صينية الأرز بالدجاج والبطاطس "إبتكار""

**زهرة اللوتس** · 12-02-2008, 03:07 PM

بسم الله الرحمن الرحيم

السلام عليكم ورحمة الله وبركاته..

اليوم كنت محتارة شو أسوي على الغداء..

شفت شو عندي في الثلاجة..
وشو ممكن أسوي فيهم..
فطلعت هذه الأكلة..وسميتها..

" صينية الأرز بالدجاج والبطاطس"

خلونا ندخل في التفاصيل..
الصينية عبارة عن ثلاث طبقات..وخلطة كريمه

خلطة الكريمة..
علبة قشطة
علبة كريمة صغيرة (250 مل )
ملعقة جبن كاسات
نخلط المقادير مع بعض حتى تتجانس

الطبقة الأولى..
أرز مسلوق بماء مضاف له كيس بودرة الدجاج من كنور " تعادل مكعبين ماجي"
ونحط له شوية فلفل أسود وبهار مشكل وذرة كركم..
نحط مقدار ملعقتين من خلطة الكريمة في قاع الصينية..
ونضع عليها الرز..ونساويه بالصينية ونضغط عليه شوي..

الطبقة الثانية..
نحمس بصل مقطع صغار ثم نضيف له صحن دجاج مفروم..
ونتركه حتى يستوي الدجاج..ثم نضيف له شرائح الفطر وبقدونس وكزبرة وشبت مفرومين..
ثم نضيف له البهارات(ملح وفلفل وبهار مشكل وكركم وكزبرة وكمون)
نضيف لها ثلث كمية خلطة الكريمة..ما نخليها على النار وايد..
وبعدين نحطها على طبقة الرز..

الطبقة الثالثة..
كمية من البطاطس المهروسة نضيف لها ملح وفلفل وأربع ملاعق من خلطة الكريمة..
وإذا تحبين أكثر ممكن تزيدين..
نحط البطاطس على الحشوة ونساوي السطح زين..
على الوجه تحطين الكمية اللي بقت من خلطة الكريمة..
حتى لو شوية بس عشان تعطي لون ولمعة..
وإذا تحبين ترشين عليها جبن براحتج..(أنا ما حطيت)..
وتخلينها في الفرن من تحت وبعدين من فوق حتى تتحمر..

وهذه صورة أقرب تبين الطبقات..

وبالهناء والعافية..