحت لبعيد تفكر ببكرا وايش ممكن يصير فيه


مازالت السهر مستمره ..ومازال للحوار بقيه مع حوار راكان مع فارس ..

غاليه ولقاء اول مع عائلة فارس ..

دلال ومحمد هل سيتم او لا هذا الزواج

[كتمــان]

الجــزء العاشـر

راكان ويفكر وفجاه التفت على فارس ..اخيراً شفتك فارس
فارس استغرب ..لهالدرجه مشتاق لي
راكان ويضحك..بصراحه ودي اعمل معك لقاء
فارس مستغرب..لقاء..؟؟
راكان ووقف ..ايه لقاء عائلي بجرب نفسي اشوف انفع مذيع او لا لقاء في ارض الثمامه مع الدلال والقهوه
صايرين مضارب الباديه
فارس ويناظره بطرف عينه ..وتجرب فيني بس يالله ماعليه تمون
راكان خلاص هدوء ياحريم خذو راحه من الحكي وخليكم مستمعات اضحكوا الحريم على راكان وفعلاً
التفتوا يسمعون لقاء راكان ومايفصلهم الا مسافه بسيطه كان مقابل الشباب خالاتهم لانهم مايتغطون اما البنات
كانوا بجهه مايشوفونهم

راكان ويجلس جنب فارس بعد ماعدل شعره ..بسم الله الرحمن الرحيم هو خير مانبدأ به حقلتنا اليوم من
برنامجكم الاسبوعي ((العطاء)) ويسرنا ان نستضيف الشاب فارس محمد رجل الاعمال اهلا ومرحبا فيك
اخ فارس
فارس يبتسم..هلا ومرحبا
راكان ويحاول يكون جدي ..استاذ فارس بما انك رجل اعمال شاب كيف كانت بدايتك ..؟؟
فارس ودخل جو مع راكان وبدأ يتكلم كأنه فعلا بلقاء ..بدايتي كانت صعبه فيه نوع المعاناة
راكان بأندماج ..هل يخجلك التحدث بتفصيل عن هذه المعاناة ..؟؟
فارس بكل ثقه..لاطبعاً بالعكس اتشرف اول ماابتديت كان عمري 16 سنه كنت ابيع خضار وفواكه مع رجال
كبير اسمه العم عبدالكريم كان يساعدني ويعطيني كل اسبوع ميه او ميه وخمسين استمريت معه ست شهور
وبعدها فضلت اشتغل في مصنع للألبان كان راتبي 500 ريال لكن الجهد الجسدي والمعنوي افضل من بياع
الخضار
راكان ويقاطعه ..عفوا ماذا تقصد بالجهد المعنوي ..؟؟
فارس بكل ثقه وهدوء يتكلم ..احساس المراهق الي اقصده انت تعرف كنت مراهق وكان الامر صعب علي صعب
تشوف الي بسنك يحاول يطلع وينبسط او حتى يسوق سياره جديده وانت تبيع خضار وكنت كأنك مع تحدي مع
مشاعر هذا السن
راكان وبااندماج وتأييد ..طبعا ايوه واصل استاذ فارس
فارس ..استمريت تقريباً ثمان شهور كانت حصيلتها 4000 الالف ريال ظليت افكر كيف ازيدها ورجعت للعم
عبدالكريم وبما اني صغير ولااملك سياره ساعدني وجاب لي معه البضاعه يعني تقدر تقول اعتبرني شريك معه زاد
المبلغ لكن مو لدرجة اني اصير رجل اعمال لكن كان العقار يلفت انتباهي وبديت فيه تعرضت لانواع كثيره من
الاستهتاروالاستهزاء والتصغير من طموحي لكن ظليت احاول و اول عمليه اخذت عليها سعي كان قيمته 3000
الالف ريال وبعدها استمريت بسنتين كان عندي مبلغ 35 الف وبديت اشغلها بااشياء كثيره لحد مادخلت الاسهم
وتوسعت بالعقار فيه خساره بس الربح كان حلو ومع التحدي والاصرار اني انتبه ان كل خطوه اتخذه ماتخالف الشرع
ولاتدخل لحسابي هلله حرام تضاعف الربح ولله الحمد
راكان..شئ جميل انك تعتز ببداياتك
فارس بثقه وفخر ..اعتز بكل شئ جعلني ان اكون فارس اليوم
راكان..باابتسامه والاسطبل
فارس ويبتسم للموجودين الي فعلا اندمجوا نع فارس وراكان وكأنه لقاء حقيقي ..الاسطبل حلم صغير تحقق لكنه مازال
بالبدايه سيظر بوقته
راكان..وطموحك لهذا الاسطبل
فارس بثقه..سيكون بأذن الله من المنافسين على الكؤؤس ولكن بالوقت المناسب
راكان..وهل سيكون اسمه بااسمك ام لون مثل الازرق والابيض كما هو حال الاسطبلات بالمملكه
فارس. رغم اعتزازي بالاسطبل الابيض والازرق وكل اسطبلات المملكه المشرفه داخل وخارج المملكه لكن اخترت له
اسم والتفت على المجودين .اسمه الجامح
راكان ويصفر..فاصل اعلاني راحت هيبة المذيع بس والله قوي اسمك
بندر. هههههههههههه والله لو تسوي كذا ان يشوتك المخرج المهم .يااخوي مافيه اتصلات
فارس ويلتفت على بندر ..تتمصخر انت وياه
بندر ويناظر فارس ..والله اني صادق مع هالكشاف الي اعمى عيونا صايرين كنكم في استديوا
راكان ويقاطعهم ..نعود لكم مع الاتصالات معنا الصحفي بندر اهلا اخوي
بندربهدوء ..مساء الخير والاحساس والطيبه
راكان ويبتسم ..خير اخوي داق على برنامج شعر
بندرويرفع حاجبه ويركز على راكان ..الشعر احساس والعطاء احساس والاحساس بالفخر هو مانشعر به معك ومع النموذج
الرائع لشاب السعودي
راكان ويصفق ..احرجتني بس لاتعيدها لاني مااحب اتفشل وانا عالهواء تفضل بسؤالك
بندرويضحك مع الموجودين على راكان ..بما اني تكلمت عن الاحساس اوجه سؤال للاستاذ فارس اين الاحساس بين
اوراق عملك بينا مخططات العقار واستارات الاسهم هل ستجد مكان للاحساس
فارس باابتسامه..فهمت قصدك يابنيدر بس احساسي هو عواطفي تجاه امي واخواني واهلي احساسي تجاه
ديرتي حتى تجاه شغلي
راكان ويناظر فارس ..وش الي فهمت فهمني ترى انا المذيع وشينه بحقي اكون غبي
فهدههههههه ..بس انت وياه خلوني اسأل ماعندك نيه تعرس يالحبيب
فارس ناظر فهد بنظره مافهمها الا احمد..الزواج شئ لاوجود له بحياتي
احمد وحب يكمل على فارس ..والحب
فارس ..هههههههههههههههه حسبي الله عليكم
راكان..وش سر هالضحكه غريبه بعدين انت يافهد واحمد الناس اذا اتصلت على برنامج تسلم مو تقول
مابتعرس يالحبيب
فارس ويأشر لراكان ..اقول قم جب القهوه وخل عنك الحكي
راكان..ليه تضيع برستيجي يااخي انا مشروع مذيع الا ياخال ماعندك سؤال تساله فارس
ابو محمد..والله ماعليك خلاف ياراكان وش زين حكيك
راكان ويصفق..احلا شهاده من احلى خال الحين لو ماانجح عادي خالي شهد لي يالله فارس نتابع حوارنا
فارس ..هههههههههههههههههه بدر تعال خذ اخوك عني
بدر وعرف ان فارس بيقلب على راكان ..راكنوه خلاص
راكان..يمه يمه ذبحوني خلاص الا ماودك يافهد اسوي معك لقاء
فهد..لا
راكان..لا انت من ربع صرح مصدر مسؤل
فهد..ههههههههههههههه شقصدك
راكان ويبتسم لفهد ..حبايبنا اهل الداخليه شغلكم بصمت
فهد..لصالح الدوله والشعب لازم يكون بصمت
راكان..كفوا والله الله يقويكم يمه يمه ردي ترى اناديك
ام بدر تبتسم ..سم يمه
راكان..سم الله عدوك وعدوي يارب يمه نبي اكل جوعان
ام بدر ..ان شاء الله اصبر الحين بيشون وكل معهم
راكان..الله يخليك لنا يالغاليه بس بتجي السنه الجايه ماخصلوا ابي أي شئ يصبرني
ام بدر..ان شاء الله
محمد عالجنب يكلم فهد..الا يافهد شخبار سالم
فهد بحزن..ماعليه مازال مستسلم
ابو محمد ودخل معهم بالكلام ..ليه وشفيه
فهد..صار له حادث وانشل وللاسف جلس بالبيت
ابو محمد ويلتفتت للعيال ..ليتكم ياعيالي تسمعون وتتعظون وتخفون من هالسرعه
سامي..والله معك حق ياخالي بس احيانا الواحد يحس الامر سهل
ابو محمد ..ياولدي الحياة غاليه


