السلام عليكم ورحمة الله
كيفكم ياحلوين ؟؟؟؟
اليوم جبت لكم طريقة برياني ع قدي برياني دجاج بالزبادي ماياخذ وقت معاك وفوق ذلك طعم حلو وبأنز ل الخطوات خليكم معاي يالله نبدا
بسم الله
1/نحتاج راس بصل كبير مفروم ونضيفة للزيت الحار في القدر(قدر ضغط) حتى ياخذ لون خفيف مثل كذا...
وبعد كذا نجيب الدجاج المقطع ثماني قطع أنا استخدمت دجاجة وحدة بس ونضيفها للبصل كالاتي
....وتشوحينها شوي
2/بعد كذا تضيفين البهارات وهي عبارة عن :
2م ك كاري مطحون ماركة السفينه
1م ك دارسين مطحون
1م ك فلفل اسود
1 م ك كمون مطحون
1 م ك كركم أصفر
نصف م ك عويدي مطحون
حبة ليمونه سودا
رشة هيل
بعد كذا تخلطين جميع المقادير مع بعضها
3/ألحين تفرمين نص راس ثوم مع حبتين صغار طماطم مع اثنين فلفل مع الملح حدود ملعقتين في الخلاط
وتصبينها عالدجاج بس بعد مابطلع زيتهاكالاتي:
4/وآخر شي نضيف علبة الزبادي ونخلطها مع الدجاج ونغطيه لمدة نص ساعة ع نار هادية بدون ماتسكرين قدر الضغط بالكامل يعني لاتربطين القدر غطيه بس
وهذا شكلها بعد الخلط
5/وفي النص ساعه تجهزين الرز الابيض وهو عبارة عن 4 اكواب أرز بسمتي مزة هنديه ماركة الغزال منقوع نص ساعه قبل وتضيفين لها ماي مغلي مع ملعقتين ملح ناعم ونص كاسة زيت ويرفع عالنار ويترك لما يغلي دون تغطيه
ولمايتشف تماما مثل كذا
تصبينه ع ادجاج
وتربطين غطا القدر ويترك من ربع ساعه إلى عشرين دقيقة
6/ بعد كذا تقلبينه بصحن التقديم ويزين بالصنوبر المقلي والزبيب والبصل الجوانج المقلي وممكن مكسرات مثل كاجو ولوز
وهذا الشكل النهائي وبالهنا والعافية
بنات والله العظيم تعبت كثير في تنزيل الصور وترتيب الموضوع عشانكم ما أبغى منكم إلا دعوة لأختكم بظهر الغيب أن يبعد الله عني وأهل بيتي كل بلاء
ويجعلنا من المرفوعين ذ كرا في السموات والأرض
7
7
7
7
7
تحيــــــــــــــــــــــــــــــــــــــــــــاتي
رد مع اقتباس
مواقع النشر