السلام عليكم
هذي أول مشاركة لي في المطبخ
حبيت أقول لكم عن وجبة غداء مرة لذيذة
ويارب تعجبكم
الرز بالتونة
المقادير:
بصلة
فص ثوم
طماطم
كزبرة
بطاطس
علبة تونة
رز
الطريقة:
1_تغسلين الرز (الكمية حسب عدد الأشخاص) وتنقعينه في موية
2_ تفرمين البصل والثوم والطماطم وشوية كزبرة خضراء
3_ تقشرين البطاطس وتقطعينها دوائر
4_ تحطين شوي زيتفي قدر وتحطين فوقه البصل بعدين الثوم وتخلينه شوي وبعده الطماطم والتونة وتضيفين شوية ملح وفلفل أسود وكمون وكركم والكزبرة الخضراء وتخففين حرارة النار
5_ تسلقين الرز مع ملح وشوية زيت لمدة 10 دقائق
6_ أثناء سلق الرز اقلي البطاطس بالزيت
7_ أضيفي البطاطس المقلي على خلطة التونة وبعدها صفي الرز وأضيفيه فوق البطاطس
8_ حطي قطعة زبدة صغيرة فوق الرز واتركيه خمس إلى عشر دقائق على أخف درجة حرارة.
9_ اقلبي القدر في صحن كبير وبالعافية ..
قدميها مع سلطة ولا تنسين الملح والليمون وزيت الزيتون والسماق على السلطة عشان تطلع حلوة
دعواتكم
وعطوني رايكم للي جربها
اللهم صلي وسلم على نبينا محمد وعلى آله وصحبه أجمعين
رد مع اقتباس
مواقع النشر