عند البنات كانت غاليه مبسوطه وبنفس الوقت خايفه من بعد ماسمعت هاللقاء رغم بساطته كشف جزء كبير
من شخصية فارس بياع خضار.. عقار.. رجل اعمال ..الجامح.. ضد الزواح ..كلمات قالها فارس خلت غاليه
تمنى لو كانت مكان راكان حتى تقرأ هالانسان الغامض بوضوح فكرت كيف كان بياع خضار ومعقوله عمي
كان فقير لهالدرجه وشلون تحمل هالشئ وليه اختار اسم الجامح والسبب الي طعنها انه ضد الزواج يعني مازال
على رائيه ان الزواج يظل بالسر احتارت توقعت انه بكذا يحاول يهينها وينتقم من ابوها لكنها كذبت نفسها
فارس تصارفاته متناقضه اول ماخطبها قال الزواج يظل بالسر وبعد ماتوفى عرفوا خواته والحين يقول انه ضد
الزواج الى متى بيظل هالموضوه رغم كل شئ قطع عليها سرحانها ام بدر وهي لاول مره تسولف مع ام بدر
وبعد السلام والرسميات بدا الكلام يكون اسهل واجمل مع ام بدر
ام بدر..بس يابنيتي استغلي وقتك وعيشه بكل لحظاته
غاليه وارتاحت لها..كيف اعيشه وانا يتيمه الحزن محتل قلبي وبدء يفقدني حتى الاحساس بالي حولي صدقيني
ياخاله انا بعد ماستوعبت ان ابوي مات واني خلاص مابشوفه فقدت احساسي بكل شئ صرت اجلس مع البنات
وبالي مو معهم افكر بشئ اجهله ماادري وش الحل
مسكت ام بدر غاليه وقامت تمشي معها وهالشئ اسعد البنات لانهم يعرفون تأثير ام بدر على أي احد فيهم..
رغم الظلام لكن قدر فارس يعرف خالته لانها كاشفه وعرف غاليه لانها بعد كانت كاشفه لحظة ماقامت بعدين غطت
وجهها عصب فارس بعدين توقعا حركه عفويه مو مقصوده وقال لازم اكبر عقلي ولاامسك عليها كل شئ تعمله

ام بدر..غاليه انا اعتبر نفسي اخت لكل العيال والبنات وصدقيني من كل الي جالسين معنا لهم سر عندي
غاليه وبشكل عفوي..حتى فارس
ام بدر باابتسامه اخجلت غاليه ..اولهم فارس ياغاليه الواحد يحتاج شخص يتكلم معه وانا مابقول لك تكلمي بس
اسمعيني انتي بنت بااول عمرك مااقول الي صار لك شئ سهل لاوالله الفقد شئ صعب فمابالك اذا اقرب الناس
لك بس هذا مايعني اني اوقف حياتي لازم استمر هذا انا فقدت زوجي وحبيبي وانا بأول عمري كان ممكن
استسلم
لكن اصريت وعاندت لحد ماصرت مثل ماانا عليه
غاليه بحماس..بس مااحب الدراسه كيف اقدر
ام بدر..لاتكملين دراستك
غاليه بااستغراب..كيف اكمل حياتي انتي تقولين اني اعيش حياتي واثبت ذاتي
ام بدر..ابتسمي هذا كفايه بشكل مبدئي
غاليه باابتسامه..بس معقوله
ام بدر وتضحك..لان شكلك لما ابتسمتي تغير صرتي احلا غاليه الي خلقك مايضيعك وانت عايشه معه ام فارس
مو عشانها اختي لا بس ام فارس حرمه طيبه وبتعاملك مثل بناتها
غاليه..والله ماهي مقصره معي بس احس بحزن والم وفراغ وجرح كبير واعرف اني مابلاقي احد يداوي جرحي
لان الدنيا مافيها احد فاضي يداوي جراح الا بدافع الحب وانا غريبه بدنيا جديده
ام بدر..حاولي تقضين وقتك استفيدي اقري كتب تصفحي انترنت اكتبي اشتغلي وتخلصي من احاسيسك السلبيه
غاليه وتتمنى ترتمي بحضن ام بدر لانها حست فبها وتحاول توجد لها حلول ..انا ابي اشتغل بس وين احصل
وظايف بوقتنا ابي بس اضيع وقتي ولاافكر
ام بدر..استغلي أي شئ شوفي ريم رغم انها بالبيت بس مقضيه وقتها
غاليه استغربت..وشلون ريم دائما موجوده
ام بدر..بس تكتب حاليا كتاب مختصر مااعرف عن ايش وغير كذا لها مشاركات ومقالات بكثير من المواقع والمجلات
والصحف
غاليه..والله شئ حلو توني اعرف
ام بدر..استغلي وقتك اكتبي حتى لو ماتتقنين فن الكتابه اكتبي احساسك تجاه كل شئ في بيت عمك اكتبي رائيك
بريم ونوره وام فارس وحتى العيال حتى الغرفه اكتبي فرغي احساسك واقري اشغلي وقتك بالقراءه سوي أي شئ
شوفي انا صح اني كبيره هههههه بس استغل بالبيت بالاسهم
غاليه وعلى طول تحمست..بالبيت بالاسهم كيف علميني
ام بدر حست بحماس غاليه..عندك فلوس غاليه واعتبري سؤالي من ام لبنتها لاني صريحه
غاليه بفرح..عادي انا مبسوطه انك تكلميني بحريه بصراحه عندي 120 الف هذا الي تركه لي ابوي
ام بدر ..خلاص راح تشتغلين بالاسهم وانا بكون معك لحد ماتكونين قادره على الشغل لحالك وطبعا بنبدا بجزء من
المبلغ حتى ماتخسرينه كله
غاليه بفرح ..والله تسلمين اخيرا بلاقي شئ يشغلني
ام بدر وتبتسم ويجلسون بمكان بعيد ..انتي مثل بنتي
ماحسوا بفارس الي ت قال..احم وش عندكم هنا
غاليه ارتبكت وتغطت لانها خافت ان ام بدر تستغرب لكن فارس ابتسم لخالته..افتشي ياغاليه ام بدر مايتغبى عليها شئ
استحت غاليه وفتشت بس ام بدر تداركت الموقف حتى ماتحرج غاليه الي احمر وجهها خجل من ام بدر مو من فارس
وغيرت الموضوع..وش عندك جاي هنا
فارس يبتسم لخالته ..بصراحه فضول
ام بدر..هههههههه غريبه ماهي عادتك انت تحترم الخصوصيه
فارس يبتسم لخالته..شدني الحماس الي تحكون فيه
ام بدروحبت تستفزه ..ابد نسولف
فارس التفت لغاليه كلمها عادي كأنها نوره او ريم اما غاليه نفس الاحساس الي كل ماتشوف فارس يرجع لها احساس عادي
جدا كأنها تكلم انسان متعوده عليه من سنين مافيه أي مشاعر غير كذا ..على فكره سلطان ولد خالك جاني
غاليه بخوف..وش يبي
فارس..يعتذر
غاليه بااستغراب وصدمه نستها فارس ..يعتذر..؟؟
فارس بلا مبالاة ..يقوله
غاليه بخوف ..لاتصدقه
فارس رفع حاجبه..ليه
غاليه وغيرت عينها خافت من تركيز نظرته ..بس احساسي يقول انه كذاب سلطان مايذل عمره لو يموت
ام بدر..بس يابنتي يمكن الله هداه
غاليه وسرحت شوي..كيفكم بس انا مااعتقد ابد
فارس وبعد صمت ثواني تنهد ورفع راسه ..غاليه انا حاب اتكام معك بموضوع مهم
ام بدر تبتسم ..يعني اروح
فارس يبتسم..لا يالغاليه ابيك تسمعيني انتي لانك تفهميني اكثر من غيرك




عند البنات غاده..اقول اخوكم راح لبنت عمكم ياويلها
ريم وتنالظر فارس وغاليه وخالتها واقفين من بعيد رغم الظلام الا انه مبين ان غاليه فاتشه بس معطيتهم ظهرها
وهالشئ الي مابين لهم انها تكلم فارس من غير غطى ..ليه وش مسويه
غاده..مايسويها فارس الا اذا شايف شئ ماعجبه مو عادته يكلم احد
نوره..غاليه حبوبه ماتغلط بعدين عادي بنت عمه
هند بدلع..ليه ماتخطبونها له
ديما..لا هو قال مابيتزوج اخطبوها لاحمد احسها تناسبه اكثر
هند بسرعه..احسها ماتناسب له
ريم باابتسامه..بالعكس
نوره ولاحبت يرتبط اسم غاليه بغير فارس تكلمت بسرعه ..لاماتصلح لاحمد المهم كيفها زوجوا عمركم اول
دانا..والله انها صادقه ليتنا نقدر نختار
نوره وتضرب ايدينها ببعض ..ياحظي لو تقدرين تختارين من بتختارين
دانا..امممممم بختار طلال الرشيد
نوره..ههههههههههههه احسن شئ اننا مانختار والا احد يختار ميت
دانا وتضحك..لانه مستحيل نختار انا اخترت شخص مستحيل يكون موجود
دلال وتهز راسها ..لانك غبيه
دانا. وتبتسم .احم دلالوه اسكتي لاروح انادي محمد
دلال واستحت وضربت اختها بالمخده
هند بدلع ..والله اخوي مافيه مثله
دلال..وانا ناقصه يعني دلعك هندوه اسكتي
مها..هههههههههههههههههه دلال انتي ومحمد عكس بعض انتي مرجوجه وهو هادي شلون تتفقون
دلال وقامت بعد ماعصبت منهم ..رجوكم كلكم في خلاط
راحت عند امها وخالاتها وتركتهم مع بعض

عند العيال كان فيه احاديث جانبيه بين احمد وسامي
احمد..تعرف ودي فيها واحس لسى بدري عالزواج
سامي بملل ..طيب اخطبها وخل الزواج بعد سنه
احمد..استحي اقول لخالي خل الزواج بعد سنه
سامي.. اف خلاص بتلاقي بدالها
احمد ويناظره بطرف عينه..الله يبتليك بحب يعذبك
سامي ويضحك..حرام عليك بس مليت يااخوي
احمد وعصب ..اقوله البنت عاجبتني واحتلت مساحه من تفكيري وقلبي يقول بتلقى بدالها
سامي..احمد استخير مره وثنتين وعشر وماخاب من استخار وفكنا من سالفتك انت وهند
احمد ..والله انك صادق ذكرتني .. الا انت شفيك
سامي ..اف وشفيني حياتي فيها روتين قاتل
احمد..عادي كلنا مثلك
سامي..الله يعين

