مساء الخير كيفكم حبايب قلبي
من اكم يوم كان عندي عزومة صغيرة نوعا ما فقررت ابتعد عن المحاشي وهالاطباق واغير فقلت بساوي مقالي مع سمك وساويت معجنات وكبة مقلية ومقبلات بابا غنوج ومتبل حمص ومحمرة خبرتني عليها الغالية ام ايهم وطرطور طبعا ضروري مع السمك وصلطة وصينية كفتة بمع شوية خضرة والكفتة المشوية بالفرن بس للاسف ما لحقت اصورها و كمان سمك بالفرن والصور صورناها بالمطبخ علشان ما قدرت اصورها وهي على الطاولة ما كان عندي وقت الصراحة كنت مشغولة جدا
وهاي الصور
وهاي صورة السمك بالفرن
المقادير
سمك على حسب ما بدك وعادة مناخد سمكة كبيرة وزنها كيلو تقريبا
بطاطا مقطعة شرائح -كزبرة ناشفة - كزبرة خضراء مفرومة حوالي رزمتين-توم مدقوق حوالي راسين-حر احمر مطحون على حسب ما بتحب انا بحبها كتير حرة-ملح طبعا وبهارات السمك وكمون وزيت مازولا
الطريقة طبعا بع ما نكون نضفناها للسمكة كويس وغسلناها منيح منملحها ومنحط عليها شوي من بهار السمك وبعدين منفرد البطاطا المقطعة حلقات في صينية ونرش عليها شوية كمون وحوالي ملعقتين طعام زيت
ونقوم بخلط الكزبرة الناشفة مع الكزيرة الخضراء المفرومة -التوم المدقوق-الحر المطحون ونقوم بحشي السمك كويس ونشرح ضهر السمك قليلا ونضع قليلا من الحشو
ثم نضع السمك فوق البطاطا ونغلفها بورق الالمنيوم وندخلها الفرن وقبل التقدم ننزع ورق الالمنوم ونحمر وجهها قليلا والف صحة وهنا
وان شاء الله المرة القادمة بنزلها بالخطوات المصورة مع سمكة كبيرة
ان شاء الله تعجبكم
السمك المقلي
صينية الكفتة مع الخضر وزي ما قلتلكم ما لحقت اصور الكفتة المشوة بالفرن
وهي سهلة زي ما انتم شايفين
والطريقة باينة بالصور
مقلي بيتنجان وقرنبيط
لسه في الحلويات لا تروحوا بعيد
يتبع
مواقع النشر