السلام عليكم مشكوره مقدما للدخول على موضوعي
يا ناس ابي رايكم في مشكلتا وهي والحمد لله تعتبر بسيطه مقارنه مع مشاكل الناس ولكن هي ايضا تضايقنا وتقهرنا ونحن مضلومين من اب غير عادل
مشكلتنا هي في زوجة ابونا اللي من اهم صفاتها انها مزاجيه وعبيطه وعندها غيره بغبا (وقد يزيد الامر سوء في المستقبل )المهم هي ام لسته اطفال وشابه وامي هي الاولى وحنا نعاملها باحترام وتجينا ونجيها في بيتها يعني عادي
لكن هي مره تضايقنا بتصرفاتها اللي مالها داعي يعني ابوي يوم يكون عندها ويوم عندنا وابكذا يكون في اليوم اللي هو عندها فطوره وغداه وعشاه عندها واليوم الثاني عندنا لكن في يومها ينزل ابوي يفطر عندنا علشان حضرتها
نايمه وما تبي تسويله فطور صرنا نوضح ونلمح لابوي مافيه فايده واحيانا ينزل ابوي من عندها فجاه لنا علشان يتعشا عندنا وحنا ما عملنا حسابنا قال ايش مالها نفس للعشا ...واذا حملت صارت تدلع وتعذر انها ما تقدر تسوي شي وهي اذا راحت للسوق مافيا البلا ماتخلي مكان ما تروحله
لاوزاد المر فيها انا مره رفضت العزيمه اللى المفروض تصير عندها وطبع صارت عندا بكل بجاحه وقلت ادب وبعد ترفض الضحيه ما تصير عندها ابدا ...زمان كان ابوي كريم يعزم الناس والضيوف اول واحد في الجماعه والحين صار يتهرب عن العزايم اذا صار الدور عليها لاانا حكمت عليه
لا وبعد رمضان ها السنه حكمت عليه كل فطوره عندنا ماتبي تقوم بواجبه بدون سبب واصلا هو متعون معها يتقبل اي شي ما يتشرط او يدقق انا الاحظ هذا لكن عندنا العكس دقيق ليش ما سويتو لقيمات ليش ما سوتو كذا وليش تاخرتو وغيره كثير يطفش اللي ما يطفش ويسبنا اما هي
والله حتى لو نرفز عليها في شي يستاهل يندم علطول ويقدرها وهي ماهي مقدرته او مسويه له اي حساب تصدقون دايم امي تكلمه وتحاول تتفاهم معه لكن يجي الموضوع بالعكس ضدها مسكينه كسرت خاطري اليوم كلمته امي بس تقوله هي ليش ما تقوم بواجبها هذا الحق والمفروض لكن
صار يسبها ويقول انا ابي هنا ...ليت بس هذي لا وبعد تغار مني غبيه واذا رحنا للسوق تلحقنا للمحل اللي ندخله علشان تشوف وش نشتري ..لاوبعد احيانا تقط كلام ماله داعي تلغز بس اطنش مابي نتخانق على كلام تافه واحينا تكذب على الناس واخاف تتبلاني بكذبه من تأليفها
عاد هي ما تستغني عنا اخواني هم اللي ودونها كل مكان تبيه بصراحه مت قهر من تصرفاتها هي وابوي ومحتارين مادري على ايش
تنتهي هالمشكله ..احياننا افكر ازعل عليها واقاطعها و مااعطيها وجه كلش هي اصلا ماتستغني عنا لانا مختلطين مع بعض بس ما ادري وش يصير موقف ابوي منا ....بصراحه محتاره جدا
رد مع اقتباس
مواقع النشر