اما الحريم فكانت امفارس تسولف مع ام فهد
ام فارس..شسوي فيها عجزت عنها كل ماتقدم لها احد قالت لا
ام فهد..وراه ياكافي يعني هم صدق مايستاهلون والا دلع بنات
ام فارس..فيهم الزين بس مهوب الزين مره
ام فهد..ياام فارس بنتك زينه واخلاقها ازين ليه تعطينها أي احد
ام فارس..وش اسوي ودي افرح فيهم
ام فهد..الله يفرحك ويفرحني يارب
ام فارس ..امين


بمكان بعيد ان فارس مع خالته وغاليه

فارس ويحاول يكون هادي ..غاليه انتي بنت عمي وبحسبة اختي تزوجتك تحت ضغط ظروف
معينه وانتي تعرفيها واعتقد ان الاوان اانا ننفصل
انصدمت ام بدر وغاليه ابتسمت
ام بدر..اذكر الله يافارس أي انفصال الله يهديك
فارس استغرب ابتسامتها وسألها على طول ..ليه مبتسمه ..؟؟
غاليه والابتسامه مازالت مرسومه على وجهها بس ابتسامة حزن ..تذكرت كلام ابوي وكلامي كان
يقولي بيحميك وبعاملك بما يرضي الله وفعلا انت ماقصرت بدليل انك تعرض علي الطلاق لانك
انسان منصف وهالشئ حلو اما كلامي فكان ان الانتقام لازم يصير وكنت متوقعه الطلاق
فارس عصب شوي من كلامها. وقاطعها .انتقام لاياغليه مو انتقام يابنت عمي بس انا اعرف الله ولاابي
اظلمك انتي لازم تشوفين حياتك
غاليه وترفع شالها ..طيب انا سمعتك تقول انك ضد الزواج ومابتتزوج صح
فارس بااهتمام ..صح
غاليه بخوف ..يعني طلاقك لي مو عشان تتزوج
فارس بسرعه ..طبعا لا
غاليه وتناظر الارض ..وانا ماابي اتزوج بس خليني على ذمتك وبستمر مثل ماانا عالاقل تكون محرم لي
ام بدر تدخلت على طول..صح خليها علىذمتك
فارس..انتي توك بااول عمرك من حقك تتزوجين وانتي ياخالتي عقليها لاني انا مابتزوج ابداً
غاليه بتوتر وخوف من نظرته المركزه عليها رغم انه كان يناظره بشكل عادي جدا الا ان خوفها واتباكها
بين بصوتها ..فارس انا عاقله واتمنى انك ماتطلقي وانا فعلا مو متأثره بسالفة الزواج ابدا
فارس ..غاليه انا لازم اطلقك وكلها كم يوم ويتم الموضوع



بالوقت الي كان فارس مع غاليه وخالته كان فيه شريط ينعاد بذهن فهد ..
كان مغمض عيونه وهالشريط يتعب قلبه وفكره..

راح فارس مع فهد لابو ثامر مثل ماطلب ودخلوا عليه كان منسدح على سريره

ابو ثامر..سامحوني ياعيالي ازعجتك
فارس..شدعوه ياابو ثامر احنا عيالك
ابو ثامر ..انا مابطول عليكم بقول لكم الموضوع انا من انتقلت لحارتنا يافارس تعرفت عليك
بالمسجد تتذكر
فارس باابتسامه..وكيف انسان لنا سنين نعرف بعض عرفتك رجال طيب بس الحزن هده كنت
كل مره شوفك اسلم عليك وبيوم جاء على بالي اجي اهنيك بالعيد وقتها شفت بعيونك دموع
وعرفت بعدها ان ولدك الوحيد بأذن الله شهيد لانه توفى بأيام الغزو الله لايعيدها ويديم الامن
على الكويت واهلها
ابو ثامر..اول ماشفتك ذكرت ولدي كان طيب بس ماكان يهتم سافر للكويت بشغل وجلس سنه
ورجع شافني وبعدها سافر وقطعني سنتين ورجع لي معه بنت مثل القمر قال هذي عهد بنتي
فرحت لاني اضمها وحزنت انه تزوج ماقال لي بس دعيت الله يوفقه قال كلها كم شهر وينتقل لرياض
ومرت الايام وولدي بس يكلمني يمرني كل سنه بس من غير عهد لحد ماسمعنا عن الغزو وانفطر قلبي
لما عرفت بعد شهور انه مات سالت عن بنته قالوا ماندري حاولت ادور ماوصلت لها وهدني الحزن
والمرض بس الحين ابي اشوفها
فهد..ياعمي يعني بنت ولدك ماسألت عني
ابو ثامر..اذا انا ماوصلت لها شلون بتوصل لي
فارس...يعني كم عمرها الحين
ابو ثامر باابتسامة امل..اكيد عمرها عشرين الحين
ساعدوني اشوفها
فهد..اذا بنقدر من عيونا تعرف بغلاتك عندنا بس ليه توك تقول لنا
ابو ثامر..ماادري كنت محتاج لها بس كنت محتاج اكون ابو ثامر الي ولده مات شهيد وهو بار باابوه
ماابي الناس تعرف ان ولدي عاق باابوه وقاطعه وان بنته ماشفتها الا مره وحده بس خلاص مااقدر ابي
اشوفها واشم ريحته منها
فارس..ابشر ماطلبت شئ سامي ولد خالتي له معارف بالكويت وزيارته للكويت كثير بخليه يتولى هالمهمه




تنهد فهد وهو يتذكر هالام وهالحرمان وهالخوف الي يمر فيه ابو ثامر هالايام وفتح عيونه
وحصل راكان متمدد عند محمد ويسولف وسامي واحمد يسولفون مع بعض اما بندر وخاله
مع امه وخالاته كانواعند الشوي وفارس مختفي دوره وحصل من بعيد مع حرمتين ماركز
كثير رجع يفكر لكن هالمره يفكر بحياته الي فيها مساحه خاليه تحتاج هالحضور الجميل
من بنت تغيير حياته وترسم معه مستقبله من اطفال يوهب لهم حياته وعن حلم لازم يتحقق
كان وده يقول ويعمل مثل محمد لكن مابيتحمل رفضها الي كان متوقعه بنسبة سبعين بالميه
لسبب يفخر فيه الكل وهو انه ضابط ..
ياما شاف الخوف بعيون امه وخواته ياما مسح دموعها باايام والشهور الاخيره وعمره مانسى
دانا لما دخل عليها بعد ماقدر انهم يتمم عملية اليرموك بالرياض ابتسمت وحضنته وهي تقول
هن الوطن برجال امنه يافهد هنه
هن الوطن برجال نايف يافهد هنه

ابتسم وقال لازم اخذ الموضوع بشكل جدي وارتاح


في جلسه مي بعيده عن فهد كانت دلا ل تقرأ اخر كتابات ريم وهي منسجمه مع الملف الاخضر..

((قراءة لفهد بن عبدالعزيز ))


مااروع مااقرأ عنك فكل الاقلام تشرفت بالكتابه وكل العقول تلهفت للقراءه عن انجازاتك ..
اسعدتني هذه الكلمات التي كتبت بحقك ومااجمل المقالات ومااروعها ومن بينها مقال جمع
صفاتك فقد كان يحمل عنوان راقي جميل وهو

""هكذا ادبني ابا فيصل ""*

جبلت النفس البشرية على حب الرموز البارزة لذا هي تهتم بأمور تلك الشخصية الصغيرة والكبيرة
فتلقائيا تتأثر بها وبسلوكها وطريقة تفكيرها ,

لذلك تأثرت شخصية خادم الحرمين الشريفين الذي استخدم في تأديبي وربما في تأديبك أنت
قاريء هذه السطور أفصل أسلوب في التربية ألا وهو :

القدوة الحسنة


فأفعاله تسبق الحديث عنه قبل أقواله , فهاك تلك الفعال التي أثرت فيني :

أولا : تنازله على لقب كل البشر تطمح له , وذهبت نفوس بالملايين لأجل تحقيقه ألا وهو

لقب :
المـــــــلك أو جلالة الملك أو صاحب الفخامة

إلى لقب في ظن عشاق الدنيا حقير ولو أعطوه بمليء الأرض ذهبا لما قبلوه

ألا وهو لقب :

خـــــــادم
في عام 1407هـ / 1986م أعلن الملك فهد بن عبدالعزيز في احتفال عام في المدينة المنورة
استبدال لقبه الى خادم الحرمين الشريفين بدل صاحب الجلالة بوصفه وسام عز وشرف وفخر وعدم
إطلاق أي لقب آخر عليه سوى ذلك اللقب .


أتظنه رضي بالذي أدني دون الذي هو خير

لا وألف لا , حاشا مثله أن يفعل هذا

بل ارتضى أن يكون خادما للحرمين الشريفين

ولا أنسى تلك العجوز السوداء التي دخلت الجنة لخدمتها لبيت الله

فكيف بمن خدم أفضل بيتين لله

أحسبه كذلك ولا أزكيه على الله


ثانيا :

كرمه وحرصه على الجار

وهذا ما فعله لحكام وشعب الكويت الغالين , بكل شهامة ونخوة وعزة وتواضع وسخاء وهو
رد للجميل لهم الذي لاتنساه ابدأ السعوديه لهذا الشعب بل دونته منهجاً يدرس بمدارسها
حتى نتذكر كرم تلك الدوله الصديقه والاخت العزيزه والشقيه القريبه لنا ..


ثالثا :

امتلاكه لأفضل صفة من صفات القائد

اتخاذ القرار الشجاع المناسب , في الوقت المناسب , في المكان المناسب وتطبيقه

وهذا ما حصل في أزمة الخليج

رابعا :

خدمة لكتاب الله ,

والذي أظنه طبع حتى الآن 180 مليون نسخة

فكم قاريء لكتاب الله الآن .

