والله وبديت اشغله واطري على باله
بديت اذوب خفوق اللي مذوبني
ياكثر ماقلت في نفسي : " هنياله "
مرتاح مايدري ان الهم عذبني
اللي جرى لي بدا هالحين يجرا له
ولو انبوني ، ضميري مايأنبني
بعذبه لين يتعب وارأف ابحاله
ماهو عشانه اخاف الله يحاسبني
بااعلمه كيف يقسى وافعل افعاله
وخله يعاتب اذا وده يعاتبني
مايصير انا بس افكربه وهو داله
مفروض يتعب مثل ماهو متعبني
قصيده لخالد المريخي
مواقع النشر