سبحان من يختار ويصطفي من عباده في خدمة دينه



خامسا :

حبه لأجل الأعمال وأحبها لله

الصلح

وهذا ما فعله في الطائف وإنهائه لخلاف الكل يعرف خطره وهو صلح لبنان الذي لااحد
ينساه



سادسا

عشقه للدعوة

وهذا لا يخفى على أعمى قبل البصير والمساجد بكل العالم تشهد على ذلك مع المركز الاسلاميه
والدعويه ايضا


سابعا :



تواضعه مع من يحدثهم ويقف معهم وفي خطاباته



ثامنا

حسن الاستماع والانصات وهذا مع كل الناس
فهو يقبل بجسده على محدثه
بشاشته له
إيماءات رأسه



تاسعا

ارتجاله وثقته بنفسه أثناء إلقاء خطاباته


عاشرا

ثقافته وإطلاعه ووعيه وذكائه



الحادي عشر

حبه للعلماء وإجلاله لهم وعدم الخورج عن كلمتهم واستشارته لهم , وتيسير أمورهم والسعي
في حاجاتهم



ولا يستطيع متربي أن يوفي حق مربيه

إلا بالدعاء له رحمك الله ياابا فيصل واسكنك فسيح جناته ..

دلال ..الله يغفر له يالله ياريم كل مااقرأ كتاباتك احسه رجل كبير كبير وفقدانه صعب بس
الامل باابو متعب سيد العرضه حبيب الشعب الله يخليه يارب

ريم باابتسامه..امين

...


قرار صعب به نوع من الانصاف وبه نوع من الخذلان ""رصاصة الرحمه ""هل ستكون بصدر
غاليه من ولد عمها ..

ضابط ويفخر ونفخر به وللا سف اصبح الكل يرفضه ويخاف من فقدانه اذا كان طلبه ان يكون
زوج من هي الفتاة التي مرت بتفكير فهد وهل فعلاً سيكون هذا تفكيرها

[كتمــان]

الجــزء الحادي عشر

غاليه بنظرة ترجي خجوله اخجلت فارس ..فارس ارجوك فكر
ام بدر وحست بلين فارس ..فكري ابوي
فارس بتردد وحيره ..انتم فاهمين قصدي..؟؟
غاليه وعينها بالارض ..والله فاهمه واذا حسيت اني محتاجه اتزوج بقول لك طلقني
ام بدر ورحمة غاليه ..خلاص فارس
فارس احتار ولاعرف يوافق او لا لكن بالاخير قال .. ..طيب يالله انا برجع رغم اني
مش مقتنع بس من يقدر عليكم
ام بدر باابتسامه ..الله يحفظك ابوي

ام بدر وتلتفت لغاليه الي مسحوره بفارس وعينها عليه ..انتي مقتنعه انا بصراحه جاريتك
لاني ابي اسألك انتي فعلا ماتبين تتطلقين لانك ماتبين اصلا تتزوجين او لانك تبين فارس
غاليه وتغير عينها عن فارس وبحزن تقول ..فارس بالنسبه لي انسان له الحق بتعذيبي
شلون اكون ابيه
ام بدر تغير وجهها..ليه قلتي كذا عن فارس هو سوا لك شئ
غاليه..لا بس هو بينتقم من ابوي فيني وهذا من حقه
ام بدر وارتاحت..تطمني ياغاليه فارس ماينتقم فارس انسان يخاف الله ويراعيه تطمني
يابنتي فارس لو بينتقم انتقم من ابوك وخصوصا كان يقدر يضربه بالسوق بس فارس كان
يتجنبه ولايحاول ابد يتعرض له وكلنا نعرف هالشئ
غاليه وبقهر ..اجل ليه تزوجني ..؟؟ ليه
ام بدر وتمسك يد غاليه ويرجعون عند الاهل .هالسؤال فارس بيجاوب عليه امشي نرجع
عندهم تأخرنا وابتسمي والله شكلك احلى بكثير ..

انتهت الطلعه حلوه صار فيها احداث حلوه وبتكون نقطة تحول بحياة البعض بس ياترى
هالتحول بيقدر يزرع امل او يمحي الالم هذا هو المجهول والغيب الي مايعلمه الا الله
سبحانه وتعالى ..رجع فارس مستغرب من قراره الي تغير بسرعه..اما غاليه كانت خايفه من
الترقب الي عايشته كل يوم تنتظر انتقام فارس الي اتعبها ..اما دلال رجعت وهي تفكر
بمستقبل جديد مع محمد..


مرت الايام حلوه بطيئه وسريعه على ناس وناس بدت غاليه مع ام بدر تتعلم الاسهم
وسهلت لها الامور ريم وكل هذا وفارس مايعرف أي شئ لان الرأي الاول والاخير
بخصوص طلعة البنات من البيت عند ام فارس لكذا قدروا يطلعون للبنك ويرجعون
ويخلصون كل الامور من غير مايعرف فارس ..

دلال مازلت متردده توافق او لا على محمد اما محمد فكان خايف من تأخر دلال
بالرد عليه ؟؟
احمد قرر يكلم امه ويخطب هند لكن مازال خايف من نتائج هالخطوه ..
عبدالله رجع من دبي ومعه قصة الشاب المدن
فارس زادت زيارات سلطان له وكلام غاليه راسخ بباله يحاول ماينساه ابد
فهد مشغول باله كثير بموضوع مهم له ولاول مره مايشاركه فارس
نوره ودانا ومشكله كبيره تجمعهم
مها وحالة اشبه مايقال عنها حالة حب غيرتها كثير
غاده تفكر تدخل عالم الكتابه والخوف والتردد يأجل مشروعها..

احداث كثيره صارت بديتها لما نوره ضحكت بالسوق من غير وعي منها بوجود الشباب
الي ضلوا يتبعونها لحد ماعرفوا بيتهم وبيت دانا حاولت نوره ترد بس منعتها دانا
نوره عند بيت دانا نوره كانت معصبه ..خليني اهزئهم والله لو يشوفهم فارس بيذبحني
دانا..وهي ميته من الخوف مجنونه انتي
نوره.. لاعاقله اجل لهم اسبوع على هالحال يوصلونا للجامعه اعنبوهم ماملوا لو نبي
نعطيهم وجه كلان من اسبوع

دانا وهي محتاره ..اقول نوير شرايك نقول لريم ودلال
نوره بطفش واضح ..وش بيسوون يعني ..؟؟
دانا.بااستسلام .ماادري
نوره وتعصب ..الله يأخذهم جعلهم المرض
دانا..جوالك دق
نوره..غريبه رقم مااعرفه ارد او لا
دانا..ردي يمكن احد من البنات
نوره بملل ..الو
..هلا والله
نوره..من معي
..نوره محمد
نوره مصدومه..من معي
...انا الي و راك ياحلوه كيفك
قفلت نوره الخط وبدت نوبة صياح هستيري..بيذبحني فارسه شلون عرفوا رقمي
دانا وبخوف..هم الي متصلين عليك
على طول دق جوال دانا بنفس الرقم وبدت هي بنوبة صياح وصلوا بيت ام فارس
ونزلت دانا مع نوره بعد مااعطت اهلها خبر
على طول طلعوا فوق ومن حسن حظهم ان ام فارس مو بالصاله وحصلوا غاليه
وريم بالغرفه وقالوا لهم السالفه
ريم بصوت عالي..بس لاتصيحون وجع
دانا وتمسح دموعها ..والله بيذبحني فهد
نوره وتمسح دموعها ..انا بيدفني وانا حيه فارس
غاليه. بهدوء .طيب انتم ماغلطتوا اهدو شوي
ريم..انا بكلم فارس
نوره بصرخه..لا مابيصدق
غاليه ..ليه يعرف منك احسن من انه يقولون له شئ
دانا..شلون بيصدق
ريم..عاد مو لهالدرجه هو يثق فيكم بعدين يعني بتغلطون وتعلمونه وش هالعبط
نوره بقهر وهي تصيح..شلون جابوا ارقامنا واسماءنا
غاليه..اذا يعرفون بيوتكم سهله
دانا تلتفت لها ..شلون
غاليه..انتم تشبهون سالفة بنت جيرانا ابوي الله يرحمه هو الي حل لها مشكلتها
واحد بالنت عرف اسم ابوها من الاي بي وطلع رقم التيلفون وبعدها بطاقة العائله

وم سوء حظها كانت البنت الوحيده وطلع رقمها من الاتصالات
نوره ..كم واسطه عنده ذا
ريم..هههههههههه صادقه
غاليه..الي يبي يدمر بيلاقي كثير يرحبون فيه
دانا..بس لايقول لفهد
ريم..مااوعدك
دانا..انا بموت من الخوف
نوره..انا مت يالله صلوا علي
غاليه..هههههههههه والله انك رايقه تنكتين وانتي بهالحاله
نوره..غاليه حرام عليك لاتذكريني قومي دانا لغرفتي وانتم اذا قرر فارس يذبحني
علموني اصلي لي ركعتين لربي ولاتنسين ريم اذكريني وادعي لي
دفت دانا نوره وطلعت وتركت غاليه وريم بحالة ضحك على خبال هالبنت الي بعز
مشكلتها تنكت
طلعوا وتركوا ريم وغاليه الي اقتنعت بعد معاناة انها تكلم فارس مع ريم بالموضوع
بالليل اذا وصل


فهد ..دلال تأخرنا لازم نرد على خالي
دلال بتردد..طيب انت وش رايك
فهد..انا مقتنع بمحمد مافي مثله اخلاق ونعرفه وهذا يكفي
دلال بحزن ..خلاص طيب
فهد..هههههههههههههه طيب ابتسمي كأنك مغصوبه
دلال..ههههههههه طيب موافقه كذا حلو
فهدباابتسامه..مبروك
على طول صاحت دلال هي وامها وضحك فه..الحين ليه تصيحون
ام فهد..الله يفرحني فيك
فهد يحب راسها ..اوعدك قريب
دلال..بسرعه خلنا نفرح
فهد..لا الحين فرحتك لازم نعيشها كلنا وبعدين يصير خير


وصل الخبر لمحمد الي انبسط وفرح كثير وباركوا له اهله كلهم وعمت الفرحه
بيتهم واخيرا بهالعائله بيصير زواج ..وهو اول زواج لهم

بندرالتفت لاخوه الي وصل من دبي ..عبود ماقلت لنا سالفة المدمن
عبدالله...آه كل مااتذكره انقهر هالانسان مااعرفه شفته اكثر من مره بالمقهى
بعدها لعبنا بليارد وتعرفنا علىبعض كان غريب بعد اسبوع كان يلمح لي انه يعرف
بنات استغربت انه مش تيلفون لانه كان يقول شقه ومن هالكلام وبصراحه جاريته
لاني ابي اعرف المكان وابلغ لاني اموت قهر لما الاقي امكان بهالحقاره باارض
المملكه توقعت بيوديني ببيت بهالامكان الي فيها العماله الي تفتح بيوت دعاره
وفسق لكن انصدمت لما دخلني بيته وترجاني اني اعطيه فلوس ولما قلت مامعي
وانا ماابي اعطيه لاني عرفت انه مدمن قال لي انه مدمن وانه بيتعالج بس يبي
فلوس ولما اصريت على رفضي تخيل وش عرض علي
محمد بحماس ..وشو
عبدالله بحزن..اخته
بندر وتعدل بجلسته..احلف
محمد..حقيرخسيس
عبدالله ..اصبر يجيك العلم الحين دخلها علي وانصدمت وبصراحه عطيته فلوس
محمد وعصب..انت ماصدقت طلعت الفلوس ماتستحي
عبدالله. اصبر كلتني .اصبر انت بعد افهم اول
وبدأ عبدالله يحكي لهم الي صار بالتفصيل
نايف..ادخلي
دخلت بنت وهي تصيح وتصرخ كانت لابسه جلابية وكان يسحبها وهي تقاومه
بصياح وصراخ رماها عند رجولي ووفقفت انا من الصدمه
نايف وهو بحالة الا وعي من الادمان ..هذي هي عندك خذها بس عطني فلوس
من غير احساس اعطاه الي بالمحفظه وفرح نايف
نايف البيت بيتك اطلع متى مابغيت انا بروح
طلع وسكر الباب وعلى طول رميت شماغي عالبنت الي جلست عالارض منهاره
عبدالله.ويلتفت عالجهه الثانيه .لاتخافين انتي اختي
البنت بصوت صياح متقطع يقطع القلب ..احلف مابتسوي فيني شئ
عبدالله..والله مابسوي شئ بس فهميني انتي قد دخلت على رجال قبل
البنت..لا هذي اول مره قال لي قبل بس قفلت الباب علي وظل يحال لحد
ماطلع الي معه
عبدالله..اخوك من متى مدمن
البنت..من شهرين ماكان كذا كان يشتغل ويصرف علينا صح احنا فقراء بس
شريفين بس حسبي الله على اصدقاء السوء استغلوا فقؤه ولعبوا عليه كان اذا
صحى يقول لي لاتفتحين الباب لي اذا حاولت ادخلك على احد كان يقول
بتعالج بس كل مايقرر يلعبون عليه حسبي الله عليهم
عبدالله..اسمعي انا بستمر يوميا اجي هنا واعطيه فلوس عشان مايدخل احد
غيري وانتي اعملي نفسك راضيه وانا والله مابضرك بس بعطيه الفلوس وبمجرد
مايطلع انا بطلع لحد ماشوف حل
البنت..وش بتسوي انا اخاف على امي
عبدالله..بسوي الي يحميك ويحميها

بندر بحماس ..وبعدين
عبدالله..ابد استمريت ثلاث ايام وماقدرت كنت بحاول معه بس خلاص كنت
اعطيه فلوس ويطلع مثل المجنون وانا اطلع بعده طبعا من غير مااشوف اخته
الي يعتقد اني اقضي الليل معها ورحت لشرطه وعلمتهم ومسكوه
محمد بحزن وتأثر واضح ..واهله
عبدالله..كل ماقدرت مريتهم واعطيتهم المقسوم
بندر..والبنت ماحبيتها
عبدالله..هههههههههه ليه فلم هندي
محمد..الله يستر عليها
عبدالله ..الي خلاني ابلغ ان اخته للان مابعد انهارت ولا صار لها شئ هالشئ
الي خلاني ابلغ عنه بسرعه خفت فعلنا انه يعرض على انسان مثله مدمن بعدها
صدقني بيصير شئ للبنت لان فقدان الشرف والامتهان يسبب صدمه للبنت وانا
خفت من هالشئ
محمد..هذي المشكله استغلال الشباب الفقير المحتاج
بندر..مسكينه امه الله يهديه يارب
عبدالله..افكر ازوره بعد فتره
محمد..انتبه اذا بيجيب لك مشكال
عبدالله..الولد اصلنا طيب بس اثروا عليه وبعد مايتخلص منهالسم اكيد بيعرف
غلطته الله يهديه يارب
بندر..امين يالله تصبحون على خير
محمد..كلنا بنام يالله

اما في بيت ام فارس كانت نوره حابسه نفسها بغرفتها واحمد كالعاده حضوره
خفيف يايجلس بالملحق او بغرفته وام فارس انسانه كبيره تنام بدري وتصحى
بدري احيانا تشوف عيالها واحيانا تنام قبل مايوصلون بالصاله ماكان فيه غير ريم
وغاليه


وصل فارس وحصل غاليه وريم

فارس ويناظر الساعه ..السلام عليكم
البنات..وعليكم السلام
فارس..وش عندكم ليه مانمتوا غريبه
ريم بتردد..بصراحه عندنا موضوع بنكلمك
فارس بتعب ..ضروري
ريم..ياليت
فارس..طيب توه بيجلس
ريم..بس بمكتبك مو هنا ماابي امي تسمع اخاف تصحى
فارس مستغرب..اوكي جيبي لي عصير وتعالي
ريم..طيب اطلعي غاليه
فارس بصوت امر..تعالي ياغاليه مابكلك بتوصل ريم بدقايق
راحت غاليه معه ولاول مره تدخل مكتب فارس كان مكتب له هيبته كأنه فارس
فيه قوه بس فيه راحه وهذا الاحساس الي بدت تحسه تجاه فارس انسان قوي
وقاسي بنفس الوقت تحس براحه تجاهه
فارس ويشيل شماغه ويحطه عالكنبه ..تفضلي
جلس فارس عالمكتب وشغل كمبيوتره وغاليه جلست قباله وهي مش مستحيه
ولاخايفه بس ماحبت تنحط بهالموقف موقف تكون فيه بهالقرب من فارس
فارس وحس باارتباكها ..هذي ريم وصلت
دخلت ريم وعطت فارس العصير وجلست
فارس ويلتفت ويتسند عالكرسي وقباله غاليه وريم ..يالله
ريم..بصراحه الموضوع يتعلق بنوره ودانا بنت خالتي
فارس وتغيرت ملامحه ماعاد ممكن تفهمين منه أي شئ ..ايوه
ريم لما شافته سكتت خافت ورفعت راسها لغاليه تطلبها تحكي وفهمت غاليه
غاليه..بصراحه فارس اذا بتعصب اكيد بتفهم غلط بس لازم تكون هادي حتى
تقدر تفهم
فارس وعصب فعلاً..اسمعوني انا لو بعصب بعصب من هالاسلوب قولوا بسرعه
ريم بتوتر ..غاليه تكلمي
غاليه وخافت لانه رفع صوته ..مو انتي الي قايله بنقول لفارس تكلمي
ريم..اف منك
فارس ويضرب المكتب ويوقف..اقول بتتكلمين والا اروح لنوره افهم الموضوع
ريم وعرفت ان فارس مابيستحمل ..خلاص بتكلم نوره ودانا يجيهم ازعاج
وسكت ماكملت
فارس..احيانا ودي اعطيك كف كل هالموضوع عشان ازعاج
غاليه..لا وقالت له كل الموضوع
فارس اخذ جواله واتصل
فارس..هلا فهد
شهقت ريم وناظرها فارس وسكتت
فارس..اسمعني ابيك تجيني بعد صلاة الفجر
فهد..خير ان شاء الله العيد اليوم
فارس..ههههههههههههه
استغربت غاليه وريم من ضحكت فارس الي مو بوقتها
فارس..الله يخس عدوك تعال وبس او تعال عندي الحين اقول لك
الموضوع واذا بتنام نام عندي
فهد خاف ..شصاير
فارس..تعل انتظرك يالله فمان الله
سكر فارس والتفت للبنات الي استغربوا هدوءه
ريم..فارس كنت خايفه اقول لك غريبه ماعصبت
فارس ويتنهد..ليه اعصب اذا فهمت الموضوع اوكي وشفته يستاهل
واختي غلطانه عصبت
ريم..ريحتني يالله تصبح على خير
قامت غاليه وريم
فارس..غاليه اجلسي بكلمك
ريم باابتسامه ..يعني انا اطلع
فارس..والله كيفك بتجلسين حياك بتطلعين بسلامتك
ابتسمت ريم..اجل ابطلع
غاليه خافت ..اجلسي ونطلع مع بعض
فارس وهو يقرأ شئ بالكمبيوتر ..ماباكلك
ريم..هههههههههه انتظرك بغرفتي
طلعت ريم وبدا فارس
فارس..شوفي غاليه انتي قلتي مانطلق صح
غاليه..صح
فارس..هالموضوع مش سهل مثل ماتوقعت انا قلت طيب بس فكرت
وشفته صعب انتي ماتتغطين عني
غاليه بسرعه ..اتغطى عادي
فارس..هههههههه مو هنا المشكله انا اقول نعلن زواجنا عند اهلي خوالي
ونستمر على مااحنا عليه او ننفصل والانفصال بصراحه بهالوقت مابيرضيني
لانه بيسبب لك كلام ماله أي داعي هالحل مايرضيني لانه يسئ لسمعتي وسمعتك
غاليه..كيف يسئ
فارس..غاليه انا تعودت عليك مثل ريم ونوره اكلمك عادي مااقدر اذا كان احد
موجود اكلمك على انك بنت عمي واذا كلمتك عادي اهلي بيفهموني ويفهموك
غلط يعني انا طبعي كذا مااعرف اتصنع ولو طلقتك الحين الناس برضوا بيتكلمون
طلقها وهي عندهم
غاليه..واذا اعلنت اننا مملكين
فارس وحس انها مرتبكه وهالشئ عجبه ..بتنحل هالمشكله بس بتطلع مشكله ثانيه
بس هالمشكله اولا بينتظرون الزواج وبيطالبون انه يكون سريع بااعتبار انه عيب
لانك معنا بنفس البيت يعني عادات وتقاليد ولو قلنا اننا تزوجنا برضوا يه مشكله
غاليه وضاعت من الحلول الي يقولها وبعدين يصعبها ..وش المشكله
فارس..اذا جاء احد وحصلك بجناح وانا بجناح
غاليه وبسرعه..اجل لاتعلن واتغطى
فارس يبتسم ..لاتخافين مابجيبك عندي انا اقول انك تستمرين بجناحك واذا جاء احد
غاليه تقاطعه..انا مااقدر امثل قدام الناس اني زوجتك مستحيل
فارس يبتسم..بصراحه ولاانا اقدر اجل مافيه الا الطلاق اريح لي ولك ولمصلحتك
نخليه طلاق من غير مااحد يعرف مثل ماتم الزواج بالسر الطلاق نفس الشئ
غاليه..اوكي اجل مالنا الا الطلاق
فارس استغرب هالكلمه منها..ليه غيرتي رايك بسهوله غريبه
غاليه..لان مافيه حل وانت تهمك سمعتك وانا نفس الشئ
فارس مايعرف ليه حب يدور حل ثاني ماعجبه انها ترضى بهالسهوله ..
نخليها ملكه طويله لمدة سنه وبعد سنه يحلها الله شرأيك
غاليه توترت وضاق صدرها وخافت من تلاعبه بالحلول ..كيفك سو الي تبي
فارس انقهر منها ..هالسلبيه مو كويسه لك
غاليه وقامت بتطلع ..عادي
فارس ..ماخلصت كلامي اجلسي
خافت غاليه وجلست
فارس..انا متعود احول مبلغ كل شهر اثنين بحساب خواتي وانتم مثلهم وابي رقم
حسابك اذا عندك
لاول مره من دخلت بيتهم تصيح قدامه لفت وجهها عنه واستغرب
فارس مايعرف ليه دموعها تستفزه وتقهره يشوف ضعف العالم كلها مجتمع فيها وهو
اكره شئ بحياته الضعف ....وشفيك ليه تصيحين
غاليه تحاول تمسك نفسها..انا مو محتاجه شئ
فارس ويوقف ويجلس قبالها وكأنه اخته ..ليه هالحساسيه انا ولد عمك بحسبة اخوك
يعني اذا احتجتي شئ مابتطلبينه مني غاليه انا عندي اختين ريم ونوره وانتي الثالثه
تعودني تشوفينا اخوانك حتى تتقبلين الواقع ودموعك ماابي اشوفها
غاليه وتمسح دموعها ..انت ليه كذا
فارس استغرب..كيف يعني
غاليه وهي تصيح..ليه ماتنتقم مني ليه ماتعذبني ليه معيشني كاني من اهل البيت ليه
فارس وعصب من قلب ..انتي صاحيه غاليه وش هالكلام تبيني اعذبك

غاليه بصوت عالي شوي وقفت ورفعت خصل شعرها عن عيونها ..ايه صاحيه ليه انت
عكس كل شئ تصورته ليه كل يوم تحاول بتصرف وبكلمه تمحي صفحه سوداء رسمتها
عنك ليه حرام كل يوم اقول اليوم بينتقم بس تعاملني بااسلوب احسن كل يوم اقول
بشوف الصوره الحقيقه لك كل يوم اشوف احترام خواتك لك كل يوم اقول بكرا بيجرحني
بكرا بينتقم يااخي انت شو ماتحس ماجرحك ابوي يعني ابي اعرف مليت من الانتظار كنت
خايفه من سلطان بس انت وسلطان كلكم صدمتوني هو يعتذر منك وانا واثقه انه كذاب وانت
كل يوم تثبت لي انك مثل ماقال عنك ابوي يااخي حرام عليك ليه تسوي كذا تعبت ومليت
تزوجتني من غير أي سبب مقنع كان باامكانك ترفض وترفض طالما بتطلقني ابي افهم انت
شلون تفكر ليه وافقت تتزوجني وانت بتطلقني فهمني اهنتني لما طلبتني افتش لك وعادي
كانك شايف جدار صح انا مو جميله بس ماتوقعتك انك تشوفني قطعة اثاث بالبيت تدخل
وتسولف وتطلع ولاياثر فيك شئ وجودي او عدمه كل شئ عندك عادي وطبيعي ودي افهم
شئ واحد انت ليه تعملني بالاحترام وكأني اختك او بنت عمك الي تحب ابوها وتقدره ليه
اسلوبك راقي جدا جدا معي ابي افهم ليه تخليني اتقبل وابدا اتعلق فيك
سكتت عند هالكلمه وكأن العالم كلمه اتعلق فيك توقف طلعت من المكتب لغرفة ريم مصدومه
من كلمتها اما فارس ........؟؟؟؟؟؟؟؟


اما ريم كانت بغرفتها مشغوله بملفها تكتب وكأنها تسابق الوقت

"" كلمة الأب قبل القائد""

خادم الحرمين الشريفين الملك فهد بن عبدالعزيز رحمك الله مااروعك ومااروع كلماتك
استوقفتني اول كلمه لك بعد توليك الحكم كثيراً فقد كانت تقول

إنني لأ شعر بعظم المسؤولية وثقل الأمانة التي شاء الله سبحانه وتعالى ان أحملها ، راجياً منه
جل وعلا أن يعينني على حملها وإنني أعاهد الله ثم أعاهدم بأن أكرس كل جهودي ووقتي
من أجل العمل على راحتكم وتوفير الرخاء والاستقرار لهذا البلد العزيز ، وأن أكون أباَ لصغيركم
وأخاَ لكبيركم ، فما أنا إلى واحد منكم يؤلمني ما يؤلمكم ويسررني ما يسركم ))

21\8\1402 هــ
فــــــــهد بن عبدالعزيز

قطع عليها اندماجها مرور غاليه السريع والمريب لغرفتها قفلت الملف وتبعتها



اعتراف مفاجئ غريب قد يجرح غاليه وقد يجعل فارس يستعجل الطلالق او يمحيه من قاموس
كلماته

مشكله بدأت لنوره ودانا نتيجه ضحكه عفويه للاسف ضعاف النفوس يعتقدون انها دعوه غير
مباشره وهي عفويه مالها أي دافع سئ

حياة جديده لدلال ومحمد قد تحمل الفرح او الالم

[كتمــان]

الجــزء الثاني عشـر

طلعت من غرفته وراحت غرفتها رمت نفسها عالسرير وبدت نوبة بكاء من قلب حست فيها ريم
وراحت لها فتحت الباب وانصدمت من شكلها كانت عالارض ورأسها عالسرير ودموع ممليه وجهها

ريم بخوف ..غاليه شفيك فارس زعلك
غاليه وتصيح وحضنتها ريم
ريم..تكلمي وش قيك
غاليه وهي منهاره ..بموت ياريم لاانا قادره افهم نفسي وانا انا قادره افهم فارس
ريم خافت من خوف غاليه ..وانا مو فاهمه وضحي
غاليه وبدت تحكي ودموعها تنزل ..لما تزوجني توقعته يبي ينتقم من ابوي فيني كنت انتظر
اللحظه الي يذلني ويهيني ويعذبني فيها كنت متوقعه بشوف وبسمع منه كل كلمه جارحه وهالشئ
ماخفت منه حسيت انه من حقه لان ابوي غلط عليه ولان ابوي باعني وخلاني رخيصه والرخيص
الناس تسترخصه ولاتهتم فيه بس الي صار العكس يعاملني بكل احترام صح يعاملني كأني اخته بس
ها مايعني ان فيه كلمه تتردد ببالي دائما انا زوجته مو اخته ريم المشكله اني اكرهه قبل وفاة ابوي
ريم ومندمجه معها ..والحين
غاليه وتجلس عالسرير وتمسح دموعها ..اكذب لو اقول احبه بس تصرفاته غصب عني تخليني احترمه
واقدره واتعلق فيه كل الي يعمله معي انا واثقه راح يأدي لنتيجه وحده اني احبه وانا ماابي احبه
مستحيل احبه اولا ً لانه مايحبني ولايبي يتزوج وغير كذا انا اعرف اني مااستاهله
ريم مستغربه..ليه ماتستاهلينه
غاليه وتضمم رجولها لصدرها ..ريم لاتجامليني فارس جاه ووجاه وانا صح بنت عمه بس ابوي توفى
وكثير يكرهونه وخوالي كل واحد اخس من الثاني وانا لاشهاده ولاجمال
ريم وتجلس جنبها ..غاليه انتي حلوه ومو شرط يكون معك شهاده يكفي انك انسانه واعيه ومثقفه
غاليه..ريم فارس لازم يطلقني
ريم بخوف ..هو قال بيطلقك
غاليه..ايه وانا رفضت خفت بصراحه بس لازم يطلقني عشان افقد الامل منه لازم لرغم اني كنت
متأمله يغير رائيه ويتمم الزواج لكن لا رافض مايبي يتزوج قبل مااعرفه مابنيت امال عليه بس الحين
ماابي اتطلق ماابي اتغطى عنه ابي اشوفه صدقيني ريم رغم اني اذا شفته مااحس مثل البنات بفرحه
بس احس اني محتاجه اشوفه ويشوفني رغم اني متأكده انه يشوفني مثلك ومثل نوره بس ماابي
اتطلق ابي اذا دخل فارس احس بتميزي اني مو اخته بس افتش له اجلس معه اكلمه واخاف من
نهاية هالاحساس وبسبب هالخوف لازم اتطلق
ريم..انا بصراحه محتاره بس فارس صعب يحب انا مااقول هالكلام عشان تفقدين الامل بس فارس
قاسي وهالقسوه علمته يتجاهل عواطفه احتمال يكون يحمل عاطفه ارق من الف عاشق بس فارس
قوي وقاسي رغم حنيته علينا الا انك تحسينها حنية اب مو اخ
غاليه وتتنهد..ممكن تعطيني رقم خالتك الجوهره
ريم مستغربه..ليه
غاليه..هي تعرف كل شئ وابي رائها
ريم تبتسم..مشاء الله عليها كسبتك على طول من جلسه وحده هذي هي خالتي الله يخليها من
عوني خذي رقمها


اما فارس وقف لحظات بمكانه مصدوم من كلام غاليه الي خلاه يتخذ قراره بطلاقها بااسرع وقت
ظلت الكلمه تتردد بباله اتعلق اتعلق فيك نطقها فارس ودخل يدينه بشعره وقال
..يارب ارحمني ونزل تحت لان فهد وصل واستقبله

فهد..سلام
فارس من غير نفس وبذهن مشغول ..وعليكم تفضل
فهد استغرب فهد فارس كان رايق وهو يكبمه..شصاير
فارس..اجلس وبلاش تهور لاني مصدع ولالي خلق صراخ
فهد. من غير نفس .طيب قول
فارس وقال له السالفه طبعا فهد عصب بس قدر فارس يهديه وفهد هدى شوي لان واضح
ان فارس مزاجه سئ
فهد..طيب والحل
فارس..بننتظرهم ونمسكهم ونكلمهم
فهد؟؟صادق بتكلمهم عادي اصلا شلون بنقدر
فارس..ايه ابي افهم هم وش يبيون من البنات
فهد..انا مااضمن امسك اعصابي انت انسان تأخذ اللامور بهدوء وانا مااتوقع لازم
اعطي كل واحد كف عالاقل
فارس ويتنهد ..لا حاول لازم نكون هادين بعدين لغة اليد مو لازم تكون اول حوار
بينا لازم نتعود نفهم بعدين نغضب يااخي ملينا من اسلوب اليد متى بنخلي عقولنا ننكلم
فهد مستغرب..طيب بس مااوعدك بعدين انا اثق ببناتنا يعني واثق ان الغلط منهم وقول
عني ماتقول عادي قول همج ماهمني بس من الحين انا بحاول امسك اعصابي بس
مااضمن

سكت فارس شك فهد ان فارس فيه شئ ثاني ولاله خلق يتكلم
فهد..وانت شفيك مو طبيعي
فارس وكان محتاج يتكلم ..مصدوم
فهد تحمس ..من
فارس ويلتفت له..من بنت عمي غاليه
فهد..وشفيها بعد
قال فارس له الي صار
فهد يهز راسه ..يعني حبتك والله خبله
فارس وعصب..اولا هي ماحبت وثانيا ليه طايح من عينك
فهد..ههههههههههه لا بس ماعليه فارس البنات يحبون صح بسرعه بس انت
صعبه يعني جاف وابتسامتك ماتطلع بسهوله
فارس..المهم انا قررت اطلق
فهد ويرمي عليه المخده..يااخي حرام عليك
فارس ويمسك المخده ..حرمت عالعدو عيشته اجل وش تبيني اسوي فهد
انا مستحيل اتزوجها لازم تكرهني او تفقد الامل فيني
فهد ويقهره ..تمم زواجك
وقف فارس..لا مابتزوج
فهد..احسن بس لاتطلق حرام البنت توها هدت من وفاة ابوها وانت عارف
انها ماتبي تتطلق تروح تطلقها حرام ارحمها عالاقل
فارس..وش اسوي البنت ماتتغطى عني ولاهي حلوه عند خالاتي بيستغربون
بعدين انا تعودت اني عادي اكلمها مثل ريم ونوره مااقدر اكلمها قدامهم على
انها بنت عمي
فهد..حلها سهل قول انك ملكت عليها
فارس..وبعدين
فهد..يحلها ربك
فارس..اف مليت عمي لاريحني لاهو حي لاهو ميت
فهد..الله يرحمه انت روق وربك بيحلها خلنا نخلص من هالسالفه الجديده بعدين
حتى لو طلقتها كيف بتقدر تكلمها بعد ماتعودت تشوفها مثل خواتك وتكلمها عادي
فارس ويجلس ويغمض عيونه بحزن وفقدان امل وهالشئ خلا فهد يضحك لحد
ماعصب عليه فارس ..


طلع الصبح لكن هالمره حزين وقلق ومتوتر على قلوب الكثير منهم دانا ونوره
وفارس وفهد وحتى غاليه هالصبح كان امو حلو ابدا لهم..

نزلت نوره وهي ميته من الخوف لان فارس بالصاله
فارس وواضح انه مانام زين ..نوره انا برا انتظرك
طلع فارس والتفت امه على بنتها
ام فارس..وش عند اخوك شكله تعبان واسأله يقول مافيني شئ
نوره بتوتر..ماادري
طلعت نوره وحصلت فارس ينتظرها
فارس وبتعب ..هم وين ينتظرونكم
نوره بخوف..عند بيت خالتي
فارس..اوكي روحي يالله وانا بتبعك من بعيد وبحل الموضوع
نور..ان شاء الله
وصلت نوره لبيت خالتها وطلعت دانا ومشوا وعلى طول اتصل فارس واخذ
الوصف وعرف السياره فهد على طول اخذ رقم السياره وبدأ اتصالته وبدقايق
عرف بااسم مين هي وتبعوا البنات لحد الجامعه وبعدها تبعوا العيال ودق لهم
فارس اشاره وقفوا عالجنب ونزل لهم هو وفهد

فارس وبهدوء ..السلام عليكم ممكن ثواني اكلمكم اذا سمحتوا
نزلوا الشباب الثلاثه وهم مستغربين
الشاب الاول ..هلا اخوي امر
فهد بعصبيه مد له بطاقته وانصدم الولد برتبته العسكريه بس ماانتبه للاسم
الشاب..خير يااخوي لاقطعت اشاره ولااسرعت
فهد بضحكة سخريه..الظاهر شفت وظيفتي ماشفت اسمي وريه ويأشر لفارس
او قوله اسمك
فارس بهدوء اكثر من فهد الي واضح انه بدأ يعصب ..انا فارس محمد الفلاني
الولد الثاني بسرعه ..انت رجل الاعمال
فارس ويركز نظرته عليهم ..انا اخو البنات الي تلاحقونهم
فجأه اتربطت الاسماء ببعضها عند الشباب واستوعبوا الشباب
فهد وبصوت اعلى ..شئ واحد ابي افهمه انتم ليه ماتخلون العالم بحالها اعنبوكم
ماتستحون الى متى بتظلون ناسين الدين والعادات ماتحشمون احد الى متى
رد انت وياه
فارس ويلتفت لفهد بااشاره انه يهدى..اسمعني اخوي انا ابي اسأل سؤال واحد
بس لكن ابي اجابه صادقه هل خواتي شجعوكم تكلمونهم او اعطوكم اشاره
انهم بنات سهلات
الولد بخجل..لا والله
فهد وعصب اكثر ..اجل ليه تعملون كذا ماتستحون
فارس وعصب بس حاول يمسك نفسه..اجل ليه هالااصرار انكم تؤذونهم
واحد ثاني جريئ ..اسمعوا يااخوان بقول لكم الصدق احنا غلطانا بس بقول
الصدق الي صار تحدي بينا بصراحه من يقدر عليهم واحنا غلطانين بس وسكت
خاف من نظرة فهد
فهد ورفع صوته..وبنات الناس وعرضهم لعبة تحدي بينكم انتم ماعندكم خوات
فارس وعصب من عذر الشباب..اسمعوني كلامي معكم بالطيب مايعني قبولي لكن
هي كلمه وحده بقولها لو سمعت انك تعرضتوا لهم والله لتشوفون فارس على
حقيقته وقتها مابوقفكم بشاروع واتكلم بهدوء لا والله بتشوفون شئ ثاني
الشاب الثالث وخاف منهم ..عن اذنكم وسامحونا
تحركوا الشباب وهم مرعوبين لكن فهد قال لهم كلمه ..اسمع انت وياه مو بس
خواتي والله لو يوصلني عنك انك تعرضتوا لاحد لاخليقكم تحسون بحلاوة السجن
تحركوا الشباب بسرعه وظل فهد معصب علىفارس انه ماتركه يضربهم او يأدبهم بشكل
اقسى من كذا

فارس..خلاص عاد فكنا خلنا نشوف اشغالنا اهم شئ انا خواتنا مثل ماربناهم
وبعدين احمد ربك انهم قالوا لنا وحلينا الموضوع وتراني تعبان ولالي خلق
فهد ويناظره بطرف عينه ..رجعني للبيت انا مو متحملك الحين
فارس.. هههههههههه ان شاء الله

رجع فهد للبيت وحصل دلال وجلس معها

فهد..دلال ابيك بموضوع اجلسي
دلال..ايوه
فهد..انا قررت اتزوج
دلال بفرح..والله مبروك
فهد..بس ابي اخذ رايك بالبنت
دلال..مين
فهد..ريم بنت خالتي
دلال مبسوطه..مابتحصل مثلها اخلاق وجمال
فهد..طيب تتوقعين ترضى ماقد سمعتي شئ منها
دلال وتفكر ..ماادري بس مااتوقع ترفض ريم من النوع الي تحب
شخصية فارس اخوها وانت مثله مااعتقد انها بترفضك
فهد..لاتقولين لاحد انا بفكر ويصير خير
دلال ..اوكي والله يوفقك واستخير احسن لك
فهد..معك حق يالله انا بطلع توصين على شئ
دلال ..سلامتك


جلست دلال مع نفسها وكأن موضوع فهد اخوها ذكرها بخطبة محمد لها
الي من بعد ماردوا لهم ماعاد فتحوا الموضوع حاولت دلال تتناسى الموضوع
لكن ظل ببالها مستحيل تنساه وهذا هو موضوع مهم وراح يكون نقطة تحول
بحياتها لكنها للحظه قررت تسأل امها وتتغلب على حياءها اهم شئ تحدد مصير
افكارها الي من ايام وهو يعذبها

دخلت المطبخ وجلست عالطاوله

ام فهد..وشفيك دلول
دلا بتردد..ابي اكلمك بموضوع
ام فهد..خير
دلال..خالي ماعاد كلمك عن موضوعي انا ومحمد
امفهد..الا كلمني وقال محمد عنه شوي مشاكل بالشغل بنأجل الموضوع شوي
دلال سكتت بس ماتعرف ليه هالعذر مااقنعها طلعت من المطبخ وراحت لغرفتها
وبلحظه حست بدموعها ماتعرف ليه جاها احساس متشاءم لكن تعوذت من الشيطان
وحاولت تتغلب عليه ..

في بيت ام فارس كانت غاليه تكلم ام بدر وشرحت لها كل الي صار
ام بدر..يعني اتي تحبين فارس
غاليه بسرعه..لا طبعا بس حسيته شخص مناسب لي وبديت اتعلق فيه كاانسان
اعتمد عليه
ام بدر..يعني لو طلقك بيظل ولد عمك وبيحميك بعد الله
غاليه بحزن ..بس احس انه فيه فرق الحين انا اقدر اطلب منه أي شئ
ام بدر..غاليه اني مبسوطه ان فارس زوجك حتى لوكان زواج عالورق
وهالشئ معطيك احساس جيد ماتحبين تفقدينه
غاليه..كيف مافهمت
ام بدر..الي فهمته من كلامك انك شايفه ان فارس يستحق وحده احسن
منك شكل وعلم صح
غاليه بحزن..صح
ام بدر..كونك انتي الي فزتي وصرتي زوجته هالشئ اعطاك انتصار ما اعرف
على مين بس اسعدك احتمال يكون انتصار على نفسك لكن اسمعي رائي انتي
حلوه وثقافتك جيده وانتي تستاهلين فارس وبلاش تنظرين لنفسك انك اقل منه
بالعكس انتي حلوه وابتسامتك حلوه وروحك احلى اذا انتي حابه تظلين زوجة
فارس مو عالورق زوجه حقيقه لازم تسعين لهالشئ
غاليه بحماس..كيف
ام بدر وتضحك..اوكي يعني انتي تتمنين تكون زوجة فارس اسمعيني فارس
يكره الضعف والسلبيه وللاسف انتي سلبيه حاولي تغيرين نفسك هذا اولا ثانيا
انسي اسلوب الحريم من حيث الشكل لان فارس ماينظر لهالشئ وخصوصا هالفتره
ماتلفت انتباه المراه كشكل فارس يحب المرأه القويه الي تفرض وجودها ومكانتها
وشوفي تعامله مع ريم واسأليها يحترم رائيها لان لها كتابات واراء
غاليه..طيب كيف اكون مثل ماتقولين
ام بدر..انتي لك فتره تشتغلين بالاسم ولك نجاح جميل فيها كمبتدئه هالخبر راح
يصدم فارس وراح ينسى الكلام الي قلتيه له وينسى الطلاق وينشغل بهالموضوع وحتى
الطلاق ويبدأ يناقشك بالاسهم وحتلاحظين هالشئ يوميا منه لان فارس يبحث عن
الاهتمام المشترك دائما
غاليه..وبعدين
ام بدر..الحين ابدي بهالشئ
غاليه..بس كيف اكون ايجابيه
ام بدر..شوفي انتي ماتقدرين تتخذين مواقف أي احد يقول شئ تقولين طيب
لا ابدي قولي لا بس مو كذا لازم تكون اسبابك مقنعه
غاليه..طيب ومن بيقول له اني اشتغل بالاسهم
ام بدر..ريم طالما تدري عالموضوع حتفيك كثير وتساعدك بالنقاش
غاليه..تسلمين والله كلامك ريحني انا فعلا احس اني مع اهلي
ام بدر تبتسم..انتي مثل ساره ياغاليه واذا احتجتي شئ كلميني
غاليه..شكرا وسامحيني اذا ازعجتك
ام بدر..ابد مافيها ازعاج انتي بنتي


دخلت غاليه على ريم وحصلتها تكتب بالملف الاخضر

غاليه وبعد سرحان بسيط ..اقري لي وش كتبتي
ريم باابتسامه ..رغم اني مااقر لاحد بس بقرا لك انتي يالله تستاهلين

((ذكريات معك ))

خادم الحرمين الشريفين الملك فهد بن عبدالعزيز ..

حاولت ان اتذكر مواقفي معك رأيتها كثيره لكنها خلدت بقلبي لك الاحترام
والتقدير ..

رأيتها اوراق جميله بالمعرض المقام المدرسه للجميع تحمل صوره لك باابتسامتك
المشرقه البهيه ورايت بجانبك طفل مقعد يبتسم ويقول بابا فهد نعم لحظتها اخذت
الصوره وممدتها لاحدى اطفال العطاء اطفال الحياة اطفال التفوق مددتها ليد
طفل معاق وسألته من هذا فااجاب بحروف مكسره بابا فهد واخذ الصوره وضمها
لقلبه ليوصل لي معلومه مهمه انه يحب هذا الاب لم يكن هذا الموقف عادي عندي
بل كان موقف اسعدني واحزنني اسعدني لاني احبك مثلما يحبك هذا الطفل واحزنني
لانني مقصره لااستطيع ان اكتب احساسي لك واتجاهك ايها القائد فقلب الطفل
احسن تعبيرا مني فقلوبهم صافيه كصفاء قلبك..

مواقفي كثيره ورؤيتك تحمل بداخلي فرحه كبيره فخورة انا بك ايها القائد الراحل نعم
فخورة لاني ابنة المملكه العربيه السعوديه فخوره لاني ابنة لك ومواطنه من شعب انت
تحكمه رحمك الله ايها الراحل العظيم واسنكنك الله فسيح جناته وابدلك بدار خير من دارك..


غاليه..الله يرحمه كان موته فجيعه لنا
ريم بحزن..الله يرحمك يااااااااارب

غاليه..ريم بقول لك شئ وتساعديني
ريم..تفضلي
قالت لها غاليه الموضوع ووافقت ريم تساعدها وقرروا يبدون اليوم


بالجامعه كانت هند تسولف مع دانا
دانا..وشفيك
هند..فيه شئ صاير ببيتنا مااعرفه
دانا..خير
هند..سمعت ابوي يكلم محمد الظاهر فيه احد متقدم بس لمين ماادري
دانا..اكيد لك
هند..لا انا اسمع ابوي يقول هي حره ومحمد يرد عليه بس الوضع حساس
دانا ..غريبه
هند..المشكله ابوي ساكت ومحمد معصب
دانا..ان شاء الله خير المهم وين الجمعه هالاسبوع
هند..ماادري مليت من هالجامعه اف
دانا..هذا وانتي ماتجين الا يوم
هند..مليت من كل شئ بحياتي
ددانا..وش هالتشاؤم
هند..الحياة روتينيه قاتله
دانا..اقول انا محاضرتي بدت باي بلا تشؤم
هند..باي

ملت هند واتصلت على صديقاتها وراحت عندهم

اما نوره فكانت مرتبكه وقلقه ولاارتاحت الا لما اجتمعوا عالغداء وطمنها
فارس ان الموضوع انتهى لكنه قرر يغير رقمها احسن لها
ام فارس ..وين غاليه
ريم..نايمه
ام فارس..ميب عادتها
ريم..تعرفين تصحى بدري عشان الاسهم وبعدها تصلي وتنام
فارس التفت لها..الاسهم
ريم ابتسمت..ايه تشتغل فيها
فارس ورفع حاجبه..قولي التفاصيل
ريم..هي تكلمت مع خالتي الجوهره واقترحت عليها انها تبي تشتغل
بالاسهم وطبعا خالتي رحبت بالموضوع وساعتدها والحين لها شهرين
ومشاء من تطور لتطور
فارس بااهتمام ..يعني كسبت..؟؟
ريم..ايه كسبت مبلغ حلو كثير على كلام خالتي الجوهره
فارس يبتسم..شئ حلو والله
ريم..عالاقل تستغل وقتها
ام فارس..اليوم كلمتني خالتها وتسال عنها تقول جوالها مقفل
فارس..حتى سلطان جاني اليوم وكرر اسفه
ام فارس..سبحان الله تغير بين يوم وليله
فارس..الله يهديه بس انا قلت له خلاص انا مااحب احد يذل نفسه
نوره..يمه من شبكت محمد ولد خالي
ريم..ايه صح عشان يمدينا نستعد
ام فارس ارتبكت..ماادري
فارس شك بالموضوع..فيه شئ يمه
ام فارس وتغمز له ..لا مافيه شئ
طلعوا البنات وظلت ام فارس مع ولدها الي طالبها بتفسير وقالت له من
غير تردد

ام فارس ..الظاهر ان بيت اخوي فيه مشكله بين محمد وابوه وعبدالله
فارس..افا والسبب
ام فارس..الجوهره متقدم لها واحد
فارس واستغرب..خالتي الجوهره تتزوج
ام فارس..هالشئ الي رافضه محمد ولكذا زعل مع ابوه
فارس..ومحمد وش دخله
ام فارس..ماادري انا بروح لهم العصر تجي معي خالتك بتكون هناك
فارس..اخاف اكون متطفل عليهم
ام فارس..لا الجوهره قالت خليه يجي معك وحتى قالت قولي لاحمد
فارس ..ان شاء الله


خبر جديد ومحاوله جديده تسعى لها غاليه لتظل زوجة فارس لاان
تكسب قلب فارس فهل ستكب احدهم او ستخسرها معنا


ام بدر وزواج وخطوبه ورفض من محمد مشكله جديد هل ستكون
نتائجه فقط على ام بدر ام ستشمل اكثر من